Moneki tikmatis
ACOMODADORES. Acomodadores mitspaleuiskej. Timitstlatlaujtiaj xikintlakamati ijkuak mitsiluiskej kanin uelis tikkauas mocarro, kanin moneki tias, kanin uelis timotlalis uan okseki tlamantli.
AKINMEJ KINEKIJ TLAPALEUISKEJ. Ompa uelis tias tla tikneki titlapaleuis itech ueyi nechikol regional.
AKINMEJ MOAPOLAKTISKEJ. Akinmej moapolaktiskej tlaixpan kinxeliliskej kanin motlaliskej, akinmej amo moapolaktiskej uelis ompa motlaliskej tla kinmiluiaj uelis ompa motlaliskej. Nochtin akinmej moapolaktiskej moneki ompa yetoskej ijkuak ayamo peua tlapoualistli tlen kinmakaskej sábado kualkan. Nochtin moneki kiuikaskej tlen ika mouatsaskej. Amo ma kiuikakan intlaken tlen itech tlatlajkuilitok noso itlaj tlen amo uelis kitekitiltis akin kichiua ken Cristo.
KANIN TIMOTLALIS. Timitstlatlaujtiaj ximokuayejyeko intech oksekimej. Xikilnamikto uelis tikxelos kanin timotlalis uan uelis tikinxelilis kanin motlaliskej akinmej chantij mouan noso akinmej tikinmachtijtok ika Biblia. Amo itlaj xiktlali itech sillas tlen amo tikintekitiltis.
KANIN TLAPAJTIAJ. Xikilnamikto ompa uelis yaskej SAN akinmej ITLAJ MOCHIUAJ.
TLA ITLAJ ONANKIPOLOJKEJ NOSO ONANKAJSIKEJ. Tla itlaj onankajsikej, moneki ompa nankikauatiuij noso tla itlaj onankipolojkej, ompa xiktemokan. Noijki konemej tlen omixpolojkej ompa xikinkauatij. Pero para amo tinochtin timotekipachoskej, xikinmaluikan namokoneuan uan amo inselti xikinkauakan.
UELIS TIKTEMAKAS TOMIN IKA NOCHI MOYOLO. Motekitiltia miak tomin para kuali yetos kanin timotlaliskej, kuali tikkakiskej tlen techiluiskej, tikinmitaskej videos uan okseki tlamantli tlen techpaleuia kuali ma timomachtikan uan ijkon okachi kuali timouikaskej iuan Jehová. Tomin tlen tiktemakaj ika nochi toyolo tlapaleuia ma motlaxtlaua nochi non uan noijki tlapaleuia ma motetlapoui. Kanin mochiua ueyi nechikol katej seki cajas kanin uelis tiktemakas tomin ika nochi moyolo. Tlasojkamati porque nantlapaleuiaj. Noijki Cuerpo Gobernante namechtlasojkamatilia porque nankipaleuiaj iTekiuajkayo toTajtsin Dios.
SE NECHIKOL TLEN MIAK IPATI
TLAMACHTIL PARA MA TETLAPOUIKAN TEKIUAJKAYOTL. Kinyoleuaj akinmej tekitij ken precursores tlen kipiaj 23 hasta 65 xiuitl tlen kinekij okachi kitekichiuiliskej Jehová. Akinmej kinekij yaskej itech nin tlamachtil uelis yaskej nechikol tlen mochiuas domingo tiotlak. Satepan kijtoskej kanin uan tlen hora mochiuas.
Okiyektlali Cuerpo Gobernante tlen kipiaj iTlaixpantijkauan Jehová
