CɅNTESɅNTEL 02
Jiñi Biblia miʼ yʌqʼueñonla lac pijtaya
Tiʼ pejtelel pañimil (mulawil), jiñi lac piʼʌlob miʼ ñusañob wocol muʼ bʌ i yʌqʼueñob i chʼijyemlel yicʼot cʌlʌx pensar. ¿Cheʼʌch ba an a ñusa jaʼel? Tajol cʼamet o an majqui tsaʼ chʌmi ti a familia, i tiʼ caj jiñi, maʼ cʼajtiben a bʌ: ¿Muʼto ba caj i tojʼan jiñi wocol tac? Muʼ bʌ i yʌl jiñi Biblia miʼ mejlel i ñuqʼuesan a pusicʼal.
1. ¿Chuqui ti pijtaya miʼ yʌqʼueñonla jiñi Biblia?
Jiñi Biblia miʼ yʌl chucoch cʌlʌxix wocol ila ti pañimil. Pero cheʼ jaʼel miʼ yʌl chaʼan pejtelel jiñi wocol mi caj i jilel. Jiñi Biblia miʼ subeñonla chaʼan an chuqui utsʼatax bʌ woli (choncol) lac pijtan ti talto bʌ qʼuin (pejcan Jeremías 29:11, 12). Jiñi muʼ bʌ i yʌl jiñi Biblia miʼ coltañonla lac lʌtʼ majlel jiñi wocol tac ili ora yicʼot chaʼan wen jach chuqui mi lac ñaʼtan. Cheʼ jaʼel, miʼ yʌqʼueñonla lac ñaʼtan chaʼan tijicña mi lac mejlel ti chumtʌl tiʼ pejtelel ora.
2. ¿Chuqui miʼ yʌl jiñi Biblia chaʼan miʼ cajel ti talto bʌ qʼuin?
Jiñi Biblia miʼ yʌl chaʼan ti talto bʌ qʼuin «maʼañix miʼ cajel chʌmel, mi muqʼuicto i cajel chʼijyemlel, uqʼuel yicʼot cʼuxyajiyel» (pejcan Apocalipsis 21:4). Mi caj i jilel jiñi wocol tac bajcheʼ jiñi pʼumpʼuñiyel, jiñi ticʼlʌntel, jiñi cʼamʌjel yicʼot jiñi chʌmel (sajtel). Cheʼ jaʼel, miʼ yʌl chaʼan tijicña mi caj lac chumtʌl tiʼ pejtelel ora ti jumpʼejl paraíso.
3. ¿Chuqui mi caj i coltañet chaʼan maʼ ñop jiñi pijtaya muʼ bʌ i yʌl jiñi Biblia?
Cabʌl lac piʼʌlob miʼ pijtañob chaʼan miʼ tojʼan jiñi wocol tac, pero maʼañic miʼ ñaʼtañob mi mucʼʌch caj i tojʼan. Pero jiñi Biblia miʼ subeñonla chaʼan mucʼʌch caj i tsʼʌctiyel jiñi muʼ bʌ i yʌleʼ. Miʼ mejlel lac ñop muʼ bʌ i yʌl jiñi Biblia mi mucʼʌch lac wen qʼuel jiñi Tsʼijbujel tac, yom i yʌl, cheʼ bʌ mi lac pejcan muʼ bʌ i yʌl jiñi Biblia (Hechos 17:11). Ili mi caj i coltañet chaʼan maʼ ñaʼtan mi mucʼʌch caj a ñop muʼ bʌ i yʌl jiñi Biblia chaʼan jiñi talto bʌ qʼuin.
LAʼ LAC ÑUMEN ÑAʼTAN
Laʼ laj qʼuel chuqui miʼ yʌl jiñi Biblia chaʼan jiñi talto bʌ qʼuin i bajcheʼ woli (yʌquel) i coltan lac piʼʌlob jiñi pijtaya muʼ bʌ i yʌl jiñi Biblia.
4. Jiñi Biblia miʼ yʌl chaʼan utsʼat mi lac mejlel ti chumtʌl tiʼ pejtelel ora
Qʼuele ti jiñi lista chuqui tac miʼ yʌl jiñi Biblia chaʼan miʼ cajel. ¿Baqui bʌ maʼ ñumen mulan? ¿Chucoch?
Pejcanla jiñi texto tac muʼ bʌ i tilel i tem alʌla iliyi:
-
¿Muʼ baʼ wʌl chaʼan ili texto tac miʼ yʌqʼueñet a pijtaya? Ñaʼtancu, ¿muʼ ba mejlel i coltan a familia yicʼot a wamigojob?
Ñaʼtancu chaʼan chumulet ti jumpʼejl pañimil bajcheʼ ili:
|
MAʼAÑIC MAJQUI... |
TI LAC PEJTELEL... |
|---|---|
|
|
|
|
|
|
|
|
|
|
5. Jiñi pijtaya muʼ bʌ i yʌl jiñi Biblia miʼ coltañonla chaʼan wen mi lac chumtʌl
Yonlel lac piʼʌlob chʼijyemob o michʼob tiʼ caj jiñi wocol tac am bʌ ila ti pañimil. An muʼ bʌ i chaʼleñob wersa chaʼan miʼ tojʼesañob jiñi wocol. Qʼuele bajcheʼ woliʼ coltan yonlel lac piʼʌlob muʼ bʌ i yʌl jiñi Biblia. Qʼuelela jiñi VIDEO i tem alʌla iliyi:
-
Cheʼ bajcheʼ tsaʼ laj qʼuele ti jiñi video, ¿chuqui tsiʼ cʼojoʼta Rafika?
-
Anquese añixto muʼ bʌ i tsʼaʼleñob jiñi iʼicʼoʼ bʌ i pʌchʌlel, ¿bajcheʼ tsiʼ colta jiñi Biblia jiñi Rafika?
Jiñi pijtaya muʼ bʌ i yʌl jiñi Biblia miʼ mejlel i coltañonla chaʼan mach chʌn chʼijyemix mi la cubin lac bʌ yicʼot chaʼan tijicñayonla anquese an lac wocol tac. Pejcanla Proverbios 17:22 yicʼot Romanos 12:12, i tem alʌla iliyi:
-
¿Mejl ba i coltañet maʼ wʌl chaʼan wen maʼ chumtʌl ili ora jiñi pijtaya muʼ bʌ i yʌl jiñi Biblia? ¿Chucoch?
AN MUʼ BɅ I YɅLOB: «Wen utsʼatax yubil muʼ bʌ i yʌl jiñi Biblia, pero mi cʌl mach i sujmic».
-
Mi mucʼʌch caj i tsʼʌctiyel muʼ bʌ i yʌl jiñi Biblia, ¿yomʌch ba mi lac wen tsajin? ¿Chucoch?
TSAʼ BɅ LAJ CɅÑɅ
Jiñi Biblia miʼ yʌl chaʼan tijicña mi caj lac chumtʌl i jiñi miʼ yʌqʼueñonla lac pijtaya yicʼot miʼ coltañonla lac chʌn chaʼlen wersa anquese an lac wocol tac.
¿Chuqui tsaʼ cʌñʌ?
-
¿Chucoch yom miʼ cʌñob jiñi lac piʼʌlob jiñi pijtaya muʼ bʌ i yʌl jiñi Biblia?
-
¿Chuqui miʼ yʌl jiñi Biblia chaʼan jiñi talto bʌ qʼuin?
-
¿Bajcheʼ miʼ mejlel i coltañet ili ora cheʼ an jumpʼejl a pijtaya?
CɅÑɅ YAN TAC BɅ
Ñumen cʌñʌ bajcheʼ miʼ mejlel i coltañonla cheʼ an jumpʼejl lac pijtaya.
«¿Baqui miʼ mejlel lac taj lac pijtaya?» (¡Jamʌx a wut!, 22 i chaʼan abril, 2004)
Qʼuele bajcheʼ jiñi pijtaya an i colta jiñi añoʼ bʌ tsʌts bʌ i cʼamʌjel.
«¿Mejl ba i coltañonla jiñi Biblia cheʼ an lac chaʼan jumpʼejl cʼamʌjel?» (Tema am bʌ ti jw.org)
Cheʼ bʌ maʼ qʼuel ili video, ñaʼtancu chaʼan tijicña woli a ñusan a wicʼot a familia yaʼ ti Paraíso.
Qʼuele bajcheʼ tsiʼ colta juntiquil wiñic jiñi pijtaya muʼ bʌ i yʌl jiñi Biblia.
«Maʼañix mic ñop j qʼuextan ili pañimil» (Lac Tsictesʌbentel, 1 i chaʼan julio, 2013)
Miʼ mejlel a qʼuel jaʼel iliyi
CʼAJTIYA TAC MUʼ BɅ I ÑUMEN MEJLEL
¿Bajcheʼ yilal jiñi estudio loqʼuem bʌ ti Biblia muʼ bʌ i yʌcʼob jiñi i testigojob Jehová?
Ti jiñi estudio muʼ bʌ i yʌcʼob jiñi i testigojob Jehová maʼ mejlel a cʼʌn baqui jach bʌ Biblia. Miʼ mejlel a pʌy pejtelel a familia o jiñi a wamigojob.
