KALANSEN 02
Bibulu be jigiya di an ma siniɲasigi koo la
Duniɲa kuru bɛɛ kɔnɔ, gwɛlɛyaw be mɔgɔw kan. O b’a to u dusu kasinin lo, u hakili ɲagaminin lo, ani u yɛrɛ niin tɔɔrɔnin lo. Yala o ɲɔgɔn delila k’i sɔrɔ wa? A be se ka kɛ ko i be tɔɔrɔla bana dɔ kosɔn, wala i ka mɔgɔ kanulen dɔ ka saya kosɔn. N’a sɔrɔ i b’i yɛrɛ ɲiningara ko: Yala koow bena fisaya loon dɔ wa? Bibulu be min fɔ o koo la, o b’an hakili sigi.
1. Bibulu be jigiya juman lo di an ma siniɲasigi koo la?
Bibulu b’a ɲɛfɔ fɛɛn min kama duniɲa fanin be gwɛlɛyaw la. Nka o dɔrɔn tɛ. A b’a yira fana k’o gwɛlɛyaw tɛ mɛɛnta ye, ko u bena ban yanni dɔɔni. Bibulu be min fɔ an ka siniɲasigi koo la, o be se ka jigiya di an ma (Zeremi 29:11, 12 kalan). O jigiya be se k’an dɛmɛ k’an ka gwɛlɛyaw muɲu, ka koow filɛ ni ɲɛɛ ɲuman ye, ani ka la a la ko an bena ninsɔndiya banbali sɔrɔ.
2. Bibulu be mun lo fɔ siniɲasigi koo la?
Bibulu b’a fɔ ko wagati dɔ bena se “mɔgɔ tena sa, mɔgɔ tena kasi, mɔgɔ tena tɔɔrɔ tugu.” (Yirali 21:4 kalan). Gwɛlɛya minw b’an kan bi i n’a fɔ fantanya, tilenbaliyakow, banaw ani saya, a be se ka kɛ an ɲɛɛ na k’u tɛna ban. Nka Bibulu b’a yira ko u bɛɛ bena ban pewu! A b’a yira ko adamadenw bena se ka ɲɛnamaya kɛ hɛɛrɛ la fɔɔ abada alijɛnɛ kɔnɔ dugukolo kan.
3. Bibulu be min fɔ siniɲasigi koo la, i be se ka la a la cogo di k’o bena dafa?
Mɔgɔ caaman b’a fɛ koo ɲumanw lo ka kɛ. Nka u lanin t’a la n’o bena kɛ loon dɔ. Bibulu do be min fɔ siniɲasigi koo la, an be se ka la a la k’o bena dafa. N’an be Bibulu “sɛgɛsɛgɛ k’a filɛ,” o bena an dɛmɛ ka la a ka kumaw na (Kɛwaliw 17:11). N’i tora ka bibulukalan kɛ, i bena a ye Bibulu be min fɔ siniɲasigi koo la, ani i bena a latigɛ i yɛrɛ ma n’i be se ka la o la.
A ƝINI KA DƆ LƆN TUGUN
An ka ɲɛnamaya bena kɛ cogo min na sini ma, a filɛ Bibulu be min fɔ o koo la. Bibulu be jigiya min di an ma, a filɛ o be mɔgɔw dɛmɛna cogo min na bi.
4. Bibulu b’a fɔ ko an bena se ka ɲɛnamaya kɛ fɔɔ abada ɲɛsuma na
Bibulu be min fɔ siniɲasigi koo la, o kuma dɔw be jukɔrɔ. U la jumanw lo ka di e ye kosɔbɛ? Mun na u ka di i ye?
Vɛrise minw be o kumaw gɛrɛfɛ, u kalan ani ɲiningali nunu jaabi:
-
Min fɔra o vɛrisew kɔnɔ, o be jigiya d’i ma wa? Ele ka miiri la, n’i somɔgɔw ani i teriw y’o vɛrisew kalan, o be se k’u nafa wa?
Miiri k’a filɛ ko duniɲa yɔrɔ bɛɛ la,
|
MƆGƆ SI TƐNA . . . |
MƆGƆ BƐƐ BENA . . . |
|---|---|
|
|
|
|
|
|
|
|
|
|
5. Bibulu be min fɔ siniɲasigi koo la, o be se k’i dɛmɛ
Mɔgɔ caaman fari faganin lo wala u yɛrɛ diminin lo sabu gwɛlɛya caaman be duniɲa kɔnɔ. Mɔgɔ dɔw b’u seko bɛɛ kɛra walisa ka duniɲa ka koow cogoya fisaya. Bibulu b’a fɔ ko koow bena fisaya. A filɛ o kuma be mɔgɔ caaman dɛmɛna cogo min na bi. A’ ye VIDEWO filɛ. O kɔ, a’ ye ɲiningali nunu kɛ ani ka baro kɛ u kan:
-
Videwo nin na, tilenbaliyako jumanw lo tun be Rafika sɛgɛnna?
-
Hali k’a sɔrɔ o tilenbaliyakow ma ban, Bibulu ye Rafika dɛmɛ cogo di?
Bibulu be jigiya min di an ma siniɲasigi koo la, o be se ka an dɛmɛ ka see sɔrɔ farifaga kan, ani k’an ka gwɛlɛyaw muɲu koɲuman. Talenw 17:22 ni Ɔrɔmukaw 12:12 kalan. O kɔ, a’ ye ɲiningali nunu kɛ ani ka baro kɛ u kan:
-
Ele ka miiri la, jigiya kuma minw be sɔrɔ Bibulu kɔnɔ, o be se k’i dɛmɛ k’i ka ɲɛnamaya fisaya kabini sisan wa? Mun na i b’o fɔ?
NI MƆGƆ DƆ Y’A FƆ I YE KO: “Bibulu be min fɔ siniɲasigi koo la, o ye siko dama lo ye.”
-
Bibulu be min fɔ siniɲasigi koo la, ele fɛ mun na a kɔrɔtanin lo i ka sɛgɛsɛgɛri kɛ walisa ka la a la k’o bena dafa?
MIIRIYA JƆNJƆN
Bibulu b’a fɔ ko an bena hɛɛrɛ sɔrɔ sini ma. O be jigiya di an ma, ani o b’an dɛmɛ k’an ka gwɛlɛyaw muɲu.
I ye mun lo faamu?
-
Mun na mɔgɔw mako be jigiya la?
-
Bibulu be mun lo fɔ siniɲasigi koo la?
-
Ka kɛ ni jigiya ye siniɲasigi koo la, o be se k’i dɛmɛ cogo di kabini sisan?
NUNU LAJƐ FANA
A filɛ jigiya be se k’i dɛmɛ cogo kabakoman min na ni gwɛlɛyaw b’i kan.
“L’espoir : où le trouver ?” (Saan 2004, awirilikalo tile 22 ka Réveillez-vous !)
Ka kɛ ni jigiya ye siniɲasigi koo la, a filɛ o be se k’i dɛmɛ cogo min na ni bana dɔ b’i la min tɛ banna.
“Ni bana dɔ b’i la min tɛ banna: Bibulu be se k’i dɛmɛ wa?” (A be sɔrɔ jw.org kan)
Dɔnkili nin lamɛntɔ, miiri k’a filɛ ko e n’i somɔgɔw be ɲɛnamaya diyabɔra alijɛnɛ kɔnɔ.
Cɛɛ dɔ tun b’a jijara ka yɛlɛmani don duniɲa ka koow la. Bibulu be min fɔ siniɲasigi koo la, a filɛ o y’a ka ɲɛnamaya yɛlɛma cogo min na.
