TOLUMỌYE 02
Bible Ukiemọye Akị Kịmị Pịrị Mịnị
Akpọ bọọ yọmọsẹ, kịmịama mịẹ bolouịmbẹlẹgha, kpekekpeke, bá dọọn naá emi yeama emi. Bei timitimi ye ị́ kpọ paamọ dọ a? Kanghaba ị́mịnị dọọn emi, anịghakpọ iné tarị weri emi bọ fịị kpọ paa emi. Bei paa yemọ ị́ mịẹ angọ bii a paa emi, ‘Bei akpọ mị kẹnị erein ebi wó pịrị mịnị?’ Bible bolou bị kịmị kụrọmọ paraịbịbịama emi.
1. Bible te ukiemọye ka kị wó pịrị ma o?
Bible bei yemọ paa mịnị tuu gbaa weri emi má alaghatimi Ọkpọnanaowei mị bụụdọọn yemọsẹ seri siin mụ bara kpọ gbaa weri emi. Bible kii koromọ weri emi yebo “bọlọụ bọọ ebi ukiemọye” akị wó pịrị a paa emi. (Jeremiah 29:11, 12 goo.) Bei kii koromọ weri emi yebo baratụa wó pịrị wẹrị bụụdọọnye bolou k’emi kpọ, ukiemọye nana, má bolouịmbẹlẹ a paa emi.
2. Bọlọụ mị tebara kị timi mịnị bara kị Bible mọ gbaa ma o?
Bible gbaa amọ bei bọlọụ mị “fịị má timigha fa, eneni kọrị, you má dọọn kpọ timigha fa.” (Revelation 21:4 goo.) Bei tịẹkiri bọọ wó laa mịnị bụụdọọn yemọ—ingo, kịrịịgha inyenrinbụọ, dọọn, má fịị kpọ—bá timigha fa. Bible gbaa amọ bei kiriogbo bị Paradịsị kị paa wẹrị kịmị-awọụ pịrị inyenrintimi bẹseri bẹseri laa mụ bara kị gbaa mị.
3. Teeki baratụa ị́ pịrị wẹrị peibolou akị Bible kii koromọ dẹ yebo a tụa mịnị a o?
Biin kịmịama ebi yeama paa a pịrị mịnị bara kị iroro weri emi, anịa anị tọn bara paagha. Bible kii koromọ yebo bịsa bara fa. “Ebibara akị Bible egberibo diitụa” emi ifiesẹ, baratụa wó pịrị peibolou akị kii koromọ yebo a tụa mịnị. (Acts 17:11) Bible ị́ mọ tolumọ emi bị, ị́ kịrị kii koromọ dẹ yebo peimụ yọbị, tọn angọ pịrị mịnị.
EBIBARA TUUDỌỤ
Bible bei bọlọụ bọọ kii koromọ weri emi yemọ wó bẹẹ diitụa. Bible bei tịẹkiri kpọ ukiemọye akị kịmịama pịrị mịnị bara bị dii.
4. Bible gbaa amọ omịnị kẹnị bụụdọọnye kpọ fa akpọ a inyenrintimi bẹseri bẹseri laa mịnị
Wẹrị Bible zụa kii koromọ weri emi yeama dii. Te kii koromọ ye ki iné adụdụ gbele dẹịn ma? Tetuu o?
Kii koromọ weri emi yebo gbelemọ Bible yọbo goo dá, mị biibịbị paraị:
-
Mị Bible goo yọbo ukiemọye akị ị́ pịrị mịnị bara ị́ mọ tọn ma? Ukiemọye akị iné warịbolou bá ikieotu pịrị a paa emi?
Bei timitimi akpọ iroro dii
|
KẸNỊBỌ KPỌ . . . |
KỊMỊSẸ . . . |
|---|---|
|
|
|
|
|
|
|
|
|
|
5. Bible ukiemọye mị baratụa ị́ pịrị a paa emi
Akpọ bọọ emi bụụdọọnyebo biin kịmịama mịẹ boloukọọn mịnị. Zụa kịmịama ịmbalịị akpọ dei dọụ mịnị. Wẹrị Bible kii koromọ yebo bei tịẹkiri bi baratụa kịmịama pịrị mịnị bara dii. VIDIO farị dá, kirianga bọọ emi biibịbịmọ kẹrị ẹrẹtei.
-
Vidio mị, te kịrịịgha ye ki Rafika ghọ bụụdọọn ma?
-
Kịrịịgha inyenrin bi fagha kpọ, Bible tebara ka kị baratụa a pịrị ma?
Bible kii koromọ dẹ yebo baratụa wó pịrị, wó bụụdọọn yemọ dẹịnmọ wẹrị bolouịmbẹlẹ a paa emi. Proverbs 17:22 mọ Romans 12:12 mọ goo dá, mị biibịbịmọ kẹrị ẹrẹtei:
-
Bible bọọ emi ukiemọye bị iné ụndụ mịẹ ebi dẹịn a paa emi bara ị́ mọ tọn mị? Tetuu a?
ZỤA KỊMỊAMA GBAA MỊNỊ: “Bible kii koromọ weri emi yebo ebi bụọ emi duonị, laa paagha fa.”
-
Tetuu ki duonị, ị́ kpọ tuu dọụ agbẹị emi a?
KỊLỌỌBARA
Bible akị wó pịrị ebi ukiemọyebo baratụa wó pịrị bụụdọọn yeama dẹịnmọ mịnị.
Waị diitụa
-
Kịmịama tetuu ki duonị ukiemọye dọụ emi a o?
-
Mị bọlọụ bị tebara kị timi mịnị bara kị Bible mọ gbaa ma o?
-
Ukiemọye tebara ka kị mị tịẹkiri bọọ baratụa ị́ pịrị mịnị a o?
DIITỤA
Ukiemọye yelaa emi bara mị tolumọ.
Mị bọlọụ bọọ ukiemọye mị baratụa akị kụrọ dọọn nana wẹrị emi otumọ pịrị mịnị bara dọụ ẹrị.
“Living With Chronic Illness—Can the Bible Help?” (Web article)
Vidio farịye mị ị́ mọ dii mịnị bi, ị́ mọ iné warịotubo mọ kii koromọ dẹ Ayaọkpọ bọọ inyenrin mịnị bara iroro dii.
Bible kii koromọ wẹrị emi ukiemọye mị Gometi dei dọụ timi-owei ụndụ dei mị bịsa egberi goo.
“I No Longer Feel That I Have to Change the World” (The Watchtower, July 1, 2013)
