EHONGWA 02
Ombeibela i tu pa omaundjiro
Ovandu ovengi mouye ve muna omauzeu nge tjita kutja ve we momiinyo, ve kare nongendo nokukara nomihihamo. Hapo ove wa rora okukara mongaro ndja tjita kutja u ute okurimuna momuano otjingewo? Rumwe u muna ouzeu mena romutjise poo mena romusuverwa woye ngwa ṱa. Mape ya o ripura omuini kutja, ‘Hapo ehupo ndi mari karira ewa?’ Ombeibela i yandja eziriro ndi ri ro kepuriro ndo.
1. Omomuano uṋe Ombeibela mu i yandja omaundjiro?
Ombeibela kai kahurura uriri kutja ongwaye ouye tji we ura nomauzeu nungwari wina i tu raera kutja omauzeu ngu tu muna kamaa ye karerere nu maye kapita moruyaveze rwopopezu. Omakwizikiro wOmbeibela maye yenene okutupa ‘omaundjiro’ noruyaveze oruwa. (Lesa Jeremia 29:11, 12.) Omakwizikiro ngo ye tu vatera okutjinda omauzeu ngu tu na wo nai, kutja tu kare noumune ouwa nokukamuna ondjoroka yaaruhe.
2. Ombeibela ya kwizika oruyaveze ndu maru kakara vi?
Ombeibela i tja moruyaveze ‘onḓiro kai tji nakukara po rukwao; noruhoze nomaririro, nomuhihamo kavi tji nakukara po rukwao.’ (Lesa Omavandururiro 21:4) Oviṋa tjimuna ousyona, ouhasemba, omitjise nonḓiro, mbi tjita kutja ovandu ave ha kara nomaundjiro, kavi nakukakara ko rukwao. Ombeibela i kwizika kutja ovandu mave yenene okukayorokera ehupo ewa kombanda yehi mOparadisa nga aruhe.
3. Hapo mo yenene vi okukurisa ongamburiro yoye momaundjiro wOmbeibela?
Ovandu ovengi ve kara nomaundjiro wokumuna oviṋa oviwa, posi yokutja kave tjiwa kutja omaundjiro wawo ngo maye yenenisiwa. Imbi Ombeibela mbi ya kwizika vya panguka. Eṱe matu yenene okukurisa ongamburiro yetu mu imbi Ombeibela mbi i honga indu tji matu “konḓonona Omatjangwa.” (Oviungura 17:11) Otja pu mo rihongo Ombeibela, mo yenene okuritoororera omuini kutja mo kara nongamburiro mu imbi mbi mai ku raere ohunga noruyaveze.
KONḒONONA OUKOTO
Konḓonona oviṋa tjiva Ombeibela mbi ya kwizika ohunga noruyaveze. Tara omuano omaundjiro wOmbeibela mu ye vatera ovandu ndino.
4. Ombeibela i kwizika omaundjiro womuinyo waaruhe mu mu hi nokukakara omauzeu
Tara komakwizikiro ngu maye kongorere mba nge ri mOmbeibela. Omakwizikiro yeṋe ngu maye ku ṱunu tjiri? Omena raye?
Lesa omatjangwa nge ri meṋe yomakwizikiro ngo, nu u ripurire komapuriro nga:
-
Hapo ove mo munu kutja omatjangwa nga maye ku pe omaundjiro? Mo munu kutja maye vatere eṱunḓu nomapanga woye okukara nomaundjiro?
Ripura aayo u ri mouye
|
MU MU HI NA UMWE . . . |
OMUNDU AUHE MU . . . |
|---|---|
|
|
|
|
|
|
|
|
|
|
5. Omakwizikiro wOmbeibela maye yenene okutupa omaundjiro
Ovandu ovengi ve rihahiza poo ve pindikisiwa i yomauzeu ngu ve muna ongondoroka na wo. Tjiva ve kondja tjinene okuyeta ondanaukiro. Tara kutja ovandu ve vaterwa vi i yomakwizikiro wOmbeibela wokutja oviṋa mavi ya kouwa. Nyanda OKAVIDIO, nu u hungirire komapuriro ngu maye kongorere mba.
-
Mokavidio nga, ouhasemba uṋe mbwa tjitwa ku Rafika?
-
Nandarire kutja ouhasemba eye mbwa muna kau zapere, Ombeibela ye mu vatera vi?
Omaundjiro Ombeibela ngu i tu pa ohunga noruyaveze, maye yenene okutuvatera kutja atu he rihahiza nu tu tjinde omauzeu nondoṋeno. Lesa Omiano 17:22 nOvaroma 12:12, nu u hungirire komapuriro nga:
-
Mo munu kutja ombuze yomaundjiro ndji ri mOmbeibela mai yenene okuyeta ouwa mehupo roye poo indee? Omena raye tji mo tja nao?
OVANDU TJIVA VE TJA: “Ouzeu okukambura momakwizikiro wOmbeibela ohunga noruyaveze.”
-
Omena raye tje ri ohepero okutjita omakonḓononeno woye omuini wOmbeibela?
OKUYARUKIRA PO OUSUPI
Ombeibela i tu pa omaundjiro nu i tu vatera kutja tu tjinde omauzeu mokutukwizikira oruyaveze ndwe ura nondjoroka.
Okurizemburukisa
-
Ongwaye ovandu tji ve hepa omaundjiro?
-
Ombeibela i tja vi ohunga noruyaveze?
-
Okukara nomaundjiro ohunga noruyaveze maku ku vatere vi nai?
RIHONGA OVINGI
Rihonga omuano omaundjiro mu maye yenene okukuvatera indu tji u ri momauzeu.
“Omaundjiro—Mo yenene okuyevaza pi?” (Penduka!, 22 ku April 2004)
Tjiwa omuano omaundjiro woruyaveze mu maye yenene okuvatera imba mbe nomitjise mbi ha veruka.
“Okuhupa nomutjise mbu ha veruka—Hapo Ombeibela mai yenene okuvatera?” (Okarupa okasupi morungovi)
Indu tji mo tarere okavidio komizumbi nga, rimuna omuini neṱunḓu roye amamu yorokere ehupo nda kwizikwa i yOmbeibela mo Paradisa ndji mai ya.
Lesa ohunga nomuano ehupo romurumendu ngwaa rwire ousemba wovandu motjiwaṋa mu ra runduruka indu tja uta okurihonga ohunga nomaundjiro woruyaveze mOmbeibela.
“Ami hi ripura okurundurura ouye rukwao” (Oruhungu, 1 ku Juli, 2013)
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
