PES 02
Bibel i nti botñem inyu dilo di nlo
I nkoñ ’isi wonsôna, ngandak bôt i mboma mandutu ma ma nlona bo nduña. Baa yak we u mboma mandutu ma? Bebek ngim kon i ntééñga we tole u nok njôghe inyule u nimis mut u gwéhék. Bebek u mbadba le: ‘Baa kel yada niñ y’a lama?’ Bibel i nti loñge ndimbhe mu mbadga i.
1. Imbe botñem Bibel i nti?
Bibel i nkal bés inyuki di mboma ngandak mandutu, i ntoñle ki bés le ndék ngéda, Djob a ga mélés mandutu momasôna. Mimbônga mi Bibel mi nla ti bés ‘botñem inyu dilo di nlo.’ (Añ Yérémia 29:11, 12.) Mimbônga mi, mi nhôla bés i hônba mandutu ni i ba maséé.
2. Kii Bibel i mbôn inyu dilo di nlo?
Bibel i nkal le i dilo di nlo “nyemb y’a ba ha bé to maéya, to nlondok, to njôghe bi ga ba ha bé.” (Añ Masoola 21:4.) Ngandak mandutu kiki bo liyep, ngitelepsép, makon, ni nyemb bi ga ba ha bé. Bibel i mbôn le bôt ba ga niñ i boga ni boga ikété Paradis, hana ’isi.
3. Kii i nkwés we nkaa le mimbônga mi Bibel mi ga yon?
Ngandak bôt i gwé botñem le mam malam ma ga loo, ndi ba nyi bé ntiik too hala a ga bôña kel yada. Ndi Bibel i ntembee bé. Di nla hémle mimbônga nwé nwominsôna ibale di ‘nyoñ ngéda i tibil wan Bitilna.’ (Minson mi baôma 17:11) Kiki u mba u nkena yigil yoñ Bibel ni bisu, ha nyen w’a pohol too w’a bôdôl yo ñem tole to.
KÔNDE TÉM
Béñge ngim mam Bibel i mbôn inyu dilo di nlo. Béñge lelaa botñem Bibel i nti i nlémés niñ i ngandak bôt i len ini.
4. Bibel i mbôn bés le di ga niñ i boga ni boga ngi ndutu yo ki yo
Béñge mimbônga mini di nléba ikété Bibel. Umbe u nlémél we tôbôtôbô? Inyuki?
Añ minlôñ mi Bibel mini ba nsima, i mbus noode le ôt mahoñol munu mambadga mana:
-
Baa minlôñ mi Bibel mini u ñañ mi nti we botñem? Baa mimbônga mi, mi nla yak hôla mawanda moñ ni lihaa joñ?
Hégda le u niñ ikété hisi het
MUT NYE KI NYE A’ . . . |
BÔT BOBASÔNA B’A BA MASÉÉ I . . . |
---|---|
|
|
|
|
|
|
|
|
|
|
5. Mimbônga mi Bibel mi nla lémés niñ yés
Mandutu ngandak bôt i mboma i len ini, ma ñunbaha bo, ma tômbhak ki bo. Bape ba njo inyu héñha mam. Béñge lelaa mbônga Bibel i nti le mam m’a ba loñge i dilo di nlo u nhôla bôt i len ini. Tuk VIDÉÔ, i mbus ni kwélél mambadga mana.
-
Munu vidéô ini, imbe ngitelepsép i bé tééñga Rafika?
-
To hala kiki ndutu i i bi mal bé, lelaa Bibel i bi hôla nye?
Botñem Bibel i nti i nhôla bés i ba maséé ni i hônba mandutu ma niñ. Añ Bingéngén 17:22 ni Rôma 12:12, i mbus ni kwélél mambadga mana:
-
Baa u nhoñol le i botñem Bibel i nti inyu dilo di nlo i nla héñha niñ yoñ nano? Inyuki?
BÔT BAPE BA NKAL LE: “Mimbônga mi Bibel mi yé ndik dingaana.”
-
Inyuki i nla ba loñge le wemede u wan i jam li?
I SEM KWEP
Mimbônga mi Bibel mi nti bés botñem, mi nti bés maséé, mi nhôla ki bés i hônba mandutu.
Mambadga ma mbigda
-
Inyuki bôt ba binam ba gwé ngôñ ni botñem?
-
Kii Bibel i nkal inyu dilo di nlo?
-
Lelaa botñem Bibel i nti inyu dilo di nlo i nla hôla we nano?
KÔNDE YÉÑ
Kônde nigil lelaa botñem i nla hôla we i ngéda u mboma mandutu.
“Où trouver le véritable espoir ?” (Réveillez-vous !, 22 avril 2004)
Béñge lelaa botñem inyu dilo di nlo i nla hôla i bet ba niñ ni kon u u mal bé.
“Baa Bibel i nla hôla we i niñ ni kon u u mal bé?” (kee i jw.org)
Mu kii u mba u mbéñge i vidéô ini, hégda le we ni lihaa joñ ni yé i Paradis ni konok maséé.
Béñge lelaa i mut pôlitik nunu a bi lona mahéñha i mbus le a bi yi botñem Bibel i nti inyu dilo di nlo.
“Me nhoñol ha bé me le me nlama héñha nkoñ ’isi” (Nkum Ntat, 1 Njéba 2013)