ŴAKULINDA Masengo ga ŵaulinda gali kwakamucisya wawojo. Tukwaŵenda kuti akamulaneje nawo cenene mwakupikanila yakwasalila pakwamba ya kwakwimika magalimoto ni njinga, kwakwinjilila ni kwakopocela, kusunga malo, soni yindu yine.

UBATISO Malo gakutama ŵakubatiswa pamsonganowu gaciŵa kusogolo kwa ŵandu. Naga pana yine yakusosekwa kusala, casale mkanipaŵe. Ŵandu ŵakubatiswa pamsonganowu akusosekwa kutama pamalo gaŵalinganyicisye mkanijitande ngani ja ubatiso, Lyakuŵeluka kundaŵi. Jwalijose ayice nayo yakuwala yawucimbicimbi yakwinjilila m’mesi soni cakulipukutila mesi.

YAKUPELEKA Kuti yikombolece kola malo gakwanila kutama pamsonganowu, soni kuti tukole yakwecesya maloŵe, ni yindu yine yejinji yayitendekasisye kuti msonganowu uŵe wakusangalasya, soni wakulimbikasya mwausimu, tukamulicisye masengo mbiya. Naga akupeleka yakupeleka yakulisosela, ciyikamucisye kuwucisya mbiya syasikamwile masengo, nambosoni ciyikamucisye masengo gagakutendekwa pacilambo cosope capasi. Naga akusaka kupeleka, komboleka kuponya m’mabokosi ga yakupeleka gagali pamalo ga msongano gano. Tukuyamicila mnope yakupeleka yosope, soni Likuga Lyakulongolela likwayamicila wawojo ligongo lya mtima wawo wambone wakamucisya yindu ya Ucimwene.

CIPATALA Cipatala celeci cili cakamucisya ULWELE WAWUTANDILE KUMSONGANO KUNO

DIPATIMENTI JA YINDU YAKWASIKA Naga alokwete cindu cilicose akapelece ku dipatimenti jeleji. Ŵanace ŵasokonecele, ŵangakukumanyilila kwatemi acinangolo ŵawo ŵajawusyeje ku dipatimenti jeleji. Kuti yeleyi yikatutendelecela, tukwaŵenda kuti ŵaloleleje ŵanace ŵawo, soni akalekanganaga nawo.

MALO GAKUTAMA Tukusosekwa tuganicisyeje ya ŵane. Malo gakutama komboleka kwasunjila ŵandu ŵatwakwesile nawo galimoto jimpepe, ŵamwiŵasa mwetu, kapena ŵatukulijiganya nawo Baibulo. Tukaleka yindu pamalo gakutama ŵandu.

DIPATIMENTI JA ŴAKULIPELEKA KAMULA MASENGO Naga akusaka kulipeleka kuti akamule masengo gakulekanganalekangana pamsonganowu, ajawule ku dipatimenti jeleji.

SUKULU JA ŴAKULALICILA YA UCIMWENE Apayiniya ŵa yaka yakutandila 23 mpaka 65 ŵakusaka kutenda yejinji mu undumetume wawo, tukwalimbikasya kusimanikwa pa msongano wa ŵandu ŵakusaka kwawula ku Sukulu ja Ŵakulalicila ya Ucimwene, wawucitendekwa Lyamlungu musi. Malo ni ndaŵi jakwe casale mkanipaŵe.