2-ساباق
كيەلى كىتاپ نۇرلى ٷمىت سيلايدى
دۇنيەنىڭ قاي بولىگىندە تۇرماسىن، ادامدار ٵرتۇرلى قيىندىقتاردىڭ كەسىرىنەن قايعىرىپ، ۋايىمعا سالىنىپ، ٴتىپتى دەرتكە شالدىعىپ جاتادى. وسىنداي جاعداي ٴسىزدىڭ دە باسىڭىزعا تۇسكەن بە؟ مۇمكىن، ٴسىز اۋرۋدان نەمەسە جاقىن ادامىڭىز قايتىس بولعاندىقتان قينالىپ جۇرگەن شىعارسىز. سوندايدا سىزدە «ٶمىرىمىز جاقسارا ما ٶزى؟» دەگەن سۇراق تۋار. بۇل سۇراققا كيەلى جازبالاردا كوڭىلگە جۇبانىش بەرەتىن جاۋاپ بار.
1. كيەلى جازبالاردىڭ بەرەر ٷمىتى قانداي؟
كيەلى جازبالار ادامزاتتىڭ قيىندىقتان نەگە كوز اشپاي جاتقانىن تۇسىندىرەدى. سونداي-اق ونىڭ بىزگە ايتار جاقسى حابارى دا بار: جاقىندا وسى قيىنشىلىقتار اتىمەن بولمايدى. كيەلى جازبالارداعى ۋادەلەر سىزگە «جارقىن بولاشاق پەن ٷمىت سيلايدى» (ەرەميا 29:11، 12 وقىڭىز). بۇل ۋادەلەر بىزگە قازىرگى قيىندىقتاردى ەڭسەرۋگە، ومىرگە جاقسى كوزقاراسپەن قاراۋعا جانە ماڭگى تاۋسىلماس باقىتقا قول جەتكىزۋگە كومەكتەسەدى.
2. كيەلى جازبالار قانداي بولاشاقتى ۋادە ەتەدى؟
كيەلى جازبالار «ەندى قايتىپ ٶلىم، جوقتاۋ، زاڭ ەڭىرەۋ مەن اۋرۋ بولمايتىن» زامان كەلەدى دەپ ۋادە ەتەدى (ايان 21:4 وقىڭىز). سول كەزدە ادامنىڭ ٷمىتىن سوندىرەتىن كەدەيلىك، ادىلەتسىزدىك، اۋرۋ مەن ٶلىم سياقتى قيىندىقتار بولمايدى. ادامدار جەر بەتىندە ورنايتىن جۇماقتا ماڭگى جاساپ، ٶمىردىڭ راقاتىن كورەدى.
3. كيەلى جازبالارداعى ۋادهلهردىڭ ورىندالاتىنىنا قالاي كوز جەتكىزۋگه بولادی؟
كوپ ادام الدان جاقسىلىق كۇتەدى، ٴبىراق ۇمىتتەرى اقتالاتىنىنا سەنىمسىز. ال كيەلى جازبالارداعى ۋادەلەر ٴسوزسىز ورىندالادى. مۇنىڭ راستىعىنا كوز جەتكىزۋ ٷشىن «جازبالاردى مۇقيات زەرتتەسەك بولادى» (ەلشىلەردىڭ ىستەرى 17:11). كيەلى جازبالاردى وقىپ-زەرتتەپ جاتقاندا، بولاشاققا قاتىستى ۋادەلەرىنە سەنۋگە بولا ما، جوق پا — سونى ٶزىڭىز ٷشىن انىقتاي الاسىز.
تەرەڭىرەك ٷڭىلىڭىز
كيەلى جازبالارداعى بولاشاققا قاتىستى كەيبىر ۋادەلەردى قاراستىرايىق. ونداعى ٷمىت بۇگىندە ادامدارعا قالاي كومەكتەسىپ جاتقانىن كورەيىك.
4. مامىراجاي زاماندا ماڭگى جاسايمىز
كيەلى جازبالارداعى ۋادەلەردىڭ كەيبىرى تومەندە كەلتىرىلگەن. وقىپ، تانىسىپ كورىڭىز. سىزگە قايسىسى اسىرەسە ۇنادى؟ نەگە؟
ۋادەلەردىڭ قاسىنداعى تارماقتاردى وقىپ، مىنا سۇراقتاردى تالقىلاڭىزدار:
-
بۇل تارماقتار سىزگە ٷمىت سيلاي ما؟ ٴسىزدىڭ ويىڭىزشا، وسى سوزدەر وتباسىڭىزعا جانە دوستارىڭىزعا دا ٷمىت بەرە مە؟
مىناداي دۇنيەدە ٶمىر ٴسۇرىپ جاتقانىڭىزدى ەلەستەتىڭىزشى:
|
ەشكىم... |
ٵربىر ادام... |
|---|---|
|
|
|
|
|
|
|
|
|
|
5. قۇداي سوزىندەگى ٷمىت العا جەتەلەيدى
اينالاسىنداعى قيىندىقتاردى كورگەندە، كوپ ادامنىڭ ەڭسەسى ٴتۇسىپ، ٴتىپتى ىزاسى كەلەدى. ال كەيبىرەۋلەر جاعدايدى جاقسارتۋ ٷشىن بارىن سالىپ كۇرەسەدى. كيەلى جازبالارداعى ٷمىت سيلايتىن ۋادەلەر ادامدارعا قازىر قالاي كومەكتەسىپ جاتقانىن ٴبىلىڭىز. بەينەروليكتى كورىپ، كەلەسى سۇراقتاردى تالقىلاڭىزدار:
-
بەينەروليكتە قانداي ادىلەتسىزدىك رافيكانىڭ جانىنا باتتى؟
-
بۇل ادىلەتسىزدىك جويىلماسا دا، كيەلى كىتاپ وعان قالاي كومەكتەستى؟
قۇداي سوزىندەگى بولاشاققا دەگەن ٷمىت بىزگە كوڭىلىمىزدى تۇسىرمەۋگە جانە قيىندىققا مويىماۋعا كومەكتەسەدى. ناقىل سوزدەر 17:22 مەن ريمدىكتەرگە 12:12 وقىپ، مىنا سۇراقتاردى تالقىلاڭىزدار:
-
كيەلى جازبالارداعى ٷمىت بەرەتىن سوزدەر ٶمىرىڭىزدى قازىر جاقسارتا الا ما؟ نەگە؟
كەيبىرەۋلەردىڭ ايتاتىنى: «كيەلى كىتاپتاعى ۋادەلەر ەرتەگى سياقتى ەستىلەدى ەكەن».
-
كيەلى كىتاپتاعى ۋادەلەردىڭ ورىندالاتىنىنا دالەل ىزدەۋ نەگە ماڭىزدى دەپ ويلايسىز؟
تۇيىندەمە
كيەلى جازبالار بولاشاعىمىز جارقىن بولادى دەپ ۋادە ەتەدى. بۇل بىزگە العا ۇمىتپەن قاراۋعا، قيىندىقتارعا توتەپ بەرۋگە كومەكتەسەدى.
قايتالاۋ
-
نەگە ادامدار ۇمىتكە ٴزارۋ؟
-
كيەلى جازبالاردا بولاشاق جايلى نە ايتىلعان؟
-
بولاشاققا ٷمىتىڭىز بار بولسا، بۇل سىزگە قازىر قالاي كومەكتەسەدى؟
قوسىمشا ىزدەنىڭىز
ۇمىتتىڭ كۇشى جايلى وقىپ كورىڭىز.
«ٷمىتتى قايدان تاپسا بولادى؟» («ويانىڭدار!» (حانزۇشا)، 22-ٴساۋىر، 2004)
بولاشاققا دەگەن ٷمىت سوزىلمالى دەرتكە شالدىققاندارعا قالاي دەمەۋ بولاتىنىن ٴبىلىڭىز.
«سوزىلمالى اۋرۋدىڭ كەزىندە كيەلى كىتاپتىڭ كومەگى بار ما؟» (jw.org تور بەكەتىندەگى ماقالا)
مىنا بەينەباياندى تاماشالاعان كەزدە، ٶزىڭىزدىڭ جانە وتباسىڭىزدىڭ كيەلى كىتاپ ۋادە ەتكەن جۇماقتا ٶمىر ٴسۇرىپ جۇرگەنىن ەلەستەتىڭىز.
كيەلى كىتاپتاعى بولاشاققا قاتىستى ٷمىت جايلى بىلگەندە، قوعامنىڭ بەلسەندى مۇشەسى بولعان ٴبىر ادامنىڭ ٶمىرى قالاي وزگەرگەنىن وقىپ كورىڭىز.
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
