LEKSION 20
Lekuknax te bitʼil ya alajin te awaʼiyeje
Eclesiastés 12:13, 14
TE BIN YA SKʼAN YA ANOP: Ta slajibal te awaʼiyej tuuntesa kʼopetik te ya stijbey yoʼtan te machʼatik ya schʼam yaʼiyik te akʼop yuʼun ya schʼuunik te bin ya snopike sok te ya spas ta skuxlejalike.
¿BIN-UTʼIL TA PASEL?
-
Te bintik ya awal ta slajibal nitbeya skʼoplal sok te tema. Jultesbeya ta yoʼtanik yan buelta te tema sok te puntoetik te mukʼ skʼoplale.
-
Tijbeya yoʼtan te machʼatik ya yaʼiybat te akʼope. Albeya te bintik ya skʼan ya spasik sok te bin yuʼun ya skʼan ya spasike. Chikanuk ta ilel te smelelil sok te schʼuunej awoʼtan te bin ya awale.
-
Komuknax sok mame chujkʼuluk te slajibal te awaʼiyeje. Mame xa awalbey skʼoplal yachʼil puntoetik. Tsaa chaʼoxpʼalnax kʼopetik te ya xtijbot yoʼtanik yuʼun ta spasel te bin la snopike.
