Yom bʌ miʼ ñaʼtan jiñi wʌʼ bʌ tempʌbilob
ACOMODADOROB. Jiñi acomodadorob yaʼʌch añob chaʼan miʼ coltañetob. A wocolic, jacʼʌ muʼ bʌ i subeñetob chaʼan baqui yom miʼ cottʌl jiñi carro tac, chaʼan baqui yom maʼ chaʼlen xʌmbal, chaʼan jiñi buchlibʌl tac yicʼot yan tac bʌ.
BUCHLIBɅL TAC. Mic poj subeñet lojon chaʼan maʼ qʼuel ti ñuc yambʌlob. Cojach miʼ mejlel a mʌctʌben i buchlib jiñi lajal bʌ chumul a wicʼot, jiñi lajal bʌ mi tilel ti a carro o jiñi woli bʌ a pʌsben estudio. Maʼañic chuqui yom maʼ wʌcʼ yaʼ ti buchlibʌl tac mi maʼañic mi caj a cʼʌn.
CHʼɅMJAʼ. Miʼ maʼañic chuqui yambʌ miʼ yʌjlel, mi caj i mʌctʌntel jiñi ñaxan tac bʌ buchlibʌl am bʌ yaʼ tiʼ tojel jiñi plataforma chaʼan jiñi muʼ bʌ caj i chʼʌmob jaʼ. Jiñi muʼ bʌ caj i chʼʌmob jaʼ yom yaʼix buchulob cheʼ bʌ miʼ tejchel jiñi discurso chaʼan bʌ chʼʌmjaʼ cheʼ ti sábado ti sʌcʼan. Yom añob i toalla yicʼot wen jach i pislel chaʼan miʼ cʼʌñob ti chʼʌmjaʼ.
I COLTɅNTEL CʼAMOʼ BɅ. Ili departamento COJACH miʼ qʼuel jiñi muʼ bʌ i waʼ cʼamʼañob cheʼ ti yorajlel jiñi colem tempa bʌ.
SɅTBIL BɅ A CHAʼAN. Mi an chuqui tsaʼ taja mach bʌ a chaʼañic, yom maʼ cʌy ti ili departamento. Mi an chuqui tsaʼ sʌtʌ, cucu ti ili departamento chaʼan maʼ qʼuel mi yaʼʌch an. Yaʼ yom maʼ pʌy majlel jaʼel jiñi xbiʼtalob tsaʼ bʌ i sʌtʌyob i bʌ. Pero ili departamento maʼañic tiʼ wenta chaʼan miʼ cʌntan xbiʼtalob. Jin chaʼan, a wocolic, wen qʼuele jiñi a walobilob tiʼ pejtelel ora miʼ yaʼʌch an a wicʼotob.
TAQʼUIN LOQʼUEM BɅ TI A PUSICʼAL. Tsaʼ wen cʼʌjñi taqʼuin chaʼan jiñi sonido, video, chaʼan wen tac bʌ lac buchlib yicʼot yan tac bʌ chaʼan wen mi lac ñusan ili colem tempa bʌ yicʼot chaʼan mi lac ñumen lʌcʼtesan lac bʌ ti Jehová. Jiñi taqʼuin muʼ bʌ laʼ wʌcʼ miʼ coltan chaʼan miʼ tojtʌl iliyi yicʼot miʼ coltan jiñi subtʼan ti petol pañimil. Jin chaʼan, tsaʼ ajqʼui caja tac wen tsiquil bʌ i letrajlel baqui miʼ mejlel laʼ wotsan laʼ taqʼuin. Ñuc miʼ qʼuejlel jiñi taqʼuin muʼ bʌ la wʌcʼ. Jiñi Junmojt muʼ bʌ i pʌsob bij miʼ yʌqʼueñetla wocolix laʼ wʌlʌ chaʼan jiñi coltaya muʼ bʌ laʼ wʌcʼ chaʼan jiñi i Yumʌntel Dios.
YOMOʼ BɅ COLTAYA. Mi a wom a chaʼlen coltaya, cucu yaʼ baqui an jiñi añoʼ bʌ ti wenta jiñi yom bʌ i chaʼleñob coltaya.
ÑUC BɅ TEMPA BɅ
CɅNTESɅNTEL CHAʼAN XSUBTʼAÑOB CHAʼAN BɅ I YUMɅNTEL DIOS Miʼ subentel jiñi precursorob añoʼ bʌ 23 cʼʌlʌl 65 i jabilel yomoʼ bʌ i ñumen chaʼleñob subtʼan chaʼan miʼ majlelob ti jumpʼejl tempa bʌ ti domingo cheʼ ti ochʼajel qʼuin. Muʼ to caj i yʌjlel yaʼ ti plataforma baqui yicʼot bajcheʼ ora miʼ cajel.
Chajpʌbil bʌ i cha’an jiñi Junmojt mu’ bʌ i pʌsob bij i cha’an i Testigojob Jehová
