AJUMTALÁB 02
An Biblia tu tólmiyal ki koʼoy i aychixtaláb
Tin puwél an tsabál waʼats yan i kʼibataláb axi in tʼajál abal an atiklábchik ka tʼeʼpin ani kin yajchiknaʼ. Walám ma tatáʼ a watʼamal jantʼoj ejtíl axéʼ, walám a kwaʼal jun i yawʼláts o a kʼibámal jun a yanél ban tsemláj. Nixéʼ in tʼajál abal ka tsalpay, ¿walám jun a kʼicháj neʼets ka taley patal jawaʼ in tʼajál ki yajchiknaʼ? Neʼets kit lej kulbéj ka exlaʼ abal an Biblia tu ólchal jantʼoj lej alabél.
1. ¿Jawaʼ játs nixéʼ xi aychixtaláb?
An Biblia tu ólchal jaleʼ ti lej waʼats i kʼibataláb. Jayej tu ólchal abal patal axéʼ neʼets ka taley, abal yab neʼets ka jilkʼon abal etsʼey. Jayej, tu ólchal abal i éjtowal ki koʼoy «jun i ejataláb más alwaʼ ani jun i aychixtaláb» (ka ajiy Jeremías 29:11, 12). Axéʼ xi aychixtaláb tu tólmiyal ki támetnaʼ jawakits tam kʼibataláb, ki atsʼaʼ kanat ani jayej tu tólmiyal ki exlaʼ abal i éjtowal ku kʼwajiy kulbél abal etsʼey.
2. ¿Jantʼiniʼ in ulal an Biblia abal neʼets ku kʼwajiy axi taʼtál a kʼicháj?
An Biblia in ulal abal axi taʼtál a kʼicháj «yabáts jitaʼ neʼets ka ukʼin kʼal i yajal, yabáts jitaʼ neʼets ka tsemets ani yabáts neʼets ka waʼtsin nibal jantʼoj axi kin tʼajaʼ abal ki yajchiknaʼ» (ka ajiy Apocalipsis 21:4). Neʼets ka taley patal axéʼ, an tsemláj, an yawʼláts, an tsʼejwantaltaláb ani yan jantʼoj más axi in tʼajál ki yajchiknaʼ. An Biblia tu ólchal abal neʼets ku kʼwajiy kulbél al jun i alabél Tsabál.
3. ¿Jantʼoj neʼets ti tólmiy abal ka belaʼ kʼal axéʼ xi aychixtaláb?
Yan i atikláb in aychal abal jun a kʼicháj ka taley patal axéʼ xi kʼibataláb, pero yab in exlál max chubax neʼets ka taley. An aychixtaláb axi tu pidhál an Biblia i éjtowal ki belaʼ abal chubax neʼets ka putun. Max chudhél chudhél ki exóbnaʼ «an tʼokat dhuchlab», neʼets ki belaʼ más kʼal axéʼ xi aychixtaláb (Hechos 17:11). Tam ka exóbnaʼ más an Biblia, ta kwetemtal neʼets ka tʼajaʼ ti kwéntaj max chubax jawaʼ in olnál.
ABAL KA EXÓBNAʼ MÁS
Ki tsuʼuw talchik i alwataláb axi an Biblia tu ólchal abal neʼets ki batsʼuw axi taʼtál a kʼicháj. Jayej ki tsuʼuw jantʼiniʼ axéʼ xi aychixtaláb kʼwajatits in tólmiyal yan i atikláb.
4. An Biblia tu ólchal abal i éjtowal ku kʼwajiy kulbél abal etsʼey al jun i alabél Tsabál
Ka tsuʼuw tejéʼ alál an aychixtaláb axi in binál an Biblia. ¿Jawaʼ a kulbetnál más ani jaleʼ?
Ka ajiychik ti Biblia an textos juʼtáj ti kaldhach axéʼ xi aychixtaláb ani ka tsálpaychik kʼal axéʼ:
-
¿Chubax tu tólmiyal axéʼchik xi textos abal ki koʼoy i aychixtaláb? ¿A kwaʼal jun a yanél o jun a jaʼúb axi walám ka tólmiyat kʼal axéʼ xi texto?
Ka tsálpay abal jun a kʼicháj neʼets ku kʼwajiy antsanáʼ:
|
NIBAL JITAʼ... |
PATAL AN ATIKLÁB... |
|---|---|
|
|
|
|
|
|
|
|
|
|
5. An aychixtaláb axi in olnál an Biblia tu tólmiyal abal ku kʼwajiy más kulbél
Patal an kʼibataláb axi waʼats in tʼajamal abal yan i atikláb kin atsʼaʼ abal yabáts waʼats i aychixtaláb ani ma u itʼixbélchik. Jayej, yan i atikláb in examal kin tsʼejkaʼ an kʼibataláb. Neʼets ki tsuʼuw abal an aychixtaláb axi in olnál an Biblia kʼwajatits in tólmiyal yan i atikláb abal kin atsʼaʼ kulbél. Ka tsuʼuwchik an VIDEO ani ka tʼilaʼchik jawaʼ a tsuʼuw:
-
Tam, ¿jantʼoj tam kʼibataláb in léʼak kin tsʼejkaʼ a Rafika?
-
¿Jantʼiniʼ ti tólmiyat kʼal an Biblia bélits abal yab in ejtow kin tsʼejkaʼ an kʼibataláb?
An aychixtaláb axi tu pidhál tu tólmiyal abal yab tu ku lej tʼeʼpindhaʼ an kʼibataláb, abal ki ejtow ki tamétnaʼ ani abal yab tu ku lej ataʼ. Ka ajiychik Proverbios 17:22 ani Romanos 12:12, ani ka tsálpaychik kʼal axéʼ:
-
¿A tsálpayal abal neʼets ti tólmiy axéʼ xi aychixtaláb axi kʼwajat ban Biblia? ¿Jaleʼ?
JAWAʼ TALCHIK IN TSÁLPAYAL: «Atsʼat kʼijidh, pero yab u exlál max chubax ka putun».
-
¿Walám exbadh ki exóbnaʼ talchik i kaw ti Biblia axi putnénekits? ¿Jaleʼ?
JAWAʼ I EXOBNÁMAL
An Biblia tu ólchal abal lej weʼits neʼets ka taley patal an yajchiktaláb axi i tsuʼtal xowé. Axéʼ tu tólmiyal abal ku kʼwajiy kulbél ani ki ejtow ki támetnaʼ jawakits tam kʼibataláb.
Ki tʼilaʼ jawaʼ i exóbnaʼ
-
¿Jaleʼ in yéjenchal an atiklábchik kin exlaʼ abal waʼats jun i aychixtaláb?
-
¿Jantʼoj tu ólchal an Biblia abal neʼets ka watʼey axi taʼtál a kʼicháj?
-
¿Jantʼiniʼ neʼets ti tólmiy xowéʼ an aychixtaláb axi in olnál an Biblia?
KA EXÓBNAʼ JANTʼOJ ÍT
Ka exóbnaʼ jantʼiniʼ tu tólmiyal an aychixtaláb axi in olnál an Biblia.
«¿Jitaʼ in éjtowal tu ku pidhaʼ i aychixtaláb?» (¡Despertad!, 22 de abril de 2004)
Ka tsuʼuw jantʼiniʼ an aychixtaláb axi in olnál an Biblia in tolmiyámal yan i atikláb axi in kwaʼal jun i yawʼláts axi yabáts neʼets ka tixkʼan.
«¿In éjtowal an Biblia tu ku tólmiy ki kuxuy jun i yawʼláts?» (Artículo axi ti jw.org)
Ka tsuʼuw axéʼ xi ajatláb ani ka tsalpay abal it kʼwajatits ban ít Tsabál kʼal a yanél.
Ka tsuʼuw jantʼiniʼ jalkʼun in ejatal jun i inik kʼal an aychixtaláb axi in olnál an Biblia.
«U exbay abal yab u éjtowal ku tsʼejkaʼ an kʼibataláb» (La Atalaya, 1 de julio de 2013)
Puede que también le interese
JAWA’ YAN I ATIKLÁB TU KONÓWIYAL
¿Jantʼiniʼ játs an exobchixtaláb axi in binál an ólchixchik kʼal a Jehová?
Kʼal an exobintaláb axi in binál an ólchixchik kʼal a Jehová, tatáʼ a éjtowal ka eyendhaʼ jawakits tam Biblia axi a kwaʼal, jayej a éjtowal ka kaniy a yanél o a jaʼúbchik ban exobintaláb ani yab kwaʼal ka jalbiy.
