BAKA-KUKWASA Baka-kukwasa banabana cipangi ca kukwasa banu boshe baje baija ku ciwano. Tumilomba mupangele nabo hamo na kukabangeya byuma bibamileka kukundama ku kukundika minyau na mwakwendela na mwakuwanena ha kutumbama na byeka bya cifwa eci.

CIMBWITIKO Bitumbamo bya baka-kuya ku cimbwitiko bikakela kulutwe lwa butenda. Baje baya ku cimbwitiko banapande kutumbama hamo mu mwela ubanababwahesela simbu kanda ñanda ishangumuke ha litangwa lya mu cibali na mutondo. Munu na munu napande kuya na litwai lyendi na bizalo bije bimwesa kasingimiko.

MILAMBU Banabwahesa makina a bilumo na makina a mavidio na byuma byeka lalo bije bilingisa ciwano cende mwamubwa na kutukwasa tulikute busamba na Yehova. Milambu imwana ikeyo ibapangesa mu kufwetela byuma byoshe ebi na kukwasa lalo ku cipangi ca mu kaye koshe. Banatumbika bikasha ku myela ya kulizesazesa hano ha ciwano. Milambu yeni imwakamo baipangesa mwamubwa. Bandolome ba mu Cibunga ca Kutwamenena bali na kumikandelela manene ha milambu yeni imuli na kwana mu kukundwiya bya Bumwene.

KUSAKA Zibukeni ngweni baje babinja MISHONGO YA CISHITUKILA bakebo lika babasaka.

BYUMA BYA KUZIMBALA Byuma byoshe bije bimwalula munapande kubitwala ku Dipatimenti ya Byuma bya Kuzimbala. Nga munazimbalesa byuma bimo, co yeni ku dipatimenti eyi mangana mukawaneneko byuma byeni. Bana baje banazimbala munapande kubatwala ku dipatimenti eyi. Ngeci, tumilomba munyungilile bana beni kutewa mwana bakweni cipangi nga bazimbala.

KUTUMBAMA Tumilomba mutetele bakweni. Mwasa kunyungila mwela wa naanga yeni lika na baje bamwija nabo hamo na baje bamuli na kulilongesa nabo Mbimbiliya. Tumilomba lalo ngwetu keti mutumbike byuma mu myela ije ili kuyehi neni.

BIPANGI BYA KULISHAKELA Nga mushaka kukwasa mu bipangi bya ha ciwano, co yeni ku Dipatimenti ya Mizimbu na Dipatimenti ya Bipangi bya Kulishakela.

SIKOLA YA BAKA-KWAMBULULA BYA BUMWENE Bapainiya ba myaka ya mukati ka 23 kutwala ku 65 baje bashaka kubwezelela ku cipangi cabo ca kwambulula, banabalanya ku ciwano ca baje bashaka kuya ku Sikola ya Baka-kwambulula bya Bumwene ha litangwa lya mamaneselelo ku mutondo. Bakamileka mwamubwa simbu na mwela kucikakela eci ciwano.