ACOMODADORES. Carrota maipi churanata, tandanacui ucupi maillata purinata, maipi tiyarinata ricuchishpa, imapi ayudachun minishtijpica acomodador huauquicunami ayudanga. Chai huauquicuna nishcatami catina canguichij.

ASIENTOS. Shujtajcunapish asientocunata minishtishcata yuyaichij. Asientocunataca canhuan shamujcunallapaj, canhuan causajcunallapaj, Bibliata canhuan yachacujcunallapajmi japichun mañanchij. Cancuna mana tiyarina asientocunapica imatapish mana churanachu canguichij.

BAUTISMO. Callari asientocunami bautizarigrijcunapaj chꞌicanyachishca canga o chaipimi maipi tiyarinata huillanga. Bautizarigrijcunaca sábado tutamantapimi bautizarigrijcunapaj conferencia manaraj callarijpi chꞌicanyachishca asientocunapi tiyarina can. Bautizarigrijcunaca shuj toallata, traje de bañotapishmi apamuna can. Pero traje de bañoca mana maipish cachun canachu can.

CONTRIBUCIONES. Cai jatun tandanacuita alli uyashpa Jehová Diospajman ashtahuan cꞌuchuyangapajmi alli asientocuna tiyachun, equipocuna alli uyarichun, videocuna alli ricurichun, shujtaj minishtirishca cosascunapipish achca cullquita gastashcanchij. Can shungumanta cushca cullquimi cai gastocunata pagangapaj, muyundij Allpapi Bibliamanta yachachishpa catingapaj ayudanga. Chaimantami cai tandanacuipica cullquita churana cajacunata huaquin puestocunapi churashcanchij. Shungumanta cullquita cushcamanta diosolopagui. Diospaj munai pajtarichun ayudashcamantami Cuerpo Gobernantemanta huauquicunaca cancunata pagui nin.

OBJETOS PERDIDOS. Cai tandanacuipi imata cungashcata tarishpaca, Departamento de Objetos Perdidos nishca puestopimi saquina cangui. Can imata chingachishca cashpaca chai puestopimi ricunaman rina cangui. Huahuacuna chingarishca cajpipish chai puestomanmi apana cangui. Shinapish Departamento de Objetos Perdidos puestoca mana huahuacunata cuidangapajchu can. Cancunapaj huahuacunataca ricurashpami cancunapaj cꞌuchupi charina canguichij.

PRIMEROS AUXILIOS. Tandanacuipi UNGUSHCACUNALLATA ayudangapajmi can.

SERVICIO VOLUNTARIO. Cai jatun tandanacuipi huaquin ruraicunapi ayudanata munashpaca Departamento de Información y Servicio Voluntario nishca puestomanmi rina cangui.

ESCUELA PARA EVANGELIZADORES DEL REINO. Diosmanta ashtahuan huillashpa participasha nij precursor huauqui panicunataca domingo chishi shuj tandanacuimanmi invitanchij. Escuela para Evangelizadores del Reinoman risha nij huauqui panicunaca 23 huatamanta 65 huatacamami charina can. Maipi canata, ima horas canataca plataformamantami huillangacuna.