PELAJAR 02
Bup Kudus Meri Kitai Semaya ti Manah pasal Jemah Ila
Kala nuan napi penusah? Nuan engka bisi penyakit ti balat tauka orang ti dikesayau nuan udah nadai. Nuan engka merinsa, tusah ati tauka irau. Nya alai, nuan engka nanya, ‘Kati pengidup aku seruran baka tu?’ Bup Kudus bisi saut ti amat ngelantangka ati.
1. Baka ni semaya ari Bup Kudus ulih nulung nuan?
Bup Kudus madahka kitai kebuah bisi mayuh penusah sereta madahka penusah ke ditapi nya semina enda lama, lalu deka lenyau enda lama agi. Bup Kudus madahka kitai deka bisi “pengidup enggau pengadang ke jemah ila.” (Bacha Jeremiah 29:11, 12.) Semaya dalam Bup Kudus nulung kitai napi penusah enggau mujur, ngembuan runding ti positif sereta bulih pengelantang.
2. Nama semaya Bup Kudus pasal jemah ila?
Bup Kudus besemaya, jemah ila “pemati nadai agi, nadai agi ngulit, nadai agi nyabak, nadai agi pedis, laban utai ti lama nyau nadai agi.” (Bacha Pemandang 21:4.) Nya alai, penusah ke ditapi kitai baka penyuntuk, utai ti enda lurus, penyakit sereta pemati deka nadai agi. Bup Kudus madahka kitai ulih idup belama iya ba dunya Paradais ti amat manah.
3. Baka ni kitai ulih pechaya semaya Bup Kudus deka nyadi?
Mayuh orang deka ngembuan pengidup ti manah. Tang sida enda nemu sekalika utai ti dikedekaka sida ulih dikeamatka. Tang semaya ari Bup Kudus tentu deka dikeamatka. Nama kebuah kitai ulih andalka semaya tu? Kitai diperansang ngambika “mansik Bup Kudus tiap hari.” (Surat Kereja Rasul 17:11) Nya alai, belajar meh Bup Kudus lalu peda meh kediri empu.
BELAJAR MAYUH AGI
Peresa meh semaya ari Bup Kudus lalu peda baka ni semaya ari Bup Kudus ulih nulung orang kemayaharitu.
4. Semaya ari Bup Kudus madahka kitai ulih idup belama iya sereta sempurna
Peratika semaya ari Bup Kudus tu. Ni bagi ke dikerinduka nuan? Nama kebuah?
Bacha ayat Bup Kudus ke ditulis lalu kerandauka tanya tu:
-
Kati ayat tu ulih meri penguntung ngagai nuan? Kati bala bakih sereta diri sebilik nuan tau bulih penguntung ari semaya Bup Kudus tu?
Gambarka dunya enti
|
NADAI ORANG . . . |
SEMUA ORANG . . . |
|---|---|
|
|
|
|
|
|
|
|
|
|
5. Semaya ari Bup Kudus ulih ngubah pengidup nuan
Mayuh orang asa ati sereta ringat lebuh meda utai ti jai nyadi ba dunya tu. Sekeda orang bebendar deka ngulihka pengelurus. Peratika baka ni semaya Bup Kudus ulih nulung orang diatu. Mainka VIDEO, lalu kerandauka tanya tu.
-
Nama utai ke enda lurus ke ngachau runding Rafika?
-
Taja pan agi bisi mayuh utai ke enda lurus nyadi, baka ni Bup Kudus nulung iya?
Semaya ari Bup Kudus ulih nulung kitai ngelaban asai ati ti asa sereta napi penguji enggau mujur. Bacha Jaku Dalam 17:22 enggau Rome 12:12, lalu kerandauka tanya tu:
-
Ba runding nuan kati semaya ari Bup Kudus ulih ngubah pengidup nuan diatu? Nama kebuah?
BISI ORANG MADAH: “Tusah deka arapka semaya dalam Bup Kudus.”
-
Nama kebuah beguna mansik sekalika semaya Bup Kudus amat deka nyadi tauka enda?
LANSA
Semaya Bup Kudus pasal pengidup ti ngelantangka ati jemah ila nulung kitai mujur napi penanggul diatu.
Ulang Kaji
-
Nama kebuah orang patut nemu pasal semaya Petara?
-
Nama semaya Bup Kudus pasal jemah ila?
-
Baka ni semaya Bup Kudus ulih nulung nuan diatu?
ARAM BELAJAR
Peratika baka ni semaya pasal utai ke deka nyadi jemah ila ulih nulung nuan napi penanggul.
“Dini Nuan Ulih Tetemuka Semaya ti Manah Pasal Jemah Ila?” (Peratika!, 22 April 2004)
Peratika baka ni semaya pasal jemah ila ulih nulung orang ke bisi penyakit ti balat.
“Kati Bup Kudus Ulih Nulung Nuan Lebuh Napi Penyakit ti Raya?” (Artikel ba laman web jw.org)
Lebuh meda video musik tu, gambarka nuan enggau diri sebilik diau ba dunya Paradais ke disemaya dalam Bup Kudus.
Bacha baka ni pengidup seiku pekereja sosial berubah pengudah belajar pasal semaya ari Bup Kudus.
“Aku Enda Agi Ngasaika Diri Patut Ngubah Dunya” (Menara Jaga, 1 Julai 2013)
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
