NA MARTUGAS DI TATA TERTIB Na martugas di tata tertib dipangido laho mangurupi sude na ro. Ihuthon ma tudu-tudu nasida tingki di parkiran, di dalan kaluar masuk gedung, laho mambuat hundulan, dohot angka na asing.

PANDIDION Nunga diparade hian hundulan tu na laho tardidi di jolo, jonok tu panggung. Alai molo adong perubahan, boi do hundulan i dipapinda. Dipangido do tu angka na laho tardidi laho hundul disi andorang so dipasahat jamita tu na laho tardidi di ari Sabtu manogot. Ganup ma na laho tardidi mamboan anduk dohot pangkean na patut na hombar tusi.

SUMBANGAN Godang do hepeng na dihaporluhon laho paradehon hundulan, tata soara, dohot na asing dope asa denggan tapangke inganan on. Sude angka na diparade mangurupi hita denggan manangihon sipasingot ni Jahowa, jala mambahen lam togu parale-aleonta tu Ibana. Sumbangan na dilehon hamu boi manutupi angka biaya naung dipangke di kebaktian on, jala mangurupi ulaon marbarita di liat portibi on. Diparade do piga-piga kotak sumbangan di gedung on. Mauliate ma tu sumbanganmuna. Jala di hamauliatehon Punguan na Mangaradoti Organisasi do i, ala rade hamu mangurupi na ringkot di ulaon tu Harajaon.

P3K HOLAN TINGKI SITUASI DARURAT.

BARANG NA MAGO DOHOT NA DAPOT Molo adong barang na mago jala dapot, diboan ma tu Departemen Barang Hilang dan Ditemukan. Molo adong barangmu na mago, sungkun ma tu departemen on, jala paboa ma barang aha na mago i. Dakdanak na lilu manang na dilului natua-tuana, diboan ma tu departemen on. Alai asa unang gabe repot godang halak, dipangido tu natua-tua asa mamparrohahon jala manjaga ianakhonna.

HUNDULAN Maradophon ni roha ma tu donganta na asing. Hundulan boi dipapulik hian holan tu keluarganta, donganta sajabu, samotor, manang tu parsiajar Bibelta. Unang ma tapeakkon barangta di kursi na so tahunduli.

NA RADE MANGURUPI Molo rade hamu mangurupi di kebaktian on, paboa ma tu Departemen Informasi dan Dinas Sukarela.

SINGKOLA TU PARBARITA HARAJAON Perintis na marumur 23 sahat tu 65 taon, na lomo rohana dohot tu Singkola tu Parbarita Harajaon, digokkon hami asa dohot tu pertemuan singkola i di ari Minggu arian. Dipaboa do annon tingki dohot inganan ni pertemuan i.