NSUNZO 02
Bibilia Ononivaha Njedhelo
Attu a mwilaboni mwetemwene anogumanana makattamiho menjene. Sabwa ya ejuwene awene anokubanya, anodhugudheya ofiyedha wiwa opa. Weyo wahiromaga ogumanana makattamiho oligana na abene? Txino weyo onotabuwa sabwa ya eredda obe omuyeleela munammudhi wawo wokweleya mukwani. Txino onowubuwela dhahi: ‘Koddi ninela ofiya nsaka ninagome esidha?’ Weyo onela oziveliwa ogaziwa yowakula ya Bibilia mwaha wa mavuzo aba.
1. Bibilia onvaha njedhelo gani?
Bibilia onotapulelamo sabwaya ekaleliwo matabuwo menjene mwilaboni, mbwenye iyene ononivaha miselu dhapama dhawi makattamiho otene anele ogoma momaguva. Mapikirelo a mBibiliani ahikana ewodhelo ya onivaha ‘nikuluvelo vina njedhelo namusogorho.’ (Kengesa Jeremiya 29:11, 12.) Mapikirelo aba anonikamihedha owanana makattamiho angumanihuna masaka abano, vina okalawo n’ekalelo yopimeleleya ofiyedha ofwanya wagalala. Anonikamihedha vina ofwanya wagalala oromana ovanene ofiyedha musogorho.
2. Bibilia onvaha nikuluvelo gani na musogorho?
Bibilia onloga wi ninela ofiya nsaka ‘nihinakalewo vina okwa, kutto, obulela, na segedho.’ (Kengesa Ovuhulela 21:4.) Dhilobo dhintota makattamiho masaka abano ninga—oyelega, ohiligana, maredda na okwa—kadhinakalewo vina. Bibilia ohimala opikirhela wi attu anela ofwanya wagalala wokala namukalakala velaboni ya vati.
3. Onawodhe dhavi okana ebaribari yawi dhetene dhinloga Bibilia dhinela opadduwa?
Attu enjene anofuna wona dhilobo dhapama; masiki dhawene anowaganyedha akala dhilobodha eso dhinela opadduwa-wene. Mbwenye mapikirhelo a mBibiliani kanavonye. ‘Ogafwaseyela osunza Malebo’ Onele okana ebaribari yawi dhotene dhinloga Bibilia, dhinele opadduwa. (Merelo 17:11) Omusunza Bibilia, onele wukamihedha osakula akala onorumela obe onokoodda esile dhinloga Bibilia mwaha wa musogorho.
KASUNZAVI
Koona mapikirelo meena a musogorho anloga Bibilia. Katamela ononelamo yopurelamo enfwanya attu masaka abano na nikamihedho na Bibilia.
4. Bibilia onivaha nikuluvelo nawi jowodheya okalawo namukalakala s’ematabuwo
Kang’ana muddonddonddo obu wa mapikirhelo a mBibiliani. Nipikirhelo gani nuziveli? Txini yuttukulele oziveliwana?
Kengesa malebo a mBibiliani a nipikirhelo nimodha-nimodha, ogamala otanaalele mavuzo aba:
-
Onona ninga miselu esi dha mBibiliani dhinovaha njedhelo? Mapikireloyá anowodha wakamihedha amudhawo obe akwawo?
Kobuwela okalaga mwilaboni ninga mpu
|
MUHINAKALE MUTTU . . . |
ATTU OTENE ANELE . . . |
|---|---|
|
|
|
|
|
|
|
|
|
|
5. Malibelo ali mBibiliani anowodha osaddula egumi yawo
Attu enjene anokubanya vina anofiyedha osilidhiwa sabwa ya makattamiho anonani mwilaboni. Ena anovilibihedha wi ogolele makattamihoya. Koona nikamihedho ninakela attu na nipikirhelo na Bibilia nawi dhamwilaboni dhinela osadduwa. Karumiha VIDIYU, mugamala mutanaalele mavuzo aba:
-
Mowiwanana na vidiyu, opujiwa gani wamunyonya Rafika?
-
Bibilia omukamihedhile dhavi Rafika, masiki eziweyaga wi opujiwa waye kugomile?
Njedhelo ninvaha Bibilia mwaha wa musogorho ninowodha onikamihedha owanana odhugudheya vina okwaranya makattamiho ehu. Kengesa Gano 17:22 na Roma 12:12, mugamala mutanaalele mavuzo aba:
-
Onubuwela wi njedhelo na Bibilia ninowodha osaddula egumi yawo? Enuttukulela wubuwela dhawene txini?
ATTU ENA ANLOGA WI: “Mapikirelo a Bibilia attabwa okala apama, nona kahiye dhopikirela dhebaribari dhinafiyedhe wakwanihedheya.”
-
Ekaleleni yofuneya otamela oziwa ebaribari ya makani aba?
OGWADDELA
Bibilia ononivaha njedhelo vina ononikamihedha owanana dhorutxa, modhela onipikirhela wi musogorho mundowihu munele okala murenddele.
Kobuwela Dhisunziliwe
-
Attu antamelela eni njedhelo?
-
Txini enloga Bibilia mwaha wa musogorho?
-
Njedhelo na Bibilia ninwodha dhavi osaddula egumi yawo?
TAMELÁ ONONELAMO DERETU
Kasunzavi mwaha wa ewodhelo ena njedhelo.
“Esperança—Onde Você Pode Encontrá-la?” (Despertai!, 22 de Abril de 2004)
Kang’ana mukalelo onlibiheya abale ana eredda ehiniwa murobwe mwaha wa oziwa esile dhinapadduwe musogorho.
“Será que a Bíblia Pode Ajudá-lo a—Conviver com Uma Doença Crónica?” (Mitoma dha mu jw.org)
Ogoonaga vidiyu eji ya jibo, kavubuwele buli na amudhawo mparaizu opikirhele Bibilia.
Kengesa mukalelo okamihedhiwe ativista otxinja egumi yaye mwaha wa oziwa ebaribari ya Bibilia enloga dha mapikirelo a musogorho.
“Já não Acho Que Preciso de Mudar o Mundo” (A Sentinela de 1 de Julho, 2013)
