Haꞈ yuˬ piˇ ve chaw Yawˇ hui nawˬ htaꞈ ga laˇ g’a ve. Kaˇ jehˇ htaˇ, chaw laiˉ g’aˇ teˇ geh juˇ htaˇ, mui kuiˬ veh teh taˍ htaˇ, yawˇ hui beˆ maˍ piˇ ve htaꞈ a ciˉ na yuˬ sheˍ.

Baˆtiˆsaˬ Baˆtiˆsaˬ haꞈ yuˬ ve chaw hpawnˬ daꞈ kuiˬ awˬ g’uˇ suhˍ lo mui kuiˬ cawˬ ve. Shinˉ peuˬ hkawꞈ nyi mvuhˇ shawˉ Baˆtiˆsaˬ haꞈ yuˬ tuˬ bon maˍ hkawˇ maˇ tanˬ sheˍ htaˇ, yawˇ hui oˇ kaˬ lo g’a mui cawˇ ve. Teˇ g’aˇ leh teˇ g’aˇ uˉ nyiˉ leh aˉ poꞈ veuꞈ k’aˇ keunˍ daꞈ ve yuˬ la cawˇ ve.

Hpu tanˇ tanˇ ve Teˇ g’aˇ le le ve mui kuiˬ, awˬ hkawˇ awˬ han tawˆ kuiˬ awˬ hk’eun teˇ hpaˍ, leh hpawnˬ daꞈ ve chi ngaˬ hui ha lehˬ g’a tuˬ leh Yaˬhoˉvaˬ geh meuˆ daꞈ g’a tuˬ awˬ nu ve kanˉ awˬ pon hpu g’a yehˇ maˇ jaˇ. Chi teˇ hpaˍ awˬ pon hpu piˇ tuˬ, leh miˬ guiˬ hk’a peu-eˬ hk’oˆ ve kanˉ ga piˇ tuˬ, nawˬ hpu tanˇ tanˇ taˍ ve ga laˇ g’a ve. Hpu tanˇ tanˇ kuiˬ ta k’oˍ liꞈ bvuhꞈ taˍ ve hpawnˬ daꞈ kuiˬ hk’aw laiˉ kaˬ teh taˍ ve. Hpu tanˇ tanˇ taˍ ve hk’a peu-eˬ ha lehˬ jaˇ. Nawˬ G’uiˬ sha ve kanˉ ga piˇ ve, Uˉ peunˍ ve Kawˍmiˍtiˍ awˬ bon uiˍ jaˇ tehꞈ, k’oˆ laˇ gaˇ ve.

Naˬ ve hpawˇ nyi haꞈ shaˉ ve Laꞈ haˉ hpehꞈ la htaˇ ceh tiˉ caˉ daꞈ ve tehꞈ, tawnˇ taˍ cawˇ ve.

Mawˇ mehˉ ve Mawˇ g’awˆ g’a ve k’o, mawˇ mehˉ ve hpawˇ nyi haꞈ shaˉ ve htaꞈ ca yuˬ piˇ sheˍ. Nawˬ mawˇ mehˉ ve k’o, choˬ kaˬ lo ca nyi la sheˍ. Yaˇ awˬ pa awˬ e htaꞈ ca maˇ mawˬ ve k’o, choˬ kaˬ lo shiˍ laˬ cawˇ ve. Yaꞈ hk’aˇ, yaˇ ehˉ nyi haꞈ shaˉ kuiˬ maˇ heˆ. A shu yawˇ yaˇ htaꞈ nyi haꞈ shaˉ leh teˇ geh chehˇ cawˇ ve.

Mui kuiˬ Shu awˬ pon kaꞈ dawˇ nyiˍ sheˍ. A shu yawˇ yehˬ k’a, teˇ geh laˬ ve chaw, chi teˇ hkui nawˬ Liꞈ hpu maˍ piˇ chehˇ ve chaw awˬ pon ceh tiˉ mui kuiˬ veh teh taˍ cawˇ ve. Nawˬ maˇ veh taˍ ve mui kuiˬ hk’oˆ mawˇ taˇ teh taˍ.

Kanˉ g’a ga te piˇ ve Nawˬ ga piˇ gaˇ ve k’o, kanˉ g’a ga te ve hpawˇ nyi haꞈ shaˉ ve geh k’ai sheˍ.

G’uiˬ sha ve mvuhˇ miˬ Hto toˇ ve chaw Liꞈ henˇ yehˬ G’uˇ suhˍ peuˍ ve chaw a shaꞈ 23 te leh 65 hk’awꞈ hk’a gaˬ G’uiˬ sha kanˉ maˇ maˇ k’awꞈ te gaˇ ve k’o, Shinˉ nyi sha g’uˇ htaˇ G’uiˬ sha ve mvuhˇ miˬ Hto toˇ ve chaw Liꞈ henˇ yehˬ awˬ pon hpawnˬ daꞈ ve k’ai g’a ve. Awˬ yanˇ leh awˬ ti teˇ pawˆ k’awꞈ kaˇ laˇ tuˬ yoˬ.