MURU 02
Baibulo Linonikami-a Kaana Idedi-edo
Athu vailambo yetene kanogumana na mavuto anayo kanaapangi-a ira kakumudwenga, kumbanya koma teto vwa voreya. Kodi nanyen’ne moogumanavo na vuto lelo laupangi-ileni vivwa eeni? Kapena vano munaabulela kapena muthu unoyo mwamuomeluwana nyo ootatiya. Mwina nyo munovifuka ira, ‘Koma vyongo vinoza vikale teto pama?’ Baibulo linosomeda mo-inda murima yofuka inela.
1. Kodi Baibulo linanikami-a avi kaana idedi-edo?
Baibulo kalinakeda sambaula chifukwa iwa vailambwela vali mavuto oinjiva eeni, koma linoniwandela uthenga wapama woi chinene veva mavuto etene anala kanoza kamale. Vyevyo Baibulo linalonjezaathu vinokoza nikami-a kaana “idedi-edo yapama koma teto sogolo lapama.” (Welengani Yeremiya 29:11, 12.) Vyevi vinonikami-a ira niwandenga vilela mavuto, nionenga vyongo mofwanelela koma teto ira nize nikale osangalala mpakana walewale.
2. Kodi Baibulo linasambaula ira usogolowu unaza uireye n’ni?
Baibulo linaonga ira usogolowu “khwa kunaza ukalawo. Kunaza ukala teto ula, kapena dumbela, ngakale voreya.” (Welengani Chivumbuluso 21:4.) Mavuto anayo ninagumanana iyo malambwano monga sauwa, vyongo vyookana chilungamo, marenda koma teto khwa kavinaza vikalawo. Baibulo linonilonjeza ira athu kanoza kakaena moyo oomala m’Paradaizo vailambo yavatila.
3. Kodi nyo munaire avi ira muroromelenga vinjinji vyevyo Baibulo linalonjezaathu?
Athu anjinji kanofuna vyongo vyapama vyangaireile, koma katinaroromela na murima wetene ira vinoza viireye. Koma vyevyo Baibulo linalonjezaathu pivyo-iyana na vyevyo. Ninokoza roromela vinjinji vyevyo Baibulo linaongaathu akala ninaesaesa “saela malemba mosamala.” (Vyoira 17:11) Mwafunjedanga Baibulo, munoza muiziwe vyevyo linaongaathu vyokuza usogolo. Ndiye vili na nyo viroromela kapena ooviroromela.
FUNJEDANI VYOWENJEDELEYA
Saelani vyongo vimo-i viwa vyevyo Baibulo linalonjezaathu vyokuza usogolo koma teto onani mwemo idedi-edo yoromoliwa m’Baibulo inakami-edelaathu athu malambwano.
4. Baibulo linonilonjeza moyo oomala koma teto wangwilo
Kaonani malonjezo o-arelala anayo kanafwanyeya m’Baibulo. Kodi mbamalonjezo aavi anayo kausangalasileni vinjinji? Nanga chifukwa n’ni munaonga eeno?
Welengani malemba anayo kali valonjezo lililetene, era eeno tapanyani vyofuka vyo-arelavi:
-
Kodi malemba anala kanouva-ani idedi-edo? Nanga kanokoza kami-a muthu m’mo-iwa wambanja linyu kapena afwinyu kaana idedi-edo?
Kaganizelani mungali muilambo ineyo
|
KALIVO ULIWETENE UNOYO . . . |
MUTHU ULIWETENE UNOZA AKAENA MWAI . . . |
|---|---|
|
|
|
|
|
|
|
|
|
|
5. Malonjezo a m’Baibulo kanokoza ukami-ani vathawiila
Athu anjinji kanokumudwa koma teto lunduwa kaona mavuto anayo kali muilambwela. Athu amo-iwa kanoesaesa vazela ufulu ira vyongo vichenje. Onani mwemo malonjezo a m’Baibulo oyi vyongo vinoza vichenje kanakami-edelaathu athu malambwano. Onelani VIDIYO, era eeno tapanyani vyofuka vyo-arelavi.
-
Muvidiywela, kodi pivyongo vyiivi vyookana chilungamo vyevyo vyamutakalela vinjinji Rafika?
-
Ngakale ira vyongo vyookana chilungamovyo kavyachenjile, kodi Baibulo lamukami-ile avi?
Vyevyo Baibulo linanilonjezaathu vinonikami-a kaana idedi-edo yapama koma teto nino-iya kumudwa vilelanga mavuto anayo ninagumanana iyo. Welengani Miyambo 17:22 na Aroma 12:12, era eeno tapanyani vyofuka vyo-arelavi:
-
Kodi munaganiza ira uthenga waidedi-edo ofwanyeya m’Baibulo unokoza ukami-ani vamoywinyu malambwano? Chifukwa n’ni munaonga eeno?
ATHU AMO-IWA KANAONGA IRA: “Vyevyo Baibulo linalonjezaathu pivyapama vinjinji, koma kavinaza viireya.”
-
Chifukwa n’ni munafuneela saela umboni woi vyevyo Baibulo linalonjezaathu vinoza viireye?
VYEVYO NIFUNJEDILE IYO
Baibulo linonikami-a kaana idedi-edo koma teto linonilonjeza ira ninoza nisangalalenga usogolowu. Vyevi vinonikami-a ira nivilelenga mavuto anayo ninagumanana iyo malambwano.
Vyofuka Vyoweli-eda
-
Chifukwa n’ni athu kanafuneela kaana idedi-edo?
-
Kodi Baibulo linaonga ira usogolowu unaza uireya n’ni?
-
Kodi kaana idedi-edo unanikami-e avi malambwano?
ONANI VIMO-I
Onani mwemo idedi-edo inaukami-edeleniathu mwakala vamavuto.
“Kodi chiyembekezo Mungachipeze Kuti?” (Galamukani!, April 22, 2004)
Onani mwemo embekezela vyongo vyapama vyausogolo unakami-edeleathu athu anayo kanabulela.
“Kodi Baibulo Lingandithandize Kupirira Matenda?” (Khani yavawebusaiti)
Mwaonelanga vidiywela, muganizelenga mwemo nyo limo-i na banja linyu munaze nyo musangalalenga na moyo m’Paradaizo unoyo Baibulo lalonjezileathu.
Onani mwemo muthu m’mo-iwa unoyo avazela ufulu wa athu na vinyama mwachenjele liye moywaye angafunjedile vyevyo Baibulo linalonjezaathu vyokuza usogolo.
“Panopa Ndilibenso Maganizo Ofuna Kusintha Zinthu M’dzikoli” (Nsanja ya Olonda, July 1, 2013)
