DAABỤỌ EGBERIGBAAOTU SUKULU Kụraị ghọ 23 má 65 ovuru ghọ emi sịnyaan egberigbaaotu fịrị bị mịẹdụbamọ dẹngịị dịsẹnimi otu má Daabụọ Egberigbaaotu Sukulu ghọ mú dịsẹnimi otumọ bo Sunday pekei bẹnịị bọọ paa abịbara nị ọ tịịnemi. Bei bẹnịị mịẹngị yọ mọ ifie mọ mịẹ nị ọ nimimọngimi.

BENIBILEYE Benibilengị otu akasịama bụọmọnimi okpo bọlọụ bọọ. Benibilengi otumọ tịtẹwẹrịdẹ kị benibile ẹrẹegberi bi Saturday pekei bọọ koro mịẹ ifie laa. Kịmịsẹ ọngọkụọbịdẹ má ẹgbẹị nimi benibiri bịdẹ akị bo.

BỌLỌỤ DỌỌN ZỤỌYE Sisei bei bi mịẹ naá ZEMENIIPAAYEAMA KỤMỌ pịrịnimi bara nimi.

FA MÁ ẸRỊYE Naá bo nị akị gha ikpesemọ sẹ akị Fa má Ẹrịye Ọfọụ bọọ mú. Ye ị́ mọ famọụnnimi aba, bịsa ọfọụ bọọ mú nị iné ikpesemọ lelei n’akị. Ọrọ́ daụ mọ yengi mọ duo ni ụwọụbụọ fad’ọ ọwọụmọ akị bịsa ọfọụ bọọ mú. Mọabịkpọ, kịmị ghọ bụụdọọn ngịyọ dọụ gha bịmẹẹnị, sisei ọrọ ọwọụmọ dii ni ebimọ má ifiemọsẹ ọ mọ mọ timi.

ODUB’OTU Odub’otumọ baratụa nị ọ pịrịngị fịrị kị nị ọ pịrịnimi. Sisei ọrọ gbaabara sẹ diimịẹ arụ igbe yọ, kịmịitu wẹnịemibara, titei kọrịye, má zini yeama kpọ.

ỌNGỌPAAMỌ ODUBO Ị́ baratụa opubẹnịị bọọ fịrị wẹnị dọụemi aba, sisei Information and Volunteer Service Department bọọ mú.

OTUOYEMỌ Gbẹnẹịn okoba ka kị bei titeiama, farịyeama má televisionama nị opubẹnịị bị mịẹ nị ịmbẹlẹmọ má baratụa wó pịrị Jehovah mọ paalịịdẹngiidọ. Ọrọ́ otuoyemọ baratụa be’yemọ mịẹ má ọkpọsẹ egberigbaa fịrị kpọ pịrị mịnị. Iné ghọ bụụdọọn gha fangịyọ bịmẹẹnị, otuoye ekpetiama naá yọmọsẹ ghọ tịẹmọnimi. Iné bara ghọ paadọyọsẹ ebinimi. Ụfịanemi Itu bi ọrọ́ baratụa Amananaowei Daabụọ pịrịemị yemọ ghọ ụmbana nị ọ kulemi.

TỊTẸYỌ Sisei ziniotu naá tụatọn. Ukie, titeiama kọrị nị ị́ mọ mọ kẹnị arụ duo bo, ị́ mọ mọ kẹnị warị ghọ emi, anịghakpọ tịẹkiri bọọ ị́ mọ mọ́ Bible tolumọemi otu kụmọ pịrị. Iné kọrị gha titeiama ghọ yeama wẹrị kụmọ.