STADI 20
Pinis Bilong Tok i Mekim Gutpela Wok
Eklisiastis 12:13, 14
OL BIKPELA TOK: Long ol laspela tok bilong pinisim tok, mekim sampela tok i kirapim ol man i harim tok bilong yu long bihainim tok ol i bin harim.
ROT BILONG MEKIM:
-
Pinis bilong tok i mas stret wantaim tok yu mekim. Kolim gen ol bikpela poin na tim bilong tok bilong yu.
-
Mekim tok i kirapim ol man i harim tok bilong yu long mekim samting. Kamapim klia samting ol man i harim tok bilong yu i mas mekim na as na ol i mas mekim olsem. Mekim tok long pasin i soim olsem yu bilip long tok yu mekim na olsem wanem dispela tok i bikpela samting.
-
Pinis bilong tok i mas sotpela na i isi long kisim. No ken kamapim ol nupela tok. Mekim sotpela tok tasol, na kirapim ol man long bihainim tok ol i harim.