DÌÌAMÚÚ Bàé kpóògè dee ló kpòté gè ĩgitẽ́ boo sẹlẹ́ gi deèsĩ́ e kà kuló ketõ̀ò ge elá ló belá sẹ̀ẹ̀ gbò e bàé diìamúú, be níì vó nì bàé kọ́ nágé. Gbò e bàé diìamúú á ĩìtẽ́ kiẽ́e e baẹ̀ kpoogè dee ló sẹ̀ẹ̀ va besĩ́ì lòbèl dììamúú kálá dààà togó boo lọ̀ọ̀leè Saturday. Buù nen á faalá a báà kàn bìlmà múú ea kyãa boo.

GBÒ GE BUGI NEN Baẹ̀ noo gbò ge bugi není kọ bàá nvèè bá nè ni. Sóo-sóo palàge gbàn va tṍ ló ea nyoone ketõ̀ò ge sẹlẹ faà, ge lẹ̀ẹ̀là bel ló bé e gbò nen é tõgĩ naa, ge kumà ketõ̀ò ge ĩìtẽ́ sẹ̀ẹ̀ dõòna gbò, nè dõòna kà gbò nú ea dú bíi.

GE NÈ NU LỌA BÙLÀ Gbele tõ̀ò kpègè ea beè dú gè peé boo nòònù ea nyoone kpòté gè ĩìtẽ́ boo ea é gbõoma, nu ge ló bel tenmá gí m, nu gè ẹ̀bmà vídiò, nè dõòna kà gbò nu ea é náa kọọ̀ gbò e bàé sí bõ̀ònalóí á ié kà lé dè kpéè nè ge ié dĩ̀ìnè ló ea é nveè bá nèi kọ é kpáá palàge dũ̀ùà bã kpàn Jìhóvà. O gè nè nu lọa bùlà gé nveè bá gè kpẽá sìgà gbò komí nè ge nvèè sãá kúm sìtóm gè kọ̀ kpẹ̀a beeá ló zivèkà bàlà booí. Kọbé à váli ní ló, gbò kpó lọ̀là-lọ̀là e baẹ̀ palàge tú bée emí gi ló dì beeá ló zivèkà boo beí. Kọ̀láá kà nú eo neè lọa bùlà palàge ẹẹlẹ̀i nyíe. Gbò E Bà Gé Túlè Tóm Kọ̀ Kpẹ̀a ṍái zaa boo béè bọọ gè olòó nè nu lọagi bùlà mm̀ gè nvèèmà sãá kúm sìtóm Boǹ Ménéí.

GE TÚ O LÓÓ NÈ GE SÍ TÓM Be à tań ni gè tú o lóó nè ge sí tóm mm̀ nakà bõ̀ònalóí, sóo-sóo sí mm̀ nakà tọọ̀ tóm ea kọlà Information and Volunteer Service Department.

KETÕ̀Ò GE ĨÌTẼ́ Sóo-sóo bùlà nu ea kil ló dõòna gbò. Kẽ̀èa boo kọọ̀, áá kóló gbò e baè zọ̀ ni bã faà àbèè ge tõó tẽ̀ènè kà tọ, àbèè nen ea ólò zọ̀ ni noá Kpá Káí ní eo é láá kpoogè dee ló sẹ̀ẹ̀ẹ. Sóo-sóo ó gá dõgẽ sẹlẹgi nú boo kpòté kiẽ́e e nóo gé kpóògè dee ló sẹ̀ẹ̀ dõòna nèn.

KETÕ̀Ò GE NÈ BIÈ Sóo-sóo sẹ̀ẹ̀a nyíe kọọ̀ kĩí dì nè ÁÁ BÙLÓ NU.

NÚ EA BEÈ PÈ VAÁ BÀ MÒN Kọ̀láá kà nú ea beè Pè vaá bà Mòn á dú gè tú sẹlẹ́ kiẽ́e bà ólò kpoogè dee ló nú ea beè Pè vaá bà Mòn sẹlẹ. Be o nu beè pè, àà sí nakà tọọ̀ tómí vaá ò gbĩ́ o nú ea beè pèa tẹlẹ bàlà kẽ. Gbò pá nvín e baẹ̀ dagí pè aa ló ba tẹ̀ nè ba kà á dú gè tú va tẹlẹ mm̀ nakà tọí. Kọ̀láá bé ea dì naa, kọbé íb gbò nuá náa nááá, sóo-sóo palàge ẹ̀b nú ea kil ló pá o nvín, vaá ò tú va sẹ̀ẹ̀a ló.

TỌỌ̀ KPÁ EA DÌ NÈ GBÒ E BÀ GÉ VEE KPẸ̀A BOǸ MÉNÉ À dú gè kolí gbò gyàdeèsĩ́ tóm kọ̀ kpẹ̀a e bà di gbà-gbá 23 nè 65 gbáá e bà íe lèèma mm̀ ge bọ̀ọ̀vẹ̀ gbàà ba sìtóm, kọ bàá dù gé sí bõ̀ònaló gbó e bà gbĩ́ì ge sí Tọọ̀ Kpá Ea Dì Nè Gbò E Bà Gé Vee Kpẹ̀a Boǹ Méné e boo fèèbeè Sunday. Bàé beè kọ́ tṍó nè kíẽ́e nakà bõ̀ònalóí é sẹẹà.