Malangizo kwa osonkhana
BASA YAKUNDODZIPEREKA Peno muchada kudzakhala nawo pa basa yokonza-konza vinthu pa malo ya nsonkhano, tikukumbira kuti mudziwise omwe ali kudipatimenti ya Basa Yakundodzipereka.
MALO YOKHALA Pulizi dzaganizireni ayanu. Dziwani kuti mungasungire malo wanthu wa m’banja yanu, omwe mwabwera nawo pabodzi, omwe mwakwera nawo karo ibodzi, omwe muchakhala nawo pabodzi panango omwe munkupfunzira nawo Baibolo. Pilizi ayi kukhazika vinthu pamalo yomwe ni yanulini.
UBATIZO Malo yokhala okabatizika yadzasungiwe kutsogolo kwa pulatifomu, kuchosapo peno padzakhale kuchinja. Wanthu okabatizika achadikana kudzakhala pa mipando yawo nkhani ya ubatizo ikanati kuyamba pasondo kuseni. Aliyese achadikana kudzatakula thawulo na vovala vochinjira vopereka ulemu.
VADZIDZIDZI Pulizi khalani mukudziwa kuti dipatimenti mweyi ni ya VADZIDZIDZI BASI.
VOPEREKA Kuti nsonkhano moyu udzachitike, pakonzewa kuti padzakhale malo yabwino yokhala, masipika yakukuwisira mawu, vowonesera mavidiyo, na mabasa yanango yomwe yadzachitise nsonkhano moyu kukhala wokondwesa nakuti udzatibatsire kufenderera Yahova. Vopereka vanu vakudzifunira vidzabatsire kukhava mbali mwezi na basa yathu yapadziko yose. Ndipo mukadzada kupereka padzakhale makasha pafupi na imwepo ya kuikhamo vopereka. Dziwani kuti tidzatembeje chopereka chilichose chomwe mudzakwanise. Bungwe Yotonga ichada kukutembejani ndawa ya kuda kubatsira kwanu vochitika va Ufumu.
VOTAYIKA NA VOGUMANIKA Vinthu vose votayika vidzatengewe nkuyikhiwa ku Dipatimenti ya Votayika na Vogumanika. Peno imwepo mudzataye kanthu, mudzayende ku dipatimenti mweyi kuti mukaone peno chidzakhaleko. Wana womwe adzasokere kwa abereki wawo achadikana kudzayendesewa ku dipantimenti mweyi. Podi kuti pali dipatimenti mweyi imwepo muchadikana kudzasamala bwino wana wanu, ndipo mudzawonesese kuti munawo pabodzi.
WOTAMBIRA ALENDO Otambira alendo ayikhiwa kuti akubatsireni. Tinkukukumbirani kuti mumbawabvere pakutewedza vomwe akuwuzani, ninge pakuyimisira njinga, mota, karo, malo yakukhala na vinthu vinango.
NSONKHANO WAPADERA
SHIKOLA YA OLALIKIRA VA UFUMU Apainiya wa magole ya pakati pa 23 na 65 omwe achada kuyingizira utumiki wawo ankuchemerewa kuti akakhalepo pa nsonkhano wa omwe achada kungena mu shikola ya olalikira va Ufumu yomwe idzachitike pasondo masikati. Nthawe na mbuto ya nsonkhano moyu vidzalengezewe.
Wokonzewa na Bungwe Yotonga ya Mboni za Yahova
