AKOMODADORICHA. Akomodadorichaksï péranhasti paraksïni jarhuatani. Apoiariua je úparini ambe engaksïni arhiaka estasionamientueri ambe jingoni, naniasï xanharani, siia arhutaani ka máteru ambe jingoni.

DONASIONICHA. Uánikua gastuechaksï úkuarhisti para siiechani konseguiriuani, aparatuechani sonidueri ka bideueri, ka máteru ambe enga uétarhijka parachi agustu kurhaani ka únchi andarherani sánderu Jeobani. Chári donasionichaksï úranhasïndi para meiampini ini ambe ka apoiarini ánchikuarhitani enga iápuru úkuarhijka. Kʼéri tánguarhikuarhu, jarhastiksï kajecha engaksï arhijka eskaksï jindeska para donasioni jatsirani, uákajtsï ini ma ísï kajarhu jatsirani. Kánikuachi agradeserisïnga chári donasionichani. Grupu enga Orhejtsïkuajka iámindu kúnguarhikuechani, uékasïndiksïni agradesericheni chári jarhuajperata jimbo para orhepani petani Reinueri ambe.

ENGA AMBE MA TSÏNCHIAKA. Engajtsï exentaska ambe ma enga no chárika, ini departamenturhu pá je. Engajtsï tsïtaka ambe ma, ini departamenturhu ní je jirinhantani. Ístuksï ixú jatsisti para pánhani sapiicha engaksï tsïnchiaka. Ísï jimbo, parajtsï no uandanhiani jarhani, pendienti ja je chári sapiichani jimbo ka jima jatsia je enga cha jauaka.

ITSÏ ATAKUARHINI. Plataformarhu orhepani, arhutanhaatiksï siiecha para imecha engaksï itsï atakuarhiaka, enga no máteru ambe uandakuarhiaka. Ima engaksï itsï atakuarhiaka, jatsistiksï para jima uaxakatini jarhani ante de uénani diskursu itsï atakuarhikueri sábadu tsípa. Iáminduksï jatsisti para pákuarhini tuaia ma, shori ka plaiera ma enga kaxumbikua xarhataaka.

JARHUAJPINI. Engajtsï uéjka jarhuajpini ánchikuarhita jingoni enga kʼéri tánguarhikuarhu úkuarhijka, ní je Departamenturhu de Informasioni ka Boluntariuecha.

PRIMEROS AUXILIOS. Miá je eska i departamentu jindeska SOLU para imecha ENGAKSÏ MERU UÉTARHINCHAAKA.

SIIECHA. Pʼímarhisïngaksïni eskajtsï xarhatakuauaka uékperakua máteruechani. Miá je eskajtsï chári familiantkusï uáka arhutakuni siia o imechani engaksï chánksïni jingoni niuaka karrurhu, enga chánksïni jingoni irekaka o chári estudiuechani. Asï ambe ma jurajku je siiecharhu engajtsï no úrauaka.

JORHENTPERAKUA PARA EIANHPIRICHA REINUERI. Prekursoricha engaksï 23 a 65 jatirika ka uékanksï sánderu marhuakuni Jeobani, pʼímarhikataksï jarhasti tánguarhikuarhu enga domingu xatini jauaka para imecha engaksï uéjka nirani ini eskuelarhu. Ora ka lugari, plataformarhu uératini uandanhaati.