РЕДАРИ: Редарите имаат задача да ви помогнат. Ве молиме, целосно соработувајте со нив и следете ги нивните упатства во врска со паркирањето, движењето низ конгресниот објект, чувањето седишта и други работи.

КРШТАВАЊЕ: За кандидатите за крштавање се резервирани седиштата пред бината. Тие треба да седнат во делот резервиран за нив пред да започне предавањето за крштавање во сабота претпладне. Секој треба да си понесе крпа и пристојна облека за капење.

ПРИЛОЗИ: По прилично висока цена се обезбедени соодветни седишта, систем за озвучување, видеоопрема и многу други услуги што овозможуваат да се чувствуваме пријатно на овој конгрес и да можеме уште повеќе да се зближиме со Јехова. Вашите доброволни прилози помагаат да се покријат овие трошоци, а со нив се поддржува и делото што се извршува во целиот свет. Од практични причини, низ целиот објект се поставени јасно означени кутии за прилози. Сите прилози се многу ценети. Водечкото тело ви благодари на вашата великодушна поддршка на делото за Царството.

ПРВА ПОМОШ: Ве молиме, имајте на ум дека оваа служба е САМО ЗА ИТНИ СЛУЧАИ.

ИЗГУБЕНО-НАЈДЕНО: Сите најдени предмети треба да се однесат во овој оддел. Доколку сте изгубиле нешто, појдете таму за да проверите дали е најдено. Децата што се оддалечиле од своите родители и се изгубиле треба да се одведат во овој оддел. Меѓутоа, да задржиме на ум дека тој не е детска градинка. Затоа, ве молиме, погрижете се вашите деца да бидат покрај вас.

СЕДИШТА: Ве молиме, бидете обѕирни кон другите. Имајте на ум дека можете да чувате седишта само за членовите на најблиското семејството и за оние што патуваат во истиот автомобил со вас, или за своите гости и за оние со кои ја проучувате Библијата. Ве молиме, не оставајте предмети на седиштата кои не ги чувате.

ДОБРОВОЛНА СЛУЖБА: Доколку сакате доброволно да помогнете во работата околу конгресот, ве молиме пријавете се во Одделот за информации и доброволна служба.

ШКОЛА ЗА ПОЛНОВРЕМЕНИ ОБЈАВИТЕЛИ: Пионери кои се на возраст од 23 до 65 години и кои би сакале да служат во поголема мера можат да присуствуваат на состанокот за оние што се заинтересирани за Школата за полновремени објавители што ќе се одржи за време на паузата во недела. Точното време и место ќе биде однапред најавено.