VAVATELI Vavateli kwa karera po nositambo sokutukwafa. Ruganena kumwe nawo pokukwama mavyukiso gawo koyininke ngwendi oku nosikamekera etuwa, omu nomugenda ntani noyipundi noyininke peke.

EKUHO Yipundi yovantu ava vana kugwana ekuho ngayi kara komeho. Vagwani ekuho va hepa kuhingira kevango eli vana va wapaikire komeho zokukatameka siuyungwa sekuho moMapeu kongurangura. Nkenye gumwe ga hepa kusimba handuke zamwene nomudwaro gokuwapera.

YIGAVA Kwa tura po mawapaiko mokugwana yipundi yokugwanena po nomambako nayimwe hena, mokutuninkisa tu hafere sigongi esi nokutuvatera tu hedere pepi naJehova. Yigava yeni yokutunda komutjima nayi vatera mokufutira yininke oyo nokukwatesa ko yirugana youzuni mudima. Mokuyimurerupikira, mevango eli vana tura mo yikesa yoyigava. Yigava nayinye kuna kuyitambura norupandu, ano Mbungagendesi zina hara kumupandura kougavi weni mokukwatesa ko yirugana yoUhompa.

SIHAKWIRO Diworoka asi ruha oru roYIPONGA YOHARARASI TUPU.

EVANGO LYOYININKE YOKUZUMBANA Nkenye yininke ono tora wa hepa kuyitwara koruha oru. Nsene ono zumbanesa nkenye sininke, zende koruha oru yipo o ka dimburure sininke soge. Vanona ava vana zumbana kovakurona vawo va hepa kuvatwara koruha oru. Nampili ngoso, ruha oru kapisi rokutakamesera vanona. Takamesa vana woge nokuvaninka va kare nove.

YIPUNDI Gazadara ko vakweni. Diworoka asi yipundi kuvhura kuyipungwira vemepata lyoge nava ono gendi nawo metuwa lyoge ndi ava o lirongo nawo Bibeli. Wa ha tura yuma poyipundi eyi ono dili kuhepa.

YIRUGANA YOKULIZAMBERA Nsene ono hara kuvatera posigongi, hedera mberewa zoyirugana yokulizambera, ano nava ka ku likida oku kuna hepa ekwafo.

WOUHOMPA Vazuvhisi wokukarerera wonomvhura dopokatji ko 23 ntani 65 ava vana hara kutamununa sirugana sawo sokuzuvhisa kuna kuvazigida mokuyakara mepongo lyava vana hara kuza koSikora zovazuvhisi woUhompa moSondaha kositenguko. Evango nosiruwo sepongo eli ngava yi divisa komeho zosiruwo.