VAKOMBETELI A ntiro wa vakombeteli ku vhuna n’wina mu nga laha mutlhanganweni. Hi kombela lezvaku mu tirisana khwatsi navo hi ku landzela lezvi va to mu byela xungetano hi ku veka mimovha, ko fambafamba kona, ku vekisa wutshamu, ni zvin’wani.

KUBHABHATISA Loku ku nga nyikiwi zvileletelo zvin’wani, a zvitulo zva lava va yako kubhabhatisweni zvi ta vekiwa mahlweni ka ciluvelo. Lava va yako kubhabhatisweni va fanele ku tshama ka zvitulo lezvo na ku nga se sangula a kanelo ya kubhabhatisa, yi to vekiwa hi Mulongiso ni mixo. A mun’we ni mun’wani wabye i fanele kuta ni thawula gakwe ni tinguwo to hlamba hi tona, leti ti kombisako cichavo.

MINYIKELO Ku tirisilwe mali yo hlaya kasi ku longisela wutshamu gi faneleko, michini ya ku kulisa magezu, ya ku kombisa tivhidhyu ni mitiro yin’wani yo tala yi mahako lezvaku zvi tsakisa kuva laha ka gotsovanyano lowu ni ku hi vhuna ku tshinela ka Jehovha. A minyikelo ya wena u yi mahako hi kuzvirandza yi ta vhunetela mitiro leyo yi tlhela yi seketela ntiro wu mahiwako misaveni yontlhe. Lomu matlhelweni ya wutshamu legi, ku vekilwe makaxa ya minyikelo ma tsalilweko hi maletra yo woneka khwatsi, kasi zvi mu olovela ku maha munyikelo. A minyikelo yontlhe ya bongeka nguvhu. A Hubye yi Fumako ya mu bonga na ka ha hi mahlweni hi kota ya wuhana ga n’wina laha mu seketelako a ntiro wa Mufumo.

CIPANDZE CA KU LAMULELA TIMHANGO Hi kombela mu nga rivali lezvaku a vamakabye va tirako laha va khatalela lava va humelelwako hi zvilo zva CIHATLA NI ZVA CITSHUKETI NTSENA.

CIPANDZE CA ZVA KULAHLEKA Zvontlhe zvi wisiwako hi munhu zvi thumbiwa hi mun’wani, zvi fanele ku yiswa ka cipandze ca zva Kulahleka. Loku u lahla zvokari, famba ka wutshamu legi u ya lava zvilo zva wena. A vanana lava va nga lahlekelana ni vapswali vabye va fanele ku yiswa ka wutshamu legi. Kanilezvi, a gi faneli ku woniwa kota wutshamu ga ku hlayisa vanana. Hi kombela lezvaku mu wonelela vanana va n’wina, mu tlhela mu tshama navo.

WUTSHAMU Hi kombela lezvaku mu alakanyela van’wani. Tivani lezvaku a wutshamu gi ngo vekelwa lava mu tshamako navo muti wun’we, lava mu fambako navo movheni wun’we kutani lava mu gondzako navo a Bhibhiliya ntsena. Hi kombela ku mu nga veki nchumu ka matshamu mu kalako mu nga vekeli munhu.

NTIRO WA KUZVIRANDZA Loku u tsakela ku vhunetela ka mitiro yi yelanako ni ku seketela malulamiselo ya gotsovanyano, byela lava va tirako ka Cipandze ca Mahungu ni Ntiro wa Kuzvirandza.

CIKOLA CA VAVHANGELI VA MUFUMO A maphayona ma nga ni 23 kala 65 wa malembe, lawa ma xuvako ku engetela a wutireli ga wona ma rambiwa ka mutlhangano wa lava va lavako ku gondza Cikola ca Vavhangeli va Mufumo, wu to mahiwa hi Sonto ni hlikanhi. A cikhati ni wutshamu ga kona zvi ta tivisiwa.