ISIFUNDO 20
Amazwi Okugqibela Mawabangele Umdla
INtshumayeli 12:13, 14
INTO OMELE UYENZE: Xa ugqibezela bancede abantu abakumameleyo bayamkele into obafundise yona uze ubenze bayisebenzise.
INDLELA YOKUYENZA LE NTO:
-
Umqukumbelo wakho mawudibane nayo yonke into obuthetha ngayo. Phinda uthethe ngezinto ezibalulekileyo nangomxholo.
-
Bakhuthaze abantu abakumameleyo. Babonise into abamele bayenze uze ubacacisele ukuba kutheni bemele bayenze. Thetha ngendlela ebonisa ukuba uyayikholelwa le nto uyifundisayo ibe ibalulekile.
-
Umqukumbelo wakho mawube mfutshane uze ube lula. Sukongeza izinto ezintsha kwezi sele uzithethile. Sebenzisa amagama ambalwa aza kuqhubela abantu esenzweni.