YOFUNJEDHA 02
Bibilya linonikami-a ira nikaena idedi-edho
Atu vailambo yothene yavathi anogumanana nyarwa. Namwasa wa vyevi aliwa anokala osukwala, ovikumbanyedha no uvwa upa. N’nga nyo mutoroma gumanana vyorucha ninga vyevi? Venango e-ni munaabulela venango mutokweliwa mutu wamdhiveliwananyo. Venango munodhifuka ira: N’nga vyongo vinodha kaladi pama? Bibilya linowakula yofuka yei mo-inda rima.
1. N’nga Bibilya linonikami-a a-vi ira nikaena idedi-edho?
Bibilya kalinoonga mwasa uiiri-idhe irava ilambo yavathi vakale nyarwa baa-i kabe. Mbwenye linoniwandela thitho milanyu yapama yoonga ira nyarwa dhothene dhinodha mala. Vyolanyedha vya Bibilyani vinooda “uva-ani idedi-edho na sogolo lapama.” (Muleri Jeremiya 29:11, 12.) Vyevyo vinonikami-a ira niode limbanana nyarwa dhinogumanana i-yo malamboano, noira nionenga vyongo mwapama, thitho ira nidhakale osangalala dhowa nodhowa.
2. N’nga pyolanyedha viivi vya Bibilyani vyoonga sogolo li-u?
Bibilya linoonga ira sogolou kaunodha kala “wukwa, sukwala, ula nee uvwa upa.” (Muleri Apokalipse 21:4.) Nyarwa dhinoiri-a atu malamboano kalanga osukwala ninga ndhala, a-longomana, marenda no wukwa kavinodha kalao okoka. Bibilya linolanyedha ira atu anodha kala osangalala namwasa okaana ingumi yo-omala paradaizoni vailambo yavathi.
3. N’nga nyo munasikimizele a-vi ira vyothene vinoonga Bibilya vinodha ireya?
Atu anofunechecha ira vyongo vyapama viireenga, mbwenye aliwa katinosikimizela na rima wethene ira vinodha ireyadi. Mbwenye vinolanyedha Bibilya pyo-iyana na vyevyo. Ninooda ona ira vinoonga Bibilya vinodha ireyadi akala ira nino “sakasaka Malemba mwapolepole.” (Mayirelo 17:11) Funjedha Bibilya unodha ukami-ani ira mwiidhiwe vinoonga aliwa vyasogolo. Vinodha kala sakula winyu akala ira munofuna viroromela venango kabe.
FUNJEDHANI VINJINJI
Funjedhani vyongo vinango vinolanyedha Bibilya vya sogolou. Thitho onani mwemo idedi-edho iongiwile Bibilyani munokami-ela aliwa atu malamboano.
4. Bibilya linonilanyedha ira ninodha kaana ingumi yo-omala thitho nyarwa kadhinodha kalao
Kaonani vyolanyedha vinofwanyeya Bibilyani vyo-arelavi. Cholanyedha ivi inodhiveliwananyo? N’nga mwasiwa ngwan’ni musakunle yolanyedha yei?
Muleri malemba ali va yolanyedha iliyothene, mwamala mutapanye vyofuka vyo-arelavi:
-
N’nga munothuulela ira malemba enala anooda uva-ani idedi-edho? N’nga anooda kami-a atu avabanjani vinyu venango afwinyu ira takaena idedi-edho?
Kathuulelani ira muli muilamboni yoi
|
KAVALI . . . |
MUTU ULIWETHENE UNODHA KAANA NGARI . . . |
|---|---|
|
|
|
|
|
|
|
|
|
|
5. Vyolanyedha vya Bibilyani vinooda chinja ingumiinyu
Atu anjinji anosukwala venango thakaleliwa namwasa wa nyarwa dhinogumanana aliwa vailambo yavathi. Atu enango anoira iliyothene vofuna chinja ilamboi ira ikale pama. Onani mwemo yolanyedha ya Bibilyani yoi vyongo vinodha kala pama, munokami-edha aliwa atu. Muonele VIDIYO, mwamala mutapanye vyofuka vyo-arelavi.
-
Vidiyonimu pivyongo viivi vyo-olongomana vyam’pi-echa rima Rafika?
-
Angalive ira vyongo vyo-olongomana kavyamadhi, n’nga Bibilya lam’kami-idhe a-vi Rafika?
Vinonilanyedha Bibilya vinonikami-a ira nikaena idedi-edho yapama thitho kanino kala osukwala, ninooda vilela nyarwa mwandhila yapama. Muleri Sanganiko 17:22 na Aroma 12:12, mwamala mutapanye vyofuka vyo-arelavi:
-
N’nga munoona ira idedi-edho yokumela Bibilyani inooda chinja ingumiinyu malamboano? Mwasiwa ngwan’ni munoonga e-no?
ATU ENANGO ANOONGA IRA: “Vyolanyedha vya Bibilyani vyoonga sogolo li-u pyapama maningi mbwenye kavinoodeya ira vinoireya.”
-
Mwasiwa ngwan’ni munofwanela sakasaka umboni oi vinolanyedha Bibilya vinodha ireadi??
MAKUNDO OGWANDELA
Bibilya linonikami-a ira nikaena idedi-edho. Thitho linonilanyedha ira ninodha kaana ingumi yosangalala sogolo. Vyevyo vinonikami-a ira nivilelengana nyarwa dhinogumanana i-yo malamboano.
Vyofuka vyowelela
-
Mwasiwa ngwan’ni atu anofwanela kaana idedi-edho?
-
N’nga Bibilya linoongan’ni vyoonga sogolo?
-
N’nga idedi-edho ya Bibilyani inonikami-a a-vi malamboano?
IDHIWANI VINJINJI
Idhiwani vinjinji vyoonga kopolo dha idedi-edho
“Kodi Chiyembekezo Mungachipeze Kuti?” (Galamukani!, 22 wa Abril wa 2004)
Onani mwemo idedi-edho yasogolo munokami-edha aliwa atu ana marenda o-oila.
“Kodi Baibulo—Lingandithandize Kupirira Matenda?” (Mwasa wavasaiti)
Mwaonelanga vidiyo ya nyumbwila, muthuulelenga moda unofuna nyo dhasangalala vambo-i na banja linyu muparadaizo ninga mulanyedhile Bibilya.
Muleri vya ingumi ya mutu asakasaka ufulu waatu na vinyama mwachinjele ingumiyee angafunjedhile milanyu ya Bibilyani yoonga vya sogolo.
“Panopa Ndilibenso Maganizo Ofuna Kusintha Zinthu M’dzikoli” (Nsanja ya Olonda, 1 wa Julho wa 2013)
