GOʼTHO KʼA XI ʼME̱DI. Goʼtho kʼa gi töti petsite gi ma tsogi ha kʼa luga abu̱ i ʼbu̱i ku̱ xi ʼme̱di. Mu̱ te ko ʼbe̱di, gi maʼ ha kʼa lugakʼa pa gi ma honí. Nihi petsite gi tsitsi ha kʼa lugakʼa ku̱ bähtsi xi ʼme̱di. Pe pa hin go ʼñonfenihu̱ di goʼthohu̱, gi födí yu̱ ri bähtsi ʼne hin gi he̱gí da ʼñosehu̱.

KU̱ DA MÖXKARI MU̱ TÉ GI KJÁ. Hin gi däbeni ge gegehu̱ HO̱NSE da möxkí MU̱ HI RA NTHI kʼa gra thogi.

MU̱ TE GI NE GI PÄDI O MU̱ GI NE GI MFÖXTE. Mu̱ gi ne te gi pädi o mu̱ gi ne gi mföxtetho ko yu̱ ʼbe̱fí i tʼo̱te ha nu̱ ndo̱ hmuntsi, maʼ ha kʼa luga abu̱ da thsihkí de ku̱ ʼbe̱fí.

NKU̱ʼMI DEHE. Da thehke ʼra yä thuhni ta a ʼbe̱tʼo de yu̱ thuhni pa da mífu̱nu̱ ku̱ da ma nku̱ʼmi a dehe, pe mu̱ da mbödi, da hmä abu̱ da mífu̱. Ku̱ da ma nku̱ʼmi a dehe petsite da mífu̱nu̱ ante da mu̱dí ku̱ hñä ga nku̱ʼmi dehe kʼa nxudi nsabadu. Goʼthohu̱ da gähu̱ ʼna toaya ʼne hin da hehu̱ yä dähtu i nigi ra ntsʼo.

YÄ MFÖXTE GA DOMI. Xi nkju̱u̱ rangu yä domi pa yu̱ thuhni ra zo, pa yu̱ i thoní, pa go o̱dehu̱, pa go händihu̱ ra zo yu̱ video, pa yu̱ xi tʼo̱tegua pa go ʼmu̱fu̱ ra zo, nihi pa má go kuatihu̱ ko Jehová. Kʼa domi gi nese gi ʼuni i nkju̱u̱ pa da nkjutʼi, ʼne pa da ʼbötsí kʼa ro ʼbe̱fí kʼa Jehová i nkjá po goʼtho nu̱ joi. Pa hiʼtsa gi nú ra nthi, po goʼtho kʼa luga abu̱ i nkjá kʼa ndo̱ hmuntsi, xi ʼböʼmi yä tsi kaja xi kjuahti ʼna he̱ʼmi, ha genku̱ da kjöti kʼa domi. I tʼuni ndunthi kjamädí po goʼtho ku̱ domi i tʼuni. Ku̱ ʼño̱ho̱ a ʼbe̱tʼo pa da ʼre̱ni i ne da raʼki ndunthi kjamädi po kʼa gi ʼunge pa nu̱ ro ʼbe̱fí kʼa Reino.

YÄ THUHNI. Di xiʼkihe ge gi mbeni yu̱ maʼra. Mbeni ge ho̱nse da zo gi ʼuehke yä thuhni pa ku̱ ri kjäʼni, pa yu̱ ko ʼñoui ha ri carro, pa yu̱ gi ʼmu̱bi ha ri nguu nihi pa yu̱ gi úhtibi de nu̱ Biblia. Hi te gi tsogi ha yu̱ thuhni abu̱ hin gi mí.

YU̱ ACOMODADOR. Gehya ku i ʼbu̱i pa da föxkí. Gi kjá goʼtho kʼa da xiʼkí ʼne gi ʼyo̱hte mu̱ da xiʼkí abu̱ gi tsogi ri carro, abu̱ gi ʼño, abu̱ da zo gi mí ʼne mu̱ i ʼbu̱i té gi ne gi pädi.

ESCUELA PARA EVANGELIZADORES DEL REINO. I thsifí yu̱ precursor i peʼtsi 23 ta 65 yä kjea ge mu̱ má i ne da pe̱hpibihu̱ kʼa Jehová da mohmu̱ kʼa ndé ndongo ha kʼa hmuntsi da tʼo̱te pa yu̱ i ne da mohmu̱ ha gehna skuela. Kʼa ora ʼne kʼa luga abu̱ da nkjá da ma hmängua.