BAPETIZORAA To mua roa te mau parahiraa no te feia e bapetizohia. I te poipoi Mahana maa, e parahi ratou i te vahi faataahia hou a haamata ’i te oreroraa parau bapetizoraa. E afai mai te taata tataitahi i to ’na tauera e ahu hopuraa au maitai.

FARIIRAA TAATA Ua faataahia te mau taeae no te tauturu ia oe. A pee maite i ta ratou faanahoraa no te tapea i to oe pereoo, no te tomo aore ra haere i rapae i te vahi tairururaa, no te imi i te parahiraa e no te tahi atu â mau ohipa.

Ô Mea rahi te ohipa i ravehia no te faaineine i te mau parahiraa au maitai, ravea haapurororaa parau e hoho‘a e te vai ra ’tu â ia naho maitai te tairururaa e ia piri atu â tatou ia Iehova. E aufauhia te mau haamâu‘araa no te tairururaa e no te ohipa na te ao atoa nei maoti ta oe mau ô horoa noa. Ua tuuhia ati a‘e i te piha tairururaa te mau afata e e mea faufaa roa te mau ô atoa. Te hinaaro nei te Tino aratai e haamauruuru ia oe no ta oe e horoa noa no te turu i te ohipa na te ao nei.

PARAHIRAA A tâu‘a atoa na ia vetahi ê. A haamana‘o e nehenehe e tapao i te mau parahiraa no te fetii piri ana‘e, te feia i haere mai na muri ia oe, tei faaea i ǒ oe aore ra te haapii ra i te Bibilia e oe. Eiaha na e vaiiho i te tahi mau mea i nia i te mau parahiraa na pihai iho mai.

RIMA TAUTURU A haere i tera vahi aore ra i te tuhaa haamaramaramaraa ia hinaaro oe e horoa i te tauturu i te tairururaa.

TAO‘A I MO‘E E TEI ITEHIA MAI E hopoihia te tao‘a e itehia mai i tera vahi. Ia mo‘e noa ’tu ta oe, a haere e hi‘o i reira. E nehenehe atoa e aratai i ǒ i te tamarii i mo‘e. E ere râ te vahi haapaoraa tamarii. A ara ia faaea noa ta oe tamarii i pihai iho ia oe.

UTUUTURAA MATAMUA A haamana‘o na e no te mau utuuturaa RU NOA te reira.

HAAPIIRAA NO TE FEIA PORO I TE PARAU APÎ OAOA O TE BASILEIA Te titau-manihini-hia ra te mau pionie 23 e tae atu 65 matahiti e hinaaro e poro atu â ia haere i te putuputuraa o te Haapiiraa no te feia poro i te parau apî oaoa o te Basileia i te Tapati avatea. E faaitehia ’tu te taime e te vahi e tupu ai te reira.