ATTENDANT Ang mga attendant giasayn sa pagtabang kanimo. Palihog pakigkooperar kanila pinaagi sa pagsunod sa ilang mga instruksiyon maylabot sa parkinganan, pagpatunhay sa kahapsay, pagreserba ug mga lingkoranan, ug uban pa.

BAWTISMO Dunay gireserbang mga lingkoranan sa atubangan sa plataporma alang sa mga kandidato sa bawtismo. Ang mga kandidato sa bawtismo kinahanglang molingkod na sa maong mga lingkoranan sa dili pa magsugod ang pakigpulong sa bawtismo sa Sabado sa buntag. Kinahanglang magdala ang matag kandidato ug tualya ug kasarangang humdonon.

KONTRIBUSYON Dako ang nagasto sa pagtaganag igong lingkoranan, sound system, video equipment, ug uban pang serbisyo aron kita makapahimulos sa pagtambong sa kombensiyon ug matabangan nga mas masuod kang Jehova. Ang imong boluntaryong amot makatabang aron mahulipan ang mga galastohan ug masuportahan ang tibuok kalibotang buluhaton. Adunay mga contribution box nga klarong gimarkahan ug gipahimutang sa palibot sa pasilidad. Ang tanang kontribusyon gipabilhan pag-ayo. Ang Nagamandong Lawas mapasalamaton gayod sa imong madagayaong pagsuportar sa intereses sa Gingharian.

FIRST AID Palihog hinumdomi nga kini para sa EMERHENSIYA LAMANG.

LOST AND FOUND Ang tanang butang nga makaplagan angayng dad-on sa Lost and Found Department. Kon mawad-an kag butang, susiha kini niining departamentoha. Ang mga batang nahimulag sa ilang ginikanan kinahanglang dad-on dinhi. Pero, aron malikayan kana, palihog bantayi ang imong mga anak ug ayaw sila ibulag kanimo.

LINGKORANAN Palihog magmahunahunaon sa uban. Hinumdomi nga ang mga lingkoranan mahimong ireserba lamang para sa imong pamilya, kauban sa sakyanan, kauban sa balay, o Bible study. Palihog ayaw butangig mga gamit ang mga lingkoranan nga wala nimo gireserba.

VOLUNTEER SERVICE Kon gusto kang moboluntaryo sa mga buluhaton sa kombensiyon, palihog adtoa kini nga departamento.

SCHOOL FOR KINGDOM EVANGELIZERS Ang mga payunir nga nag-edad ug 23 hangtod 65 nga gustong magpalapad sa ilang ministeryo giimbitar sa pagtambong sa miting alang sa mga aplikante sa School for Kingdom Evangelizers sa Dominggo sa buntag. Ang oras ug dapit sa miting ipahibalo ra.