ATHU ADI MUYAMBA ATHU Aphangi adi mutshita mudimo wa guyamba athu, adi guene mukunda nu gugukuatesa. Tudi gugutoga ha gutumagela ndaga adi gumidijiga jiatadila parking, nu luholo lua gungina nu lua guzoga ha fundo dia asamble, nu lua gukuata mafundo a gukhala, nu ndaga jiko.

ATHU ADIHANYI HA GUTSHITA MUDIMO (LES VOLONTAIRES) Gila watshigina gutshita mudimo wa gulondega fundo dietu dia asamble, tudi gugutoga ha guhana jina diaye gu département ya athu adihanyi ha gutshita mudimo.

GUBATIJIWA Mafundo a athu adi mutshigina gubatijiwa adi gutuama, ha sambua dia estrade. Athu adi mutshigina gubatijiwa adi naye gukhala mu mafundo ene gutuama egi diskur dia gubatijiwa disendese mu lusugu lua Samano gutuama dia midi. Muthu wagasue udi naye guza nu sume yenji, nu mulele wabonga wagusudiga mu tangua dia gubatijiwa.

IMA YATOTSHI Gula wamona gima nu ushigo mujiya fumi’a nagio, udi naye gugibata gu Département ya Ima Yatotshi. Gula watotesa gima gimoshi, tudi gugutoga ha guya gugikamba gu département eyi. Gula ana atota, nga ndo adi mulaba guwenda mvuaji ndo, tudi naye guya nawo gu département eyi. Uvi, hagula tuhanyigo athu ako lamba, tudi mutoga mvuaji ha gukhala fundo dimoshi nu an’awo ha guabamba.

MAFUNDO A GUKHALA Tuagutoga ha gunemesa athu ako. Jiya egi, udi naye gubamba fundo phamba mukunda nu enya fami yaye, nu athu muawendji nawo njila imoshi, nu athu muana khala nawo inzo imoshi, nga athu wana gulongesa Biblia. Guhaga ndo ima ha fundo athu adi naye gukhala.

MISOMONYI Ha gulondega asamble awa muabonga, tuatshitshi ndaga jiavula ha guheta mafundo abonga a gukhala, ha gulondega sono, nu ima ya gutalesa video, nu ndaga jiko. Ima eyi yana gutukuatesa ha gulandula asamble muabonga nu ha gusuena hehi nu Yehowa. Misomonyi muana guhana nu gutshigina guagasue, yana gukuatesa mukunda nu badepanse atshitshiwa. Luko, yana gukuatesa hagula mudimo wa gulongesa ha mavu agasue uye gutuama. Hene, caisse jia misomonyi jiahagewa jiavula ha fundo edi dia asamble. Tudi musuanguluga nu misomonyi yagasue muajiya guhana. Hunji dia Akulu-Atuameji didi gumihana mvudi yavula luholo mudi mukuatesa ndaga jia Ufumu hagula jiye gutuama.

UKUATESHI WA MINGANGA Jiyenu egi udi PHAMBA UKUATESHI WA THOMO wa phushi-phushi.

KHALASA DIA ALONGESHI A UFUMU Avundji a njila adi nu ivo sendese 23 uu nu 65, adi mutshigina gukudisa mudimo wawo wa gulongesa, atamegewa ha guya mu gudibungisa gua athu ana gutshigina gungina Khalasa dia Alongeshi a Ufumu. Gudibungisa guene mbagukalegewa mu lusugu lua lubingo gungima dia midi. Tangua nu fundo gudibungisa guene mbagukalegewa, mbaditudijigiwa.