GIPANDRE NYA GU LAMULEYE DZIMHANGO Dziti gu khuwe gipandre gegi gya gu phasa BASI AVA VA DUGEDWAGO KHU MHANGO NYA AVBA NI AVBA.

GIPANDRE NYA SILO NYO DZIMEDZWE Wo tshuka u rola gilo nu si muti mune wagyo, gira wuhindzi u gi yisa avba nya Gipandre nya silo nyo dzimedzwe. Wa gu ba u dzimedzide gilo nyo khaguri, indra avba nya gipandre gegi gasi guya vbweta silo sago. Sanana si nga dzimeleyana ni vavelegi vaso gu vbwetega si yiswa avba nya gipandre gegi. Gasi gu vbevbugisa silo, gira wuhindzi u woneleya sanana sago, u bwe u khala naso vbafuvbi.

GUBHAPATISWA Vbavbandze nya gu ba si girwa khu mambe magirelo, malanga ya ava va hongolago gubhapatiswatunu ma na vegwa mbeli nya giluvelo. Ava va hongolago gubhapatiswatunu gu vbwetega va ya khala na yi si pheyi ganelo nya bhapatiso khu Sabhadho vbadzimindrutunu. Muthu ni muthu gu vbwetega ata ni tuwali ni sombo nya githawo gasi gu bhapatiswa khiso.

MININGELO Gu thumisidwe dzitsapawu nya dzingi gasi gu dongiseya wulanga wowu, gu mana mitshini nya gu dandrise malito, nya gu yeyedze khiyo dhivhidhiyu ni simbe silo nya singi si hi phasago gu wona gwadi tshangano wowu nya gutsakise wu hi phasago gu hidzimeya ga Jehovha. Miningelo yago nya gudzine ya gu phasedzeya gu livba satshavbo soso ni gu phasedzeya thumo mafuni gwatshavbo. Gasi si gu vbevbugeya, malangani nya mangi avba nya tshangano wowu gu vegidwe dzikaxa nya miningelo dzi lovidwego khu dziletra nya gu wonege gwadi. Miningelo yatshavbo yi ngu bongwa ngudzu. Huwo nya Guthangeye yi ngu gu bonga khu kotani nya wuhindzi wago nya gu seketeye Mufumo.

THUMO NYA GUDZINE Wa gu dogoreya gu phasedzeya mithumo nya tshangano wowu, gira wuhindzi u ya ganeya ni gipandre gegi.

VAYEYEDZEYI Vayeyedzeyi va emisedwe gu gu phasa. Gira wuhindzi u thumisana gwadi navo khu gu landreya sileletelo sawe nya mavegelo nya dzimovha, gu woneleya vathu va beyago ni gu duga, gu vegisa wulanga, ni simbe silo.

WULANGA NYO KHALE Gira wuhindzi u theya kota khu vambe vathu. Dundruga gu khuwe wulanga wo vegeya basi valongo va vbafuvbi, ava u endrago navo, u khalago navo ndranga mweyo mwendro ava u hevbulago navo Bhibhiliya. Gira wuhindzi u si vegi silo vbawulangatunu owu u no ne gu wu thumisa.

XIKOLA NYA VAVHANGELI NYA MUFUMO Vapiyonero va khugeyago 23 kala 65 myaga na va gu dogoreya gu engedzeya thumo wawe nyo tshumayele, va ngu ranedwa tshangano wu na giredwago ava va dogoreyago gu hevbula Xikola nya Vavhangeli nya Mufumo khu Dimingu vbamihanitunu. Wulanga ni tepo yakona si na tiviswa.