OSHILESHWA 02
Ombiibeli oya udaneka onakwiiwa itunhula
Ovanhu mounyuni aushe otave lididimikile omaupyakadi oo hae va nyemateke, hae va etele oisho nouyahame. Mbela naave owa li monghalo oyo ye ku ningifa u kale u udite ngaho? Otashi dulika to mono oixuna omolwouyahame, ile omolwefyo laumwe oo u hole. Ile tashi dulika to lipula kutya, ‘Mbela onghalamwenyo onai ka xwepopale ngoo?’ Ombiibeli otai yandje enyamukulo tali mbilipaleke kepulo olo.
1. Ombiibeli otai tu kwafele tu kale tu na eteelelo lilipi li na sha nonakwiiwa?
Ombiibeli inai yelifa ashike kutya omolwashike ounyuni u yadi omaupyakadi, ndele oi na yo onghundana iwa kutya mafiku omaupyakadi oo otaa ka xulifwa po filufilu. Oya udaneka “efimbo lokomesho pamwe neteelelo liwa.” (Lesha Jeremia 29:11, 12.) Omaudaneko oo otae tu kwafele tu ungaunge nomaupyakadi oo hatu shakeneke paife, tu kale tu na etaleko liwa notu mone ehafo tali kalelele.
2. Ombiibeli oya udaneka onakwiiwa ya tya ngahelipi?
Oya popya kutya monakwiiwa, ‘efyo itali ka kala po vali, ile oluhodi, okulila nouyahame itau ka kala po vali.’ (Lesha Ehololo 21:4.) Omaupyakadi aeshe oo haa ningifa ovanhu vaha kale ve na eteelelo, ngaashi oluhepo, okuhenouyuki, omikifi nosho yo efyo, itaa ka kala po vali. Ombiibeli oya udaneka kutya ovanhu otava ka hafela onghalamwenyo fiyo alushe mOparadisa kombada yedu.
3. Ongahelipi to dulu okukala noushili kutya omaudaneko Ombiibeli otaa ka wanifwa?
Ovanhu vahapu ohava kala va teelela oinima iwa i ningwe, ashike ihava kala ve na oushili ngeenge onai ka ningwe ngoo. Ndele Ombiibeli oya udaneka oinima oyo tai ka ningwa shili. Ohatu dulu okulineekela osho ya popya, ngeenge otwa ‘konakona omishangwa noukeka.’ (Oilonga 17:11) Eshi to konakona Ombiibeli, oto ka dula okutokola ove mwene ngeenge oto ka itavela ngoo osho ya popya kombinga yonakwiiwa.
KONAKONA MOULE
Konakona osho Ombiibeli ya udaneka shi na sha nonakwiiwa. Tala nghee eteelelo olo Ombiibeli ya udaneka tali kwafele ovanhu kunena.
4. Ombiibeli oya udaneka kutya ohatu dulu okukala nomwenyo fiyo alushe nopehe na oupyakadi washa
Natu tale omusholondodo womaudaneko oo taa hangwa mOmbiibeli. Mbela elipipo e ku kuma unene, nomolwashike?
Lesha omishangwa odo di li peudaneko keshe, ndele tamu kundafana omapulo taa shikula:
-
Mbela oto diladila kutya omishangwa edi otadi dulu oku ku etela ouwa? Mbela otadi dulu okweetela oukwaneumbo weni, ile ookaume koye ouwa?
Diladila nee ngeno u li mounyuni
|
OMO ITAMU KA KALA . . . |
OVANHU AVESHE . . . |
|---|---|
|
|
|
|
|
|
|
|
|
|
5. Omaudaneko Ombiibeli otaa dulu okulundulula onghalamwenyo yomunhu
Ovanhu vahapu ova teka omukumo nova nyematekwa komaupyakadi oo ve li muo. Vamwe ohava ningi eenghendabala da mana mo opo va xwepopaleke eenghalo. Tala nghee osho Ombiibeli ya udaneka kombinga yaashi eenghalo tadi ka xwepopala tashi kwafele ovanhu paife. Dana OKAVIDIO, ndele tamu kundafana omapulo taa shikula.
-
Ngaashi twa mona mokavidio, Rafika okwa li a ningilwa okuhenouyuki kwoludi lilipi?
-
Nonande okuhenouyuki oko a li a ningilwa kakwa li kwa kandulwa po, ongahelipi Ombiibeli ye mu kwafela?
Eteelelo li na sha nonakwiiwa, oyo ya udanekwa mOmbiibeli, otali dulu oku tu kwafela tu kondjife etekomukumo keshe notu ungaunge nomaupyakadi nomupondo. Lesha Omayeletumbulo 17:22; Ovaroma 12:12, ndele tamu kundafana omapulo taa shikula:
-
Mbela oto diladila kutya etumwalaka leteelelo olo tali hangwa mOmbiibeli otali dulu okulundulula onghalamwenyo yoye paife? Omolwashike to tile ngaho?
VAMWE OHAVA TI: “Osho Ombiibeli ya udaneka kombinga yonakwiiwa kashi fi shoshili.”
-
Mbela omolwashike sha fimana okukonakona oumbangi kombinga yaasho ove mwene?
ENGONGO
MOmbiibeli omu na omaudaneko mahapu e na sha nonakwiiwa itunhula, naasho oshe tu kwafela tu lididimikile omaudjuu, she tu pa eteelelo, nosha xwepopaleka onghalamwenyo yetu paife.
Eendululo
-
Omolwashike ovanhu va pumbwa okushiiva kombinga yomaudaneko aKalunga?
-
Ombiibeli oya popya shike shi na sha nonakwiiwa?
-
Ongahelipi okukala neteelelo li na sha nonakwiiwa taku dulu oku ku kwafela paife?
TALA OUYELELE WA WEDWA PO
Lihonga nghee okukala neteelelo taku dulu oku ku kwafela ngeenge u li momaupyakadi.
“Openi to dulu okumona eteelelo?” (Kala oupafi!, 22 Aprili 2004)
Tala nghee okukala neteelelo li na sha nonakwiiwa sha kwafela ovo ve na omikifi da kwata moiti.
Eshi to tale omusika ei i li molupe lokavidio, kala nee ngeno wa fa u liwete u li pamwe noukwaneumbo woye tamu hafele onghalamwenyo mOparadisa oyo ya udanekwa kOmbiibeli.
Tala nghee Ombiibeli ya lundulula onghalamwenyo yomulumenhu umwe.
“Paife kandi udite vali kutya ondi na okuninga omalunduluko mounyuni” (Oshungonangelo, 1 Juli 2013)
Otashi dulika yo u hafele oikundafanwa ei
OMAPULO OO HAA PULWA LUHAPU
Ekonakonombiibeli olo hali ningwa kEendombwedi daJehova oshike?
Peenghundafana doshali odo hadi ningwa kEendombwedi daJehova, oto dulu okulongifa etoloko lOmbiibeli keshe. Owa manguluka okushiva oukwaneumbo weni aushe, ile keshe umwe oo wa hala a kale po.
