IKIUEQQAARNEQ Eq­qaamajuk AATSAAT AJOR­TOQAVITSIL­LUGU saaf­figin­nit­toqas­sam­mat.

ISSIAVISSAT Al­lat eq­qarsaatigik­kit. Ilaqut­tanut qaniginer­paasanut, inoqutigiin­nut, atuaq­qis­saaqatigisar­tak­kanut biileqatigisimasanul­lu taamaal­laat in­nimin­niisoqarsin­naavoq. Is­siaviit ator­nian­ngisatit pigisan­nik ilitsivigis­san­ngilatit.

KAJUMISSUTSIMIK SULEQATAANEQ Ataatsimeersuar­nermi sulias­sanut as­sigiin­ngitsunut peqataajumaguit kajumis­saar­neqar­putit saaf­figin­neq­qul­lutit.

KATATAT NASSAALLU Nas­saat tamarmik im­mik­koor­tumut pineqar­tumut tun­niuk­kiar­tor­neqas­sap­put. Katataqarsimaguit saaf­figin­nis­sin­naavutit. Meeq­qat angajoq­qaamin­nit qimagus­simal­lutik tam­mar­tajaar­tut aam­ma tas­sun­ngaan­neqas­sap­put. Qin­nuigineqar­pusili qitor­nasi nak­kutigil­luaq­qul­lugit.

KUISINNEQ Al­latut in­nersuus­sisoqan­ngip­pat is­siaviit saarliit kuisit­tus­sanut in­nimin­ner­neqas­sap­put. Arfinin­ngor­nermi ul­laap tungaani kuisit­tus­sanut oqalugiaat sioq­qul­lugu kuisit­tus­sat taak­kunun­nga is­saaq­quneqar­put. Kuisit­tus­sat nam­min­neq naluutinik isor­naatsunik al­larum­mil­lu nas­sas­sap­put.

NAKKUTILLIISUT Nak­kutil­liisut najuut­tunik ikiuisar­tuup­put. Taamaat­tumik biilinik inis­siinermut, tul­leriiaar­tuni utaq­qinermut, is­siavis­sarsior­nermut al­lanul­lu tun­ngatil­lugu ilitsersuus­sutaasa maleruar­nerisigut suleqatik­kuminar­tooq­qul­lutit kajumis­saar­neqar­putit.

TUNISSUTIT Ataatsimeersuar­nermi ator­tut, højtalerit, filminik takutitsinermi ator­tut al­lar­pas­suil­lu ataatsimeersuar­nermik nuan­ner­nerulersitsisar­tut Jehovamul­lu qanil­linis­samut iluaqutaasar­tut akisungaatsiar­put. Il­lit kajumis­sutsin­nik tunis­sutitit aningaasar­tuutit tamak­kua akiler­neqar­nis­saan­nut matus­sutaas­sap­put silarsuarlu tamak­kerlugu suliamut tapiis­sutaas­sal­lutik. Ataatsimeersuar­nermi tunis­sutinut arlalin­nik nak­kaatitsiveqar­poq. Tunis­sutit tamarmik pingaar­tin­neqangaar­put. Tunisiumatungaarlusi Guutip naalagaaf­fia taperserlugu tunis­suteqar­taras­si Siulersuisoqatigiit qutsavigaasi.

KRISTUMIUNUT OQALUUSSISARTUNUT ILINNIARFIK Pionerit 23-t aam­ma 65-it akor­nan­ni ukiul­lit kif­far­tor­nermin­ni iliuuseqar­nerorusut­tut Kristumiunut Oqaluus­sisar­tunut Ilin­niarfik pil­lugu ataatsimiin­nermut qaaq­quneqar­put. Taman­na sapaam­mi unik­kal­lar­nermi pis­saaq. Sumi qas­sinul­lu pis­sanersoq nalunaarutigineqarumaar­poq.