ALONDEKEXI O Alondekexi a kalakala phala ku ku kwatekesa. Twa ku dyóndo, belesela o jiphange jiji, kyoso kya bhana itendelesu ya lungu ni kididi kya kubhaka o dikalu, njila ya tokala kubhitila o athu, kubhaka kididi, mba itendelesu ya mukwa dingi.

BATIZU O yalu yala ku pholo, phala yó a-nda ku a batizala. Oso a-nda ku a batizala, a tokala kuxikama bhu kididi kiki, ande dya ku mateka o diskulusu dya batizu, kya Sabhalu mu kamene. Kala muthu wa tokala kubheka ditwaya ni izwatu ya tokala.

KUSANGELA KITADI Kwene mu bhinga kitadi kyavulu phala kubhanga yalu ya tokala, kuyudika o mitelembe ni kusumba ima ya mukwá, phala o kyônge kya dikota kubhita kyambote, ni ku tu kwatekesa kuzukama kwa Jihova. O kitadi ki u sangela, kikwatekesa kusumba o ima yiyi, ki kwatekesa we o kikalakalu kya kuboka ku mundu woso. Se wa mesena kusangela kitadi, ta mu kaxa yoso-yoso yala mu kididi kiki. O Kibuka kya Utuminu, ki sakidila kyavulu o athu oso a sangela kitadi, phala ku kwatekesa o kikalakalu kya Utuminu.

AKWÁ KU SAKA Lembalala kwila, o kididi kiki, phala ku kwatekesa ngó yó a kwata uhaxi mu KITHANGANA KIKI.

IMA YA TEXIKA NI YO BONGE Ima yoso ya texika ni yo bonge, a tokala ku yambata mu kididi kiki. Se wa jimbidisa kima, wa tokala uya mu ki sota mu kididi kiki. O twana twa jimbidila, kyoso ki mwa sanga, mwa tokala ku a ambata mu kididi kiki. Maji kana ku banza kwila, kiki kididi kya kutambula konda ya twana. Twa mi dyóndo, tambulenu konda ya twana twenu, a kale kumoxi ni enu.

IXIKAMENU Twa mi dyóndo, kima kyambote kuxila akwenu. Mwa tokala mu bhaka ngó kididi phala o athu a tokala ku mwiji wenu, athu a mu kwendela kumoxi n’enu mu dikalu, athu a tungu kumoxi n’enu, mba yó a mu di longa o Bibidya ni enu. Twa mi dyóndo, kana ku ta imbamba ku thandu a yalu, se ki mwa mesena ku i bhakela athu.

IKALAKALU PHALA OSO A MESENA KU KWATEKESA Se wa mesena kukwatekesa mu kyônge kya dikota, ndé wa zwele ni jiphange a langa o kikalakalu kiki, n’a ku londekese o kididi bhu wa-nda kalakala.

XIKOLA YA AKUNJI A UTUMINU Aboki a Thembu yoso ala mu kitala kia 23 ndu 65, a mesena ku sanzumuna o ukunji wâ, a exana phala kuya mu kyônge phala yó a mesena kudilonga o Xikola ya Akunji a Utuminu, kya Lumingu ku ngoloxi. A-nda bhana o ngolokela ya lungu ni kididi, ni kithangana kya-nda bhita o kyônge kiki.