2 YATICHÄWI
Bibliajj jutïrin sum jakasiñatwa parli
Oraqpachanwa jaqenakajj jan walinakan uñjasipjje, ukatwa llakita, aynachtʼata, usuta ukham uñjasipjje. ¿Jumajj ukhamanakan uñjasiwayaraktati? Inas jumajj usutätam layku, mä munat familiaramana jan ukajj mä munat amigoman jiwatap layku wal tʼaqesisksta, ukatwa ‘¿kunapachkamas tʼaqespachäñäni?’ sasin jisktʼaspachäta. Biblian uka jisktʼar qhanañchatapajj wal chuymachtʼistu.
1. ¿Jutïrin kun suytʼañatakis Bibliajj yanaptʼistu?
Aka oraqen kunayman jan walinakajj kunatsa utji uk Bibliaw sum qhanañchi. Ukatjja uka jan walinakajj tukusirikiwa, niyaw chhaqtjjani sasaw qhanañcharaki. Biblian qellqatäki uka promesanakajja jumarojj “mä suma suytʼäwi jutïritak” churiristam (Jeremías 29:11, 12 liytʼäta). Biblian uka promesanakapajja jichhürunakan llakimp jan aynachtʼañataki, kusisitäñatakiw yanaptʼistu, jutïrin wiñayatakiw kusisit jakasiñäni sasin confiyañatakis yanaptʼarakistuwa.
2. ¿Bibliajj jutïrit kamsisa?
Bibliajja “janiw jiwañajj jukʼamp utj-jjaniti, janirakiw llakisiñasa, jachañasa ni usuyasiñasa jukʼamp utj-jjaniti” sasaw jutïrit qhanañchi (Apocalipsis 21:4 liytʼäta). Kunanakatï jichhürunakan wal tʼaqesiykistu ukanakajj jutïrin janiw utj-jjaniti, mä arunjja pisin jakasiñasa, jan cheqaparjam uñjatäñasa, jiwañasa, usuntañasa janiw utj-jjaniti. Jaqenakajj aka oraqen wiñayatakiw mä suma paraison jakasipjjani sasaw Bibliajj qhanañchi.
3. ¿Kunas Biblian promesanakapar confiyañatakejj yanaptʼistaspa?
Walja jaqenakaw jan walinakan chhaqtañap munapjje, ukhamäkchisa kuntï suyapki ukajj phoqasiniti janicha uk janiw yatipkiti. Ukampis kuntï Bibliajj siski ukajj phoqasipuniniwa. Jiwasatï ‘wali amuyump Qellqatanak’ yatjjatañäni, mä arunjja Bibliat yatjjatañäni ukhajja, promesanakapajj cheqpachapuniw phoqasini sasaw confiyañäni (Hechos 17:11). Bibliat yatjjatañajja, kuntï jutïrit Bibliajj parlki ukar creyismati janicha uk juma pachpa amtañamatakiw yanaptʼätam.
JUKʼAMP YATJJATAÑÄNI
Jichhajja kunanaksa Bibliajj jutïrit qhanañchi uka promesanakat mä qhawqha yatjjatañäni. Kunjamsa uka promesanakajj jaqenakar yanaptʼaski uksa yatjjatarakiñäniwa.
4. Bibliajj jan tʼaqesisaw jutïrin wiñayatak jakasjjañäni sasaw yatichi
Biblian promesanakapajj aka aynachan uñstki uka lista uñjjattʼam. Uka promesanakatjja, ¿kawkïrinakan phoqasiñapsa jumajj munasma? ¿Kunatsa ukham amuyta?
Aka aynachan uñstki uka promesanak ladon uñstki uka textonak liytʼasajja, aka toqetwa parltʼapjjäta:
-
¿Uka textonakajj kunatï jutïrin phoqaskani uk suytʼañatakejj yanaptʼiristamti? ¿Familiaranakamarusa amigonakamarusa yanaptʼaspati?
Kunjamsa jutïrin jakasjjañäni uk amuytʼam:
|
JANIW KHITIS... |
TAQENIW... |
|---|---|
|
|
|
|
|
|
|
|
|
|
5. Biblian promesanakapajj sum jakasiñatakiw yanaptʼistaspa
Aka mundon jan waltʼäwinak utjatapatjja, walja jaqenakaw aynachtʼatäpjje jan ukajj wali coleratäpjjaraki. Yaqhepanakajj jan walinak askichañatakiw wal chʼamachasipjje. Ukampis aka oraqen taqe kunaw askichatäjjani sasin Bibliajj qhanañchki uka arunakajj kunjamsa waljanir yanaptʼaski uk uñjañäni. VIDEO uñtasajja aka toqetwa parltʼapjjäta:
-
Uka videorjamajja, ¿kunas Rafika warmirojj llakisiyäna?
-
Ina chʼusat tʼaqesiñanakajj utjaskakchïnsa, ¿kunjamsa juparojj Bibliajj yanaptʼäna?
Kuntï Bibliajj jutïrit siski ukar confiyañajja jan sint llakisiñataki, jan walinakan uñjaskasas kusisitäñatakiw yanaptʼistaspa. Proverbios 17:22; Romanos 12:12 liytʼasajja aka toqetwa parltʼapjjäta:
-
¿Kuntï Bibliajj jutïrit yatichki ukajj jumar yanaptʼiristamti? ¿Kunatsa ukham amuyta?
YAQHEPANAKAJJ AKHAM SAPJJEWA: “Kuntï Bibliajj jutïrit siski ukajj janjamakiw phoqaskaspati” sasa.
-
Niyakejjay Biblian promesanakapajj phoqasipuniniwa sañatakejj pruebanakajj utjchejja, ¿uka toqet yatjjatañajj wakisiskakiti? ¿Kunatsa ukham amuyta?
¿KUNSA YATEQAWAYTAN?
Bibliajj jutïrin wali kusisitaw jakasiñäni sasaw qhanañchi, ukajja jutir urunak kusisit suytʼañataki jan walinakan uñjasisas jan aynachtʼañatakiw yanaptʼistu.
Amtañataki
-
¿Kunatsa jaqenakan jutïritak suytʼäwinïpjjañapajj wakisi?
-
¿Kunsa Bibliajj jutir urunakat yatichi?
-
¿Kunjamsa jutir urunakan sum jakasiñ suytʼañajj jichhürunakan yanaptʼiristam?
JUKʼAMP YATJJATAÑAMATAKI
Jutir urunak suytʼañajj kunjamsa yanaptʼistaspa uka toqet jukʼamp yatjjatam.
“Esperanza: ¿dónde hallarla?” (¡Despertad!, 22 de abril de 2004)
Jaya tiempo wali usuntatäjjapjje (enfermedad crónica) ukanakarojja, kunjamsa jutir urunak suytʼañajj yanaptʼawayi uk yatjjatam.
“¿Puede la Biblia ayudarnos a sobrellevar una enfermedad?” (Artículo de jw.org)
Aka musican video uñtasajja, jumasa familiamas wali kusisitas paraison jakasjjapjjasma ukham amuytʼam.
Kuntï Bibliajj jutir urunakat parlki ukanakat yatjjatañajj kunjamsa chʼajjwañanak utjayiri mä chacharojj yanaptʼäna uk yatjjatam.
“Janiw akapach mayjtʼayañ munjjti” (Yatiyañataki julio 1, 2013)
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
