CIIYO 02
Baibo Ilatushomesha Buumi Bubotu Kunembo
Bantu nsengwe yoonse baleenda mumapensho abapa kulisukama alimwi akuba abuumba. Sa mwakeendaawo kale mubukaalo bwakamupa kulisukama alimwi akuba abuumba? Mpashi mulicite buumba ceebo cakuciswa na kufwitwa muntu umwi ngomusuni. Aboobo inga mwaliipusha ayi, ‘Sa shintu shilaakubawo kabotu mubuumi?’ Baibo ilapa cikumbulo ciyuminisha kumwiipusho uyu.
1. Ino Baibo ilaamba nshi sheenga shatupa kulangila?
Baibo tayaambibo mucishi ncomubetele mapensho aanji, sombi ilaamba apamakani abotu akwaamba ayi mapensho aya nga pakaciindi kaniini alimwi alaakumana coonono. Shishomesho shamu Baibo inga shamucafwa ‘kulangila buumi bubotu kunembo.’ (Amubelenge Jelemiya 29:11, 12.) Shishomesho isho inga shatucafwa kuliyumya mumapensho ngotutokwiindaamo pacecino ciindi, kubona shintu munshila yeelete, alimwi akucana lusangalalo lwancinencine.
2. Ino Baibo ilashomesha ayi buumi bulaakuba buyani kunembo?
Baibo ilaamba ayi kunembo “lufu teshi lukabeeko alimwi, teshi kukabe buumba, kulila nabi kunyumfwa kucisa.” (Amubelenge Ciyubululo 21:4.) Mapensho apa bantu kupenga pacecino ciindi mbuli—nsala, kulyatililwa, kuciswa alimwi alufu—alaakumana. Baibo ilashomesha kwaamba ayi bantu balaakusangalala abuumi kwamuyayaya mu Paladaiso pacishi capanshi.
3. Ino nciinshi ceenga camucafwa kushoma ayi Baibo nshoyaamba shilaakukumanishikwa?
Bantu baanji balalangila shintu shibotu, nacibi boobo, balatoonsha na shilaakukumanishikwa. Sombi Baibo nshoyaamba shilaakukumanishikwa. Inga twashoma nshoyaamba na ‘katwiinduluka mu Malembo cakubikila maano.’ (Milimo 17:11) Ndyemutokwiiya Baibo mulaakusalaawo nobeene na inga mwashoma Baibo nshoyaamba pabuumi mbweshi bukabe kunembo nabi sobwe.
AMWIIYILEWO ASHIMWI
Amwiiye Baibo nshoyaamba pabuumi mbweshi bukabe kunembo. Amubone bantu mbobatoocafwikwa munshiku shino ceebo cakwiiya Baibo nshoyaamba.
4. Baibo ilaamba ayi tulaakuba abuumi butamaani kwakubula mapensho
Amubone mulongo utokonkelaawo washishomesho shaambwa mu Baibo. Ino ncishomesho cili nceenga mwasuna kwaamba ayi cikakumanishikwe? Ino nceebonshi?
Amubelenge malembo atondeshekwa pashishomesho isho akubandika miipusho itokonkelaawo:
-
Sa mutobona ayi malembo aya inga amucafwa kulangila? Sa inga ayuminisha beshicibusa abeshikamukowa banu?
Amuyeeye kwaamba ayi muli mucishi
MUTAAMU . . . |
MUNTU ULI WOONSE MWESHI . . . |
---|---|
|
|
|
|
|
|
|
|
|
|
5. Baibo nshoyaamba inga shamucafwa
Bantu baanji balalefuka na kulinyumfwa cibiibi ceebo camapensho atoocitika. Bamwi baleelesha kucita nsheenga bacikonsha kwaamba ayi baalule shintu. Amubone Baibo nshoyaamba pabuumi mbweshi bukabote kunembo mboshitocafwa bantu pacecino ciindi. Amweebele VIDYO, akubandika miipusho itokonkelaawo.
-
Kweelana avidyo, ino mbukaalo nshi butabete kabotu bwakalinga kupa kwaamba ayi ba Rafika banoolinyumfwa cibiibi?
-
Ino Baibo yakabacafwa buyani nabi kwaamba ayi bukaalo ubo butabete kabotu bwakatolelela?
Baibo nshoyaamba ayi shilaakucitika kunembo inga shatuyuminisha akutucafwa kuliyumya ndyetutokwiinda mumapensho. Amubelenge Tushimpi 17:22 a Bene Loma 12:12, akubandika miipusho itokonkelaawo:
-
Sa mutoyeeya ayi Baibo nshoyaamba inga shamucafwa pacecino ciindi? Ino nceebonshi?
BANTU BAMWI BALAAMBA AYI: “Baibo nshoyaamba teshi shancine.”
-
Ino nceebonshi ncociyandikila kushiba bumboni butondesha ayi Baibo nshoyaamba nshancine?
CITEENTE CINENE
Baibo ilaamba shiinji pabuumi mbweshi bukabe kunembo. Alimwi nshoyaamba inga shatucafwa pacecino ciindi, akulangila kunembo.
Kwiindulukaamo
-
Ino nceebonshi bantu balayandika kushiba shishomesho shakwe Lesa?
-
Ino Baibo ilaamba ayi buumi bulaakuba buyani kunembo?
-
Ino kulangila buumi bwakunembo inga kwamucafwa buyani pacecino ciindi?
AMULANGWEETEWO ASHIMWI
Amwiiye mbweenga kulangila kwamucafwa.
“Ino Nkuli Nkweenga Twacaana Kulangila?” (Sinsimuka!, April 22, 2004)
Amwiiye mbweenga kulangila buumi bwa kunembo kwacafwa baabo baciswa ciswa.
“Sa Baibo Inga Yamucafwa na Mulaciswa Bulwashi Butashilikwi?” (Makani acanika pa jw.org)
Ndyemutokweebela vidyo ya nyimbo iyi, amuyeeye ayi mwebo amukwashi wanu mutoosangalala abuumi mu Paladaiso Baibo njoyakashomesha.
Amubelenge Baibo nshoyaamba pamakani akunembo mboshakacafwa muntu umwi kwaalula mbwaakalinga kubona shintu.