ISAMBILILO 02
Baibolo Ilatulengesha Ukuba ne Bucetekelo.
Abantunshi mu calo conse balukupita mu makatasho aalekene-lekene. Amakatasho akube’fi, alabalengesho’kuba ababombomene, ukuba ne malangulushi ne kusomenwa makosa ku mutima. Kani kwalipo ifyamucitikilenipo mu mekalilo enu, ifyalengeshe mumfwe koti nififi twalabilapo? Cipale mulukukatashiwa pakuti pa bulwashi neli umuntu uumutemenwe alifwile. Mungalipusha’ti, ‘Kani kukabapo impindi ili amakatasho akashila?’ Ifi Baibolo yasuka ici cakwipusha fingamusangalasheni.
1. Kani Baibolo ingatulengesha shani ukuba ne bucetekelo?
Baibolo, taibuulishishapo lukoso umulandu mu calo mubelele amakatasho, sombi ilabuulishisha ne kweba’ti aya amakatasho akashila bukumo. Ifi Baibolo ilaya filatulengesha ukuba ‘ne butende kabili ne bucetekelo.’ (Pendeni Jelemiya 29:11, 12.) Iyi imilayi, ilatofwako ukuba abakosele kabili abasangalele nangaba’ti tulukupita mu makatasho.
2. Mekalilo akuba shani Baibolo itulaile kuntangiile?
Baibolo ilabuulishisha’ti ku mpindi ya kuntangiile, “tapakalukuli imfwa libili, neli ninsoni, neli kulila neli kusomenwa konse, tau.” (Pendeni Ukufisulula 21:4.) Amakatasho balukupitamo abantunshi pali bubuno bukumo, aalikoti kupenga, umusalululo, amalwashi ne mfwa, akashila. Baibolo ililaile’ti abantunshi bakalitemwesha ukwikala umuyayaya mu Paladaiso pa calo.
3. Kani mungakosha shani ubucetekelo bwenu muli fyefyo Baibolo ilaile?
Abantu abakuti ubwingi balapengela ifiweme mu mekalilo abo. Nangabe’fyo, balakanika kani ifi bapengela fikakonshiwa. Pano ifi Baibolo ilaile fikakonshiwa. Tungakosha ubucetekelo bwesu muli fyefyo ilabila ‘ili tulukusalaala amalembo.’ (Ifyacitilwe 17:11) Ili mulukusambilila Baibolo, mukasalululapo mwebene kani kusumina ifi ilabila pali fyefyo ifintu fikaba kuntangiile neli koku.
SAMBILILENI IFINGI
Boneni ifi Baibolo ilabila pali fyefyo ifintu fikaba kuntangiile. Nakabili, boneni ifi iyi imilayi ilukofwako abantu pali bubuno bukumo.
4. Baibolo ilitulaile umweo wa muyayaya ukwakubulo’kupenga
Mu Baibolo muli imilayi koti ni iyi iilembelwe panshi apa. Kani ni isa mwatemwapo makosa? Nindo?
Pendeni amalembo aali pali iiyi imilayi ne kwambaala ifyakwipushe’fi:
-
Kani aya amalembo, angamulengesheni ukuba ne bucetekelo? Kani mulukubona’ti angalengesha icisoolo eli ne fibusa fyenu ukuba ne bucetekelo?
Alakanyeni ukulukuli mucalo
|
UMU TAPALIPO UMUNTU . . . |
UMU ABANTU BONSE LUKOSO . . . |
|---|---|
|
|
|
|
|
|
|
|
|
|
5. Ifi Baibolo itulaile fingaalula ifi tubona ifintu
Abantu abakuti ubwingi balabombomana ne kufiitwa pakuti pa makatasho amu calo. Ici cilalengesha abantu ukupyunga makosa pakweba’ti baaluleko ifintu. Baibolo ililaile ukweba’ti ifintu fikawama kuntangiile. Boneni ifi ukwishibe’fi kofwako abantu buno bukumo. Tambeni VIDYO, eli ne kwambaala ifyakwipushe’fi.
-
Koti ni fyefyo twatamba muli vidyo, findo fyalengeshe ba Rafika ukufiitwa?
-
Kani Baibolo yalibofweleko shani nangaba’ti ifyabalengeshe ukufiitwa tafyashililepo?
Ukucetekela ifi Baibolo ilabila pa fikacitika kuntangiile, kulatofwako ukuba abakosele ili tulukupita mu makatasho. Pendeni Ifishimpi 17:22 na AbaLoma 12:12, eli ne kwambaala ifyakwipushe’fi:
-
Kani mulukulanguluka’ti ifi Baibolo ilaile fingamofweniko mu mekalilo enu? Nindo mwalabilile’fyo?
BAMBI BALALABILA ATI: “Ifi Baibolo ilabila pa fikacitika kuntangiile, fyakwalakanya lukoso.”
-
Nindo cicindamine kuli mwebo ukusalaala bucine bwakweba’ti ifi Baibolo ilaile fikakonshiwa?
IFI MWASAMBILILA
Mu Baibolo muli imilayi iibuulishisha ifi ifintu fikawama kuntangiile. Iyi imilayi ilatulengesho’kuba ne bucetekelo ne kuba abasangalele na pali ino mpindi.
Kani Munganuka?
-
Nindo abantu belelwe ukwishibila ifi baLesa balaile?
-
Findo Baibolo ilabilapo pali fyefyo ifintu fikaba kuntangiile?
-
Kani ukwishiba ifi Baibolo ilabila pali fyefyo ifintu fikaba kuntangiile kungamofweniko shani?
ISHIBILENIPO NA FIMBI
Sambilileni ifi ukuba ne bucetekelo kungamofweniko ili mulukupita mu makatasho.
“Findo Fingamofweniko Ukuba ne Bucetekelo?” (Kamulaba!, April 22, 2004)
Pendeni pali fyefyo ukuba ne bucetekelo bwakweba’ti ifintu fikawama kuntangiile kungofwako abali ne malwashi aatapolapo.
“Kani Baibolo Ingofwako Shani Abali ne Bulwashi Ubutabupolapo?” (Ilyashi lya pa jw.org)
Ili mulukutamba iyi vidyo ya lwimbo, mulukwalakanya ati mulukulitemwesha amekalilo aaweme ne cisoolo cenu mu Paladaiso yeyo Baibolo itulaile.
Pendeni ifi umuntu uwalukufwaya ukwalula ifintu mu calo aalukile ili asambilile ifi Baibolo ilabila pali fyefyo ifintu fikaba kuntangiile.
“Pano Ndishi ati Tekuti Ngalulepo Ifintu.” (Akatambo ka Wakulama, July 1, 2013)
Cipale Mungapendako Nafifi:
IFYAKWIPUSHA IFIPUSHIWA MAKOSA
Kani Isambililo lya Baibolo Cindo?
Boneni ifyasuko pa lwe sambililo lya Baibolo ilya pa lukoso.
