ATTENDANTS Know say, this brothers ready to help you. Abeg, follow wetin they go tell you about how to park motor, about where to pass, about how to save seat and other things.

BAPTISM People wey they want baptize go sitdown for the front seat. This seat de face platform. If anything change, they go announce-am. Make they sitdown for there before the baptism talk go start for Saturday morning. Make all of them bring their own towel and correct cloth wey they go wear baptize.

CONTRIBUTION Na money them use arrange the plenty chairs, sound system, television, camera and many other things for this convention. This things de make us enjoy the convention and help us near Jehovah more-more. So if you put something for the contribution box, e go help us pay for all this things and support the preaching work wey we de do for the whole world. This contribution box them dey for different-different corner for this convention. We like the contribution wey wuna de give. The Governing Body really want thank wuna as wuna de support God work.

FIRST AID Abeg, make you know say this First Aid na ONLY for EMERGENCY.

LOST AND FOUND If you see something, and you no know who get-am, carry-am go Lost and Found Department. If you don lost anything, go check-am for this department. If you see any pikin wey e de waka anyhow, carry the pikin go Lost and Found Department. So, we de beg papa and mama to take care of their children well and make sure say them dey with them.

PLACE TO SITDOWN We de beg say, when you want sitdown, think about other people. Remember say the people wey you fit save seat for na only your family people, people for the same motor with you, people from the same house with you, or your Bible students. Abeg, no put load ontop any chair wey you no want save.

VOLUNTEER WORK If you go like to do some work for this convention, abeg, go Information and Volunteer Service Department.

SCHOOL FOR KINGDOM EVANGELIZERS Pioneers wey their age dey between 23 years and 65 fit attend meeting for SKE if they go like to do more for the preaching work. This meeting na for Sunday afternoon. They go announce the place and the time for this meeting.