BAINOHA ANFE HAAˈNOONNI UDUUNNE Bainoha anfe haaˈnoonni uduunne baala togoo uduunne worate qixxeessinoonni base massa hasiissanno. Uduunnu baiˈnero, baino uduunne haaˈne worranni basenni layidhine adha dandiitinanni. Annunna amatewiinni baxxe baino qaaqquulle affiniro, ballo baino uduunne worranni base masse. Ikkeennano, tini base qaaqquulle awuuntara qixxeessinoonnita diˈˈikkitino. Qaaqquulleˈne kiˈne umiˈne towaaxxe ballo; qoleno kiˈnewiinni baxxoonke.

CUUAMA Cuuamate qixxaabbinori ofoltanno base gambooshshu bayicho madirakete albaanni bande malaatinsanni. Cuuantannori Qidaamete soodo cuuamaanote lallawo shiqqara albaanni, insara qixxeessinoonni basera ofolla hasiissannonsa. Cuuamate qixxaawinohu mittu mittunku, cuuamate injiitanno uddanonna fooxa adhe daa hasiissannosi.

FUSHSHO Ofollinanni wombarranna qoonqote uduunne shiqishate, hattono tini gambooshshu pirogiraame baxissannotanna Yihowawa roore shinqeemmo gede kaaˈlitannonketa ikkitanno gede assate lowo woxe fushshinoonni. Umiˈne fajjonni fushshitinanni fushsho, tenne baalante hajora baantanni; hattono alamete doyicho loosonke kaaˈlate sonkanni. Gambooshshu basera, fushshote saaxine injaannoˈnewa worroonni. Fushshitinanni fushsho baalantera lowo geeshsha galanteemmoˈne. Aliidi Bisi, Maganu Mangiste looso kaaˈlate shaqqillunni fushshitinanni fushshora galatannoˈne.

MEESSI FAJJONNI SOQQAMA Qoqqowu Gambooshshi ledo xaado afiˈrino looso umiˈne fajjonni kaaˈla hasidhiniro, kaaˈlo hasiissanno basera wortannoˈne gede, ballo togoo soqqansho qineessitanno kifilera noo roduuwira kulle.

OFOLLINANNI BASE Ballo wolu manni daafirano hedde. Ofollinanni base amada dandiitinannihu maateˈnera, kiˈne ledo mittu makeeninni dayino mannira, ledoˈne mitto mine heeˈranno mannira, woy Qullaawa Maxaafa xiinxallissinanni mannira calla ikkinota deˈinoonte. Amaddinoonni wombare agurranna wole wombarera uduunne wortinoonte ballo.

SHIIMA XAGICHU KAAˈLO Tenne qixxaawo assinoonnihu, HEDEWEELCHO XIWAMANNO MANNIRA CALLA ikkinota deˈinoonte.

SOQQAMAANO Soqqamaano worroonnihu kiˈne kaaˈlitaraati. Makeena uurrinsanni base, saˈnanni doogora uurra, ofollinanni base amada woy wole togoore lainohunni biddishsha uyitannoˈne woyite maahoyye yiiyye ballo.

MAGANU MANGISTE SAWAAKOOTI ROSI MINE Dirinsa 23 nna 65 mereero ikkannori soqqanshonsa halashshiˈra hasidhanno suwisaano, Maganu Mangiste Sawaakooti Rosi Mine ea hasidhannori ledo Sambatu barra heeˈranno gambooshshe beeqqa dandiitanno. Konni gambooshshi saatenna bayicho balanxe kullanni.