LÉSON 02
Labib-a ka bay roun èspwar
Toupatou asou latè-a, moun-yan divèt sipòrté sitiasyon ki ka randé yé tris, ki ka fè yé enkyété bokou ouben ki ka fè yé soufri. Ès sa ja rivé ou ? Pitèt ou malad, ouben ou pédi roun moun ou kontan. Pitèt a pou sa ou ka doumandé ou kò : « Ès roun jou tout bagaj ké alé byen ? » Annan Labib-a, ou ké trapé roun répons ki ké ankourajé ou.
1. Ki èspwar Labib-a ka bay ?
Labib-a ka èspliké poukisa tout bagaj ka alé mal asou latè-a, mé i ka bay osi roun bon nouvèl : tout sa problèm-yan ké fini titalò. Labib-a ka promèt ki ou pouvé gen « roun avénir ké roun èspwar » (li Jérémie 29:11, 12). Sa promès-ya ka idé nou tchenbé rèd lò nou gen problèm, pa enkyété nou kò tròp é gen tchò kontan.
2. Kisa Labib-a ka promèt pou dimen ?
Labib-a ka di ki, titalò, « i pa ké gen lanmò ankò, ni dèy, ni rélé, ni doulèr » (li Révélation 21:4). Tout problèm-yan ki ka fè nou wè mizè, kou lò nou pa gen anyen pou viv, enjitis-ya, maladi-a ké lanmò-a, ké disparèt. Labib-a ka promèt ki moun-yan ké pran plézi viv pou tout-tan annan roun paradi ki ké asou latè-a.
3. Kouman ou pouvé sir ki promès-ya ki annan Labib-a ké fèt ?
Bokou moun ka èspéré ki bon bagaj ké rivé, mé anyen pa pouvé di yé ki sa yé ka antann ké rivé. Mé a pa menm bagaj-a pou sa Labib-a ka promèt : asiré pa pitèt sa i ka di ké fèt. Pou nou pouvé sir ki sa promès-ya ké fèt, a pou nou « byen gadé Ékritir-ya » (Actes 17:11). Étidyé Labib-a ké idé ou désidé si ou pouvé krè sa Labib-a ka di asou sa dimen ké poté.
ANNOU FOUYÉ ANNAN LABIB-A
Annou wè ansanm kouman nou ké viv lò promès-ya ki annan Labib-a ké fèt. Annou wè osi kouman èspwar Labib-a ka bay ka idé moun dipi aprézan.
4. Labib-a ka promèt ki nou pouvé viv pou tout-tan san soufri
Annou li ansanm déztrwa promès ki annan Labib-a. Kilès ou pi kontan ? Poukisa a sa-ya ou chwazi ?
Li vèrsé-ya ki marké apré chak promès, épi kozé asou sa késyon-yan :
-
Ki èspwar Labib-a ka bay nou ? Ès sa pouvé idé roun moun annan ou fanmi ouben roun di ou zanmi ?
Imajiné ki asou tout latè-a :
PÉSONN PA KÉ... |
TOUT MOUN KÉ... |
---|---|
|
|
|
|
|
|
|
|
|
|
5. Èspwar Labib-a pouvé chanjé ou lavi
Bokou moun dékourajé, ouben menm ka lévé faché lò yé ka wè tout problèm i gen asou latè-a. I gen annan yé ka briga pou éséyé fè sitiasyon-an vin miyò. Gadé kouman promès Labib-a ki ka di ki bagaj-ya ké vin miyò ja ka idé moun. Gadé VIDÉYO-a épi kozé asou sa késyon-yan :
-
Ki enjistis té ka troumanté Rafika ?
-
Menm si sa enjistis-a pa fini, kouman Labib-a idé Rafika ?
Èspwar Labib-a ka bay di roun avénir miyò ka idé nou briga kont dékourajman-an épi gen tchò kontan menm si nou gen problèm. Li Proverbes 17:22 ké Romains 12:12 épi kozé asou sa késyon-yan :
-
Ès ou ka pansé ki èspwar Labib-a ka bay pouvé idé ou gen roun lavi ki miyò dipi aprézan ? Poukisa ou ka pansé sa ?
I GEN MOUN KA DI : « Promès Labib-a, a promès mal papay. Anyen pa ké fèt. »
-
Sa ou ka pansé, poukisa sa enpòrtan ki ou chaché ou menm si sa Labib-a ka di vré ?
SA NOU WÈ
Labib-a ka promèt ki, titalò, nou ké vréman gen tchò kontan, é i ka bay nou roun èspwar pou nou tchenbé rèd lò nou gen problèm.
Kisa ou anprann
-
Poukisa moun-yan bézwen roun èspwar ?
-
Kisa Labib-a ka promèt pou dimen ?
-
Kouman èspwar Labib-a ka bay pouvé idé ou dipi aprézan ?
SA OU POUVÉ TRAPÉ OSI
Anprann kouman èspwar-a pouvé idé ou lò ou gen problèm.
« L’espoir : où le trouver ? » (Réveillez-vous !, 22 avril 2004)
Gadé kouman èspwar di roun avénir miyò pouvé idé moun-yan ki gen roun maladi ki ka fè yé soufri dipi lontan.
« Mo ka viv ké roun maladi touléjou : ès Labib-a pouvé idé mo ? » (artik jw.org)
Lò ou ké gadé sa vidéyò ké lanmizik, éséyé imajiné ou ké ou fanmi ka pran plézi viv annan paradi-a Labib-a ka promèt.
Li kouman roun moun ki té ka briga kont problèm sosyal chanjé lavi lò i anprann konnèt èspwar Labib-a ka bay pou dimen.
« Je ne pense plus devoir changer le monde » (La Tour de Garde, 1é jwiyé 2013)