APTEELUNG FER KEFUNTNES UN FERLOERNES Ales was kefun këpt, sol tsu te Apteelung fon Kefuntnes un Ferloernes kenom wëre. Wëns tuu was ferloer host, kee tsu tiise apteelung un suuch was teer keheert. Ferloerne khiner sole tsu tiise apteelung kenom wëre, awer, fer khee propleeme se hon, tuu tayn khiner kuut uf phase un tuu se pay teer hale.

TAAF Ti sitse woo reserwiirt sin fer tii woo sich taafe wole lose, sin uf am haupste plats foer tëm palk. Tii woo sich taafe lose, sole sich uf ti reserwiirte sitse sëtse eep ti taaf reet, am samstaach moynt, aan fangt. Al sole sayn paat tuuch un kexayt paat tsaych pringe.

SITSE Pite, tënk aan ti anere. Tuu khanst ploos plëtser reserwiire fer tii woo mit teer im khare reese, in tayn haus woone, orer fer tayn Piipel xtutënte. Tuu niks uf ti sitse um tich rom lëye.

KONTRIPUYTSIOONE Tas hot fiil khost fer te konkrës in se richte, mit kexayte sitse, autio un wiiteo sisteem un fiil anere tings. Soo, khëne mer uns fraye too se sin, un tas hëleft uns ticht pay Yeehoowa se khome. Tayn kontripuytsioone hëlfe ti khoste se petsaale un tuut ti preetich aarwayt in te kans wëlt mit hëlfe. Fer tas, këpts kontripuytsioone khaste in fiil xtële fom konkrës plats, woo taytlich itentifitsiirt sin. Yeete kontripuytsioon hot fiil wëyert, un te Rechiirente Khërperxaft wil teer tanke fer tayn fraywiliche hilfe fer ti interëse fon Kot sayn Raych mit se hëlfe.

INTIKATOORE Ti intikatoore sin too fer tich se hëlfe. Tuu tëne sayn orientiirunge aan nëme iwer plëtser reserwiire, uf tëm plats rom laafe, plëtser fer khare hiin xtële un anere tings woo mit tëm konkrës se tuun hot.

ËYERSTE HILFE Eriner tich: penuts ti ëyerste hilfe PLOOS wëns NOOTWËNTICH is.

FRAYWILICH TIINST Wëns tuu tich fraywilich aan piite wilst fer im konkrës se hëlfe, tuu tich in tiise apteelung aan mele.

XUUL FER PREETICHER FOM RAYCH Pioneere woo tswixich 23 un 65 yoere alt sin, woo mee im tiinst fer Yeehoowa mache wole, sin fer een fersamlung fer kantitate fer ti Xuul fer Preeticher fom Raych, in kelaat, woo am suntaach mitaach kehal wërt. Tas plats un ti uertsayt fon tiise fersamlung wëre foer hëyer aan këp.