LEKCIJA 20
Lačho zaveris tira dumake
Kazateľ 12:13, 14
SO ODA HIN: Tiro zaveris mi podhazdel le manušen te kerel oda, so šunde.
SAR KADA TE DOCHUDEL:
-
Andro zaveris leper o hlavna mišľenki. Phen mek jekhvar o hlavna bodi the e tema. Na mušines oda te kerel ole iste lavenca.
-
Phen avka, kaj te kamen te kerel oda, so šunde. Pomožin lenge te achaľol, so kampel te kerel. A soske oda hin mište. Vaker le jilestar. De duma avka, kaj te dikhen, hoj zorales paťas oleske, so vakeres a hoj ola lava hine igen dvoležita.
-
Ma vaker but. Andro zaveris tuke imar ma thov neve hlavna bodi. Paru lavenca pro agor le manušen podhazde, kaj te keren oda, so šunde.