LESEN 02
Baebol i Givim Hop
Long olgeta ples long wol, ol man oli dil wetem ol problem we i mekem oli harem nogud, oli wari, mo oli safa tu. ?Yu yu fesem sam samting olsem finis? Maet yu stap safa from wan sik, o from wan famle blong yu i ded. Maet yu stap askem se: ‘?Laef bambae i kamgud wan dei?’ Bambae yu glad long ansa we Baebol i givim.
1. ?Baebol i givim wanem hop?
Baebol i no eksplenem nomo from wanem wol ya i fulap long ol problem, be hem i talemaot gud nius tu se ol problem ya oli blong smoltaem nomo, mo i no longtaem bambae oli lus. Ol promes blong Baebol oli save “givim wan fiuja mo wan hop long yufala.” (Ridim Jeremaea 29:11, 12.) Ol promes ya oli halpem yumi blong dil wetem ol problem naoia, mo blong gat wan positif tingting, mo blong faenem glad blong olwe.
2. ?Wanem fiuja we Baebol i tokbaot?
Baebol i tokbaot wan fiuja we “bambae i no moa gat man i ded, mo bambae man i no moa sore, mo bambae i no moa gat man i krae, mo bambae man i no moa harem nogud long bodi blong hem.” (Ridim Revelesen 21:4.) Ol problem we oli save mekem laef i had tede, olsem fasin pua, no gat jastis, sik, mo ded, bambae oli no moa stap. Baebol i promes se ol man bambae oli enjoem laef olwe long Paradaes long wol.
3. ?Olsem wanem yu save trastem promes ya?
Plante man oli hop se ol gudfala samting bambae oli hapen, be oli no sua se hop blong olgeta bambae i kamtru wan dei. Be ol promes blong Baebol bambae oli kamtru. Yumi save trastem moa taem yumi “stadi gud long Ol Tok Blong Baebol.” (Ol Wok 17:11) Taem yu stadi long Baebol, bambae yu jes luk sipos i stret blong bilivim samting we hem i talem long saed blong fiuja.
DIGIM MOA
Traem jekem sam promes long saed blong fiuja we i stap long Baebol. Traem luk olsem wanem hop ya blong Baebol i halpem ol man tede.
4. Baebol i promes se bambae i no moa gat problem taem yumi laef olwe
Yu luk lis ya blong ol promes blong Baebol. ?Yu yu laekem weswan moa? ?From wanem?
Ridim ol vas klosap long ol promes ya, mo tokbaot ol kwestin ya:
-
?Yu ting se ol vas ya oli givim hop long yu? ?Yu ting se oli save givhan long famle mo ol fren blong yu?
Pijarem yu wan long wan wol we
|
MAN BAMBAE . . . |
EVRIWAN BAMBAE . . . |
|---|---|
|
|
|
|
|
|
|
|
|
|
5. Hop blong Baebol i save jenisim laef blong man
Tingting blong plante man i foldaon o oli kros, taem oli luk ol problem raonabaot long olgeta. Sam man oli faet blong traem mekem ol samting oli kamgud moa. Traem luk olsem wanem promes blong Baebol i halpem sam man tede. Plei VIDEO, mo tokbaot ol kwestin ya.
-
Long video ya, ?Rafika i no glad long wanem?
-
Problem we hem i luk, i no finis, ?be Baebol i halpem hem olsem wanem?
Hop we Baebol i givim, i save halpem yumi blong winim tingting we i foldaon mo ol problem. Ridim Ol Proveb 17:22 mo Rom 12:12, mo tokbaot ol kwestin ya:
-
?Yu ting se hop we i stap long Baebol, i save jenisim laef blong yu? ?From wanem yu ansa olsem?
SAM MAN OLI SE: “Ol promes blong Baebol long saed blong fiuja, oli gud be oli ol drim nomo.”
-
?Yu ting se i impoten blong jekem ol pruf? ?From wanem yu ansa olsem?
SAMARI
Baebol i talem plante promes long saed blong fiuja. Hemia i givim hop mo i halpem yumi blong winim ol jalens.
Tingtingbak
-
?From wanem ol man oli nidim hop?
-
?Baebol i talem wanem long saed blong fiuja?
-
?Olsem wanem hop i save halpem yu tede?
FAENEMAOT
Kasemsave moa long paoa blong hop.
“Hope—Where Can You Find It?” (Wekap!, 22 Eprel 2004)
Faenemaot olsem wanem hop blong fiuja i save halpem olgeta we oli gat wan sik.
“?Baebol i Save Givhan Long Man We i Gat Wan Sik?” (Web atikol)
Taem yu wajem miusik video ya, pijarem se yu mo famle blong yu i stap enjoem laef long fiuja Paradaes, we Baebol i tokbaot.
Ridim olsem wanem laef blong wan man i jenis taem i save hop we i stap long Baebol.
“I No Longer Feel That I Have to Change the World” (Wajtaoa, 1 Julae 2013)
Maet Yu Laekem Hemia Tu
KWESTIN WE PLANTE MAN OLI STAP ASKEM
Baebol Stadi Kos We Yu Save Mekem Wetem Ol Witnes Blong Jehova
Yu save yusum eni translesen blong Baebol blong mekem wan fri Baebol stadi kos wetem ol Witnes blong Jehova. Singaot ol famle mo ol fren tu blong oli joen wetem yu.
