BATISMU Asentus pa kandidatus pa batismu na reservadu na purmeru fila di dianti pertu di palku, so si i ten utru informason kontrariu, ku es pudi mudadu. Kandidatus pa batismu dibi di sinta na kau reservadu pa relis, antis di diskursu di batismu kumsa, sabadu parmaña. Kada kin dibi di tisi si tuaja ku un ropa di bañu simplis.

INDIKADURIS Indikaduris sta la pa judau. Di fabur, kopera kelis, sigi orientasons ke na da aserka di kau ku bu dibi di para karu, entrada ku saida di jintis na kau di kongresu, aserka di paña lugar o utrus asuntus.

KAU DI SINTA I bon pensa na utrus. Lembra di kuma, kaus di sinta pudi guardadu so pa bu familia diretu, kilis ku bin ku bo na mesmu karu, ku mora ku bo na mesmu kasa, o ku sta na studa Biblia ku bo. Di fabur, ka bu disa kusas na kau di sinta ku bu ka paña pa utru.

KUSAS KU PIRDI KU KUSAS KU OJADU Tudu kusas ku ka kunsidu si dunu, dibi di lebadu pa Dipartamentu di kusas ku pirdi ku kusas ku ojadu. Si bu pirdi algun kusa, bai pa es dipartamentu pa jubil. Mininus ku pirdi dibi di lebadu pa es dipartamentu. Ma, pa ivita stres di tudu kilis ku sta nvolvidu, di fabur, kuida di bu fijus i tene elis pertu di bo.

OFERTAS I fasidu manga di dispezas pa i ten un bon kau di sinta, sistema di son, ekipamentus di video, ku manga di utrus tarbajus ku torna pusivel asisti kongresu ku prazer i judanu pertusi mas di Jeova. Bo ofertas di livri vontadi na juda pa kubri es dispezas i tambi apoia obra mundial. Pa judau, kaŝas di kontribuisons markadu i pudu na diferentis lugaris di kongresu. Tudu ofertas na apresiadu ciu. Korpu Guvernanti na gardisiu pa apoiu ku dadu pa interesi di Renu.

PURMERU SOKORU Di fabur, lembra di kuma es i SO PA EMERẐENSIA.

TARBAJU VULUNTARIU Si bu misti juda na un tarbaju di kongresu, di fabur, disa pa jintis ku sta nes dipartamentu sibi di kuma bu sta dispunivel.

SKOLA PA IVANJILIZADURIS DI RENU Pionerus ku tene entri 23 ku 65 anu i ku sta nteresadu na omenta se ministeriu, sta kumbidadu pa mati runion pa nteresadus pa Skola pa Ivanjilizaduris di Renu, dumingu di tardi. Lugar ku ora izatu pa es runion na bin anunsiadu.