ISAMBILILO 02
Baibo Yalaya Ukuti Ivintu Vilazipa Uku Nkoleelo
Antu umu nsi yonsi yakakwata intazi izikalenga yauvwa ulanda, kusakamikwa alino nu kuwaika. Uzye mwatala mwakwatapo intazi iyalenzile muyuvwe wakwe vii? Limwi mukucuula pa mulandu nu kulwala nanti limwi wino mwatemwa watafwa. Mungayuzya mweineco muti, uzye ivintu mu umi vilatala vizipe? Baibo ikaasuka iuzyo lilyo.
1. I vyani vino Baibo yatulaya ukuti i vilacitika uku nkoleelo?
Baibo ikatulondolwela umulandu uno umu nsi mwayela sana intazi, nupya ikatunena ni lyasi lisuma ilyakuti likwene sile Leza wasya asisyepo intazi zyonsi zii. Malayo ya muli Baibo yangamupeela “umi usuma uku nkoleelo alino nu upalilo.” (Belengini Yelemiya 29:11, 12, NWT.) Malayo yayo yakatwazwa ukuzizimizya intazi, ukuya ni nsansa ndakai alino nu ku nkoleelo.
2. Uzye Baibo yatulaya ukuti umi ulaya uli uku nkoleelo?
Baibo ikalanda ukuti “kutalaya imfwa, kutalaya kuloosya nanti kulila, nanti kuvwa kuwaika.” (Belengini Kusokolola 21:4.) Intazi izikalenga antu ukucuula ndakai, izili wa nzala, ulufyengo, ukulwala nu kufwa zilafumiziwapo. Baibo yatulaya ukuti antu yalaipakizya umi amanda pe umu Paladaise pano nsi.
3. Mungasininkizya uli ukuti malayo amuli Baibo yalafikiliziwa?
Antu aingi yakaenekela ivintu ivisuma ukucitika, nomba yatasininkizya ndi cakuti vintu vivyo vilacitika. Vino Baibo yalaya vyapusanako. Tungataila vino Baibo ikalanda ndi cakuti ‘tukulondelezya sana umu malembo.’ (Milimo 17:11) Lino mukusambilila Baibo, mulaaisoolwela mweineco ndi cakuti mulinzile ukuzumila vino ikalanda pa vilacitika uku nkoleelo.
LONDELEZYINI NA VYUZE
Sambililini pa vintu vimwi vino Baibo yalaya ukuti i vilacitika uku nkoleelo. Lolini na vino malayo aaya muli Baibo yakwazwa antu ndakai.
4. Baibo yatulaya ukuti tulikala manda pe ukwaula ukucuula
Lolini malayo alondelelapo aaya muli Baibo. A malayo ci yano mwatemwa sana? U mulandu ci uno mwayatemelwa?
Belengini malembo aali pa ulayo onga na onga, alino mulanzyanye mauzyo yaa:
-
Uzye mukulola ukuti malembo yaa yangamwazwa? Uzye yangazwa ya lupwa inu na ya cuza inu?
Elenganyini ukuti mukwikala umu nsi muno
|
KUSI ALIWENSI . . . |
ANTU YONSI YALAIPAKIZYA IVINTU VII: |
|---|---|
|
|
|
|
|
|
|
|
|
|
5. Malayo amuli Baibo yangazwa umuntu ukusenuka
Antu aingi yakatoovoka nanti sile ukusoka pa mulandu ni ntazi zino yakakwata. Yamwi yakaezya na maka ukusenula ivintu pakuti vizipe. Lolini vino ulayo wa muli Baibo uwakuti ivintu vilazipa ukwazwa antu ndakai. Tambini VIDYO, alino mulanzyanye mauzyo atiyalondelelapo.
-
Wakwe vino twatamba muli vidyo, u lufyengo lwa musango ci luno ya Rafika yatatemilwe?
-
Nanti cakuti ulufyengo lulo lutafumiziwepo, uzye Baibo yayazwile uli?
Vino Baibo yalaya ukuti i vilacitika uku nkoleelo vingatwazwa ukukanatoovoka nu kuzizimya intazi. Belengini Mapinda 17:22 na Loma 12:12, alino mulanzyanye mauzyo yaa:
-
Uzye vino Baibo ikalanda pa vilacitika uku nkoleelo vingamwazwa ukusenula umi winu ndakai? U mulandu ci uno mwalandila vivyo?
YAMWI YAKALANDA UKUTI: “Vino Baibo yalaya pa vilacitika uku nkoleelo vitange vicitike.”
-
U mulandu ci uno icicindamila ukuti mulondelezye mweineco pakuti mumanye icisinka?
VINO TWASAMBILILA
Muli Baibo mwaya malayo aingi aakalanda pa vilacitika uku nkoleelo na cii cikalenga tutaile ukuti ivintu vilazipa nupya cikalenga tuye sana ni nsansa ndakai.
I vyani vino mwasambilila?
-
U mulandu ci uno antu yalinzile ukumanyila malayo yakwe Leza?
-
Uzye Baibo ikalanda ukuti i vyani vilacitika uku nkoleelo?
-
Uzye ukutaila ukuti ivintu vilazipa uku nkoleelo kungamwazwa uli ndakai?
LONDELEZYINI
Sambililini vino malayo amuli Baibo yangamwazwa ndi cakuti mwakwata intazi.
“Upaalilo—Aekwi Kuno Mungauzana?” (Zyukini!, Epuleo 22, 2004)
Sambililini vino ukutaila ivilacitika uku nkoleelo kungazwa yano yalwala ulwale uwipisye.
“Uzye Baibo Ingamwazwa Ndi Cakuti Mwalwala Ulwale Uwipisye?” (Cipande ca pa intaneti)
Lino mukutamba vidyo ii ya nyimbo, elenganyini ukuti mwemo nu lupwa lwinu mukuipakizya umi umu Paladaise ino Baibo yalaya.
Belengini pali vino umi wa muntu umwi uwalwisyanga ukuti vintu visenuke wasenwike lino wasambilile pali vino Baibo ikalanda pa vilacitika uku nkoleelo.
“Ndakai Nsilola Ukuti Mfwile Ukusenula Ivintu Muno Insi” (Lupungu Lwa Mulinzi, Julai 1, 2013)
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
