BATIZO Kan alokaloka mange umbe, jubiweko kom m’i wang’e, atira ku bop, ni ju ma gibilimo batizo. Gibilar cidho nibedo iwi kom m’i wang’ene i wang’ caku korolembe mi batizo, nyangu mi ceng’ soko. Ng’atuman biwotho ku bongu m’ebimondo ko i pii man bongu m’ebiweyo ko kume.

GIRAMIA Judaru nitio ku sente lee akeca pi niyiko kabedo, jamtic mi koko dwal, jamtic mi video, ku piny mange dupa kara coko maeni ukadh ma ber man kara ekonywu nicoro ceng’ni i vut Yehova. Giramia mwu ma ku berocwiny konyo pi culo wang’ sente maeno ma jutio ko man pi nitielo tic mi Ker i ng’om zoo. Pi dwoko lembe yot, juketho sanduku mi giramia ma jukiewo kumgi cuu kaka ma tung’ tung’ mi coko maeni. Giramia mwu ceke pigi tek lee. Guriri m’utelowic ubefoyowu lee dit pi giramia mwu ma ku berocwiny ma wubetielo ko tic mi Ker kara ticne ucidh i wang’e.

JOL Umego ma juketho pi jolo dhanu gitie ayika pi nikonyi. Wakwayu ilub telowic ma gibimio pi parking, kite mi wotho i kakare mi coko maeni, man gwoko kabedo ni dhanu m’iwotho kugi, man pi lembe mange.

JU M’UMIIRI KU BEROCWINYGI Kan imaru ikony tic moko kakare mi coko maeni ma dit, cidh inyuthiri i odtic mi Lembang’eya man odtic mi ju m’umiiri ku berocwinygi.

KABEDO Tim kisa ipar pi dhanu mange. Ng’ei nia eber nigwoko kabedo kende kende ni dhanu m’uwotho kugi i mutukari acel, m’ukwo kugi karacelo kunoke dhanu m’iponjo kugi Biblia. Tim kisa kud iketh gin moko iwi kom mange maru ibicero kabedo ni dhanu mange.

PINY M’URWINYO MAN MA JUNWANG’U Jucikiri nitero piny ceke ma junwang’u anwang’a i odtic mi piny m’urwinyo man ma junwang’u. Ka piny peri moko urwinyo, cidh i odtic maeno pi nineno nyo pinyne utie kuca kara igame. Juromo bende nitero awiya m’urwinyo kuca. Ento etie ngo kakare mi gwoko awiya. Pieno, junyodo gicikiri nigwoko awiya migi cuu i ng’etgi.

YATH MIR ULAR-NG’ADI Ng’ei nia yath maeni tie pi nilaru remo MA PIO PIO KENDE.

SOMO MI JURWEI INJILI MI KER Juyab yo ma gitie ku oro 23 nitundo 65 ma gimaru gitim lee akeca i tic mi Ker, gitie ajola i coko ma jubitimo kugi ceng’ yenga dieceng’. Jubitwong’o saa ku kaka ma cokone bitimere i ie.