ATTENDANT Natunno i attendant ira tapenu manguffun nikamu. Fabor bi laman nga makikoopera kamu nira tu mapia gukaban na panuttul ta direksion meyannung ta papparking, paddalanan na totolay, parreserba tu itubang, anna ta tanakuan paga nga gannug.

BAWTISMO Egga ta arubang na stage i nakareserba ira nga itubang para ta kandidato na bawtismo fuera laman nu egga paga tanakuan nga unnug. Naka-itubang ngana nakuan ta nakareserba nga seksion i kandidato ira nige nga mamegafu i palappa na bawtismo ta umma na Sabadu. Mawag tu mangivulun i kada kandidato tu tuwalya anna mepangngo nga sinnun ta pazzigu.

DONASION Dakal nga kuartu i kawagan tapenu mapeggan tu makalanno nga itubang, sound system, video equipment, anna aru paga nga tanakuan nga serbisiu tapenu makapagayayya i magatende ta kombension anna makoffun nittam tapenu mas maddukko kani Jehova. Makoffun i boluntariu nga donasionnu tapenu masuportan yaw ira nga gastus anna i interu-mundo nga trabahu. Tapenu kombiniente nikamu, egga ira i namarkan nga kahon para ta kontribusion ta pallevu na fasilidad. Kuruga maappresia i ngamin nga donasion. Mappabalo i Manangngal nga Baggi ta vuka-palag nga passuportanu ta interes ira na Pappatulan.

FIRST AID Daddamman nga para ta EMERGENCY LAMAN ira yaw.

LOST AND FOUND Mawag tu meyangay ta Lost and Found Department i ngamin nga nadammonu nga gamit. Nu egga nawawannu, umay taw nga departamento. Meyangay gapa taw nga departamento i abbing ira nga nesina ta maganada onu nawawan. Ngem, ari mawag tu imammatan yaw nga lugar nga paddianan na abbing. Tangngallannu tu mapia i ánanu, anna pattalupaddianannu ira ta bikonu.

PAGITUBANGNGAN Mangipasingan tu konsiderasion ta tanakuan. Daddamman nga mangireserba laman tu itubang ira nga para ta kafamilianu anna danuri nakitakay nikamu, ta kavulunu ta balay, onu ta Bible study-nu. Ariannu nakuan mangipay tu gamit ira ta pagitubangngan nga ariannu nireserba.

PABBOLUNTARIU Nu kayànu i manguffun ta trabahu para ta kombension, mar-report kamu ta Information and Volunteer Service Department.

SCHOOL FOR KINGDOM EVANGELIZERS Membita i papayunir nga magedad tu 23 adde ta 65 nga interesadu nga palawan i ministerioda nga magatende ta miting para ta aplikante ira na School for Kingdom Evangelizers sonu umma na Liggu. Meyanunsio i eksakto nga lokasion anna oras naw nga miting.