KAXWILINANIN. Tiku kaxwilinankgo wa namakgtayakgoyan. Katlawa tuku nawanikgoyan xlakata la nakaxwiliya mimputlaw, niku tlan natlawana, akxni makgataxtiya laktawilh chu atanu.

TAMUNUT. Nakamakgataxtinikan laktawilh kxlakatin kplataforma tiku natamunukgo. Tiku natamunukgo xlitawilatkan niku kamakgataxtinikanit akxni nina tsuku taʼakgchuwin xla tamunut, sábado tsisa. Putum xliminatkan maktum toalla chu klhakgat nema nalimaklakaskin akxni natamunu.

TUMIN NEMA XATAPAXUWAN MASTAKAN. Lhuwa tumin talaktlawa xlakata natakgalhi tlan laktawilh, liwana natakgaxmata chu na tlan natasiya videos, chu tipalhuwa tuku talakaskin xlakata tlan nalipaxuwayaw lanka tamakxtumit chu tlakg natalakatsuwiniyaw Jehová. Tumin nema mastaya makgtayanan nataxokgo tuku tamaklakaskin chu nachuna la talichuwinama Dios xlikalanka katiyatni. Xlakata tlan namastaya mintumin, klaklanka tamakxtumit kawilikan cajas nema liwana tasiyakgo xlakata tlan namujuya mintamakgtay. Lu kkapaxtikatsiniyan tumin nema mastayatit. Lakgkgolotsin tiku Pulalinankgo kapaxtikatsinikgoyan xlakata xatapaxuwan mastayatit mintuminkan xlakata xTamapakgsin Dios.

NIKU KAMAKGTAYAKAN TIKU KAJ LAKAPALA TUKU LANIKGO. Uma Departamento lakkaxwilikanit xlakata nakamakgtayakan tiku KAJ LAKAPALA WI TUKU LANI.

TUKU MAKGATSANKGAKAN. Komo wi tuku natekgsa, kamakamasta niku makikan Tuku Makgatsankgakan. Komo wi tuku makgatsankga, anta kapit putsaya. Na kakalipi laktsu kamanan tiku tsankgakgonit. Pero uma departamento ni kaj nakuentajtlawakan laktsu kamanan. Wa xlakata, katlawa litlan kakakuentajtlawa minkaman chu lakatsu kakatatawilakgon.

LAKTAWILH. Kalilakgaputsatit amakgapitsin. Kalakapastakti pi tlan nakamakgataxtiniya laktawilh tiku xalak mi familia, tiku akxtum katapina kputlaw o tiku wilakgolh kkinchikkan o tiku kamakgalhtawakgepat. Ni kawili tuku nalimakgataxtiya laktawilh komo ni tiku katitawilalh.

XATAPAXUWAN MAKGTAYANANKAN. Komo makgtayanamputuna kputum taskujut nema tatlawa klanka tamakxtumit, kapit kdepartamento Xatapaxuwan Makgtayanankan.

ESCUELA XLA TIKU LICHUWINANKGO XTAMAPAKGSIN DIOS. Tiku liskujmakgolh la precursores chu kgalhikgo 23 asta 65 kata chu tlakg lichuwinamputunkgo Dios, xlitawilatkan domingo kakgotanun niku natatlawa tamakxtumit xlakata uma escuela. Hora chu niku natatlawa namakatsininankan kplataforma.